ينفورماتسيا اشكەرەلەۋ: mzjubao@cnr.cn

اۋىل اۋانى

1 ـ كەزەكتى جوعارى دارەجەلى باسشىلار تالقى مىنبەرىن تەكسەرۋ گرۋپپاسى شيحۋعا كەلدى

来源:جۇڭگو قازاق راديو تورابى     |责编:阿依娜|     发布日期: 2022-08-04 10:19


    قالقابەك ماحسۇتحان ۇلى حابارلايدى.
7-ايدىڭ 30-كۇنى 2022-جىلعى جۇڭگو تارباعاتاي جەكە كولىكپەن ساياحاتتاۋ كاسىبىن دامىتۋ جينالىسىنا جانە شينجياڭعا باعىتتامالى كومەكتەسۋ بويىنشا مادەنيەت ـ ساياحات كاسىبىن بىرگە قۇرۋ جونىندەگى 1-كەزەكتى جوعارى دارەجەلى باسشىلار تالقى مىنبەرىنە قاتىناسقان سيلى قوناقتار شيحۋ ساۋان انجىحاي ۇلكەن شاتقالىنا كەلىپ، قالامىزدىڭ ساياحات كاسىبىنىڭ جوبا جاعدايىن ەگجەي ـ تەگجەيلى ۇعىستى.


    ەكسكۋرسيالاۋ، تەكسەرۋ ارقىلى كوپشىلىك شيحۋ قالاسىنىڭ جاراتىلىستىق كورىنىسى ايبىندى دا وزگەشە ساياحات بايلىعىنا يە، شيحۋ ساياحاتىنىڭ باسىمدىعىن ىشكەرىلەي تانىستىرىپ، كورىكتى شينجياڭدى ويداعىداي ۇگىتتەپ، ٴتىپتى دە كوپ ادامنىڭ كەلىپ ساياحاتتاۋىنا مۇمكىندىك جاسايتىندىقتارىن ٴبىلدىرىستى.


    بەيجيڭ قالالىق جەكە كولىكپەن ساياحاتتاۋ قوعامىنىڭ باستىعى لو يۇڭجيە بىلاي دەدى: بۇگىن ٴبىز شيحۋعا جەتتى، بۇل ارانىڭ ايبىندى كوركەم كورىنىسىن كوردىك، كەلەسى قادامدا ٴبىز مۇشەلەرىمىزدى شيحۋعا كەلۋگە ۇيىمداستىرامىز، قازىرگى ۇلكەن شاتقالىمىزدى دا، مايتاۋ ـ كۇشار تاس جولىمەن دە جۇرەمىز، وتە جاقسى، ـ دەدى.


    شانشي ولكەسى جەكە كولىكپەن ساياحاتتاۋ جانە ٴۇي اۆتوموبيلدەرى لاگەر قوعامىنىڭ باستىعى حۋا دۇڭ تىلىشگە: بۇگىن ٴبىز شيحۋ ۇلكەن شاتقالعا كەلىپ، ۇشقىشسىز ۇشاقپەن اسپانعا ۇشقاننان كەيىن، بۇل جەردىڭ كورىنىسى ايبىندى سەزىلەدى ەكەن، ٴبىز بۇل سۋرەتتى دوستار شەڭبەرىنە جولداپ، ٴتىپتى دە كوپ ادامنىڭ تارباعاتايدى بىلۋىنە، شيحۋدى بىلۋىنە، ونان سوڭ شيحۋ ۇلكەن شاتقالىنا كەلىپ تاماشالاۋىنا مۇمكىندىك جاساۋدى ٴۇمىت ەتەمىز،-دەدى.


    سىچۋان ولكەسى يىڭى جەكە كولىكپەن ساياحاتتاۋ قوعامىنىڭ ۇنەمىلىك ىستەرگە جاۋاپتى ورىنباسار باستىعى، سىچۋان ساياحات قارجى قوسۋ توبى جەكە كولىكپەن ساياحاتتاۋ، قارجى قوسۋ سەرىكتەستىگىنىڭ ورىنباسار باس ديرەكتورى فۋ لان تىلشگە: ٴبىز كاسىپتىك ۇيىمدارىمىزدىڭ كەيبىر ارنايىلانعان ۇگىتتەرى ارقىلى شيحۋ ۇلكەن شاتقالىنىڭ تەز ارادا بۇكىل ەلدىڭ دۋماندى تۇيىنىنە، مەملەكەتتىك جەكە كولىكپەن ساياحاتتاۋ قوعامىنىڭ ينتەرنەتتىك قىزىل نۇكتەسىنە اينالاتىندىعىنا سەنەمىن،-دەدى.


    جىجياڭ ولكەلىك ساياحات قوعامىنىڭ جەكە كولىكپەن ساياحاتتاۋ جانە ٴۇي-جاي كولىكتەرى لاگەر بولىمشەسىنىڭ باس مەڭگەرۋشىسى جاڭ يۇنلۇڭ تىلشىگە: تۇڭعىش رەت ۇلكەن شاتقالعا كەلگەندە، قاراماققا ٴبىرشاما ايبىندى، ٴبىرشاما كوركەم كورىنەدى. نيڭبوعا قايتىپ كەلگەننەن كەيىن، اۆتوكولىكپەن وسى اراعا كەلىپ ساياحاتتاۋدى تانىستىرىپ، كورىكتى شينجياڭعا ۇلەس قوسامىز،-دەدى.


    جۋىق جىلداردان بەرى، شيحۋ قالاسى ساياحات ارقىلى شينجياڭدى گۇلدەندىرۋ ستراتەگياسىن، ساياحات كاسىبىنىڭ جوعارى ساپالى دامۋىن بار كۇشپەن ىلگەرىلەتىپ، باقىتتى شيحۋ «مادەنيەت ماركاسىن كۇش سالا قالىپتاستىرىپ، مادەنيەت پەن ساياحاتتى توعىستىرۋدىڭ جاڭا ۇلگىسىن ۇزدىكسىز كەڭەيتىپ، شيحۋ ساياحات كاسىبىنىڭ جاڭا داۋىردە جاڭا ومىرشەڭدىك كۇشىن ايگىلەۋىنە، جاڭا تارتىمدىلىقتى ايگىلەۋىنە، جاڭا قۇن جاراتۋىنا مۇمكىندىك جاسادى.

شيحۋ قالالىق توعىسپالى مەديا ورتالىعى

中央广播电视总台 央广网 版权所有

1 ـ كەزەكتى جوعارى دارەجەلى باسشىلار تالقى مىنبەرىن تەكسەرۋ گرۋپپاسى شيحۋعا كەلدى

2022-جىلعى جەكە اۆتوكولىگىمەن ساياحاتتاۋ كاسىبىن دامىتۋ جينالىسى جانە شينجياڭعا باعىتتامالى كومەكتەسۋ بويىنشا مادەنيەت ـ ساياحات كاسىبىن بىرگە قۇرۋ جونىندەگى 1 ـ كەزەكتى جوعارى دارەجەلى باسشىلار تالقى مىنبەرىن تەكسەرۋ گرۋپپاسى شيحۋعا كەلدى