شي جينپيڭ مىنالاردى انىق ايتتى: قازىر دۇنيە جۇزىندە سيفرلاندىرۋعا قاراي دامۋ بارعان سايىن تەزدەپ، ۋاقىت ـ كەڭىستىك ينفورماتسياسى، ورىن تۇراقتاندىرۋ، باعدار نۇسقاۋ قىزمەتى ماڭىزدى جاڭاشا نەگىزدىك قۇرىلعىلارعا اينالدى. بىلتىر 7 ـ ايدا مەن بىيدوۋ 3 ـ ٴنومىرلى الەمدىك جاساندى سەرىك باعدار نۇسقاۋ جۇيەسىنىڭ ىسكە قوسىلعاندىعىن جاريالاعاننان بەرى، بىيدوۋ جۇيەسى دۇنيە جۇزىندە تەڭ جارىمنان استامدى ۇستايتىن مەملەكەتتەر مەن رايونداردا جالپىلاستىرىلىپ پايدالانىلدى، بىيدوۋ جۇيەسىن كولەمدىك قولدانۋ بازارلانعان، كاسىپ سالالانعان، حالىقارالانعان دامۋ شەشۋشى كەزەڭىنە ٴوتتى.

    شي جينپيڭ مىنالاردى باسا دارىپتەدى: بىيدوۋ جۇيەسى جۇڭگو حالقىنا باقىت جاراتادى ٴارى دۇنيە جۇزىندەگى ٴار ەل حالقىنا باقىت جاراتادى. جۇڭگو اشىق ۇستاي دامۋعا، توعىسا دامۋعا، سايكەستى سەلبەسۋگە، سيىسىمدى بولۋعا، ٴوزارا تولىقتاۋعا، تابىستان ورتاق يگىلىكتەنۋگە تاباندى بولادى، ٴارقايسى جاقتارمەن بىرلىكتە بىيدوۋ جاساندى سەرىك باعىت نۇسقاۋ جۇيەسى قۇرىلىسىن ىلگەرىلەتىپ، بىيدوۋ جاساندى سەرىك باعىت نۇسقاۋ جۇيەسىنىڭ جەتىستىكتەرىنەن ورتاق يگىلىكتەنۋدى؛ الەمدىك جاساندى سەرىك باعىت نۇسقاۋ ىستەرىنىڭ العا باسۋىن ورتاق جەبەۋدى؛ بىيدوۋ جۇيەسىنىڭ بۇكىل جەر شارىنا اناعۇرلىم ويداعىداي قىزمەت ەتۋىنە، ادامزاتقا باقىت جاراتۋىنا مۇمكىندىك جاساۋدى قالايدى.

    بىيدوۋ باعدار نۇسقاۋ جۇيەسىنىڭ كولەمدىك قولدانىلۋ تۇڭعىش كەزەكتى حالىقارالىق باس قوسۋ ٴماجىلىسى سول كۇنى حۋنان ولكەسىنىڭ چاڭشا قالاسىندا اشىلدى، نەگىزگى تاقىرىبى مىناۋ: «بىيدوۋ جۇيەسىنىڭ دۇنيە جۇزىنە قىزمەت وتەپ قولدانىلۋى بولاشاققا جول اشادى».

اۋدارعان: قاناتبەك جۇماباي ۇلى