شي جينپيڭ شانشيدە تۇراتىن اسكەري ٴبولىم بەلگىلى بازاسىن كوزدەن كەشىرگەندە نازاردى سوعىسقا دايىندالۋعا، سوعىس جۇرگىزۋگە شوعىرلاندىرۋ، جاڭالىق جاراتا دامۋدى جەدەلدەتۋ، بورىشتى، مىندەتتى اتقارۋ قابىلەتىن جالپى بەتتىك جوعارىلاتۋ كەرەك دەپ باسا دارىپتەدى
ٴوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 9-ايدىڭ 15-كۇنى شانشيدە تۇراتىن اسكەري ٴبولىم بەلگىلى بازاسىن كوزدەن كەشىرىپ، تەكسەرۋ ـ زەرتتەۋ جۇرگىزدى، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان بازاداعى بارلىق كومانديرـ جاۋىنگەرلەردەن شىنايى حال سۇرادى. ول مىنالاردى باسا دارىپتەدى : پارتيانىڭ جاڭا داۋىردەگى ارميانى قۇدىرەتتەندىرۋ يدەياسىن دايەكتەندىرۋ؛ جاڭا داۋىردەگى اسكەري ىستەر ستراتەگيالىق باعىتىن دايەكتەندىرۋ؛ نازاردى سوعىسقا دايىندالۋعا، سوعىس جۇرگىزۋگە شوعىرلاندىرۋ؛ جاڭالىق جاراتا دامۋدى جەدەلدەتۋ؛ بورىشتى، مىندەتتى اتقارۋ قابىلەتىن جالپى بەتتىك جوعارىلاتىپ، دۇنيە جۇزىندەگى بىرەگەي ارميا قۇرۋعا، عارىش ىستەرىندە ەگەي ەل قۇرۋعا اناعۇرلىم زور ۇلەس قوسۋ كەرەك.
التىن كۇز ارايىنا شومعان بايىرعى قالانىڭ شي ـ ان تىپتەن كورىكتەنە تۇسكەندەي. تۇستەن بۇرىن ساعات 10 نان 30 مينۋت وتكەندە، شي جينپيڭ بازانىڭ كازارما رايونىنا كەلدى. شاتىرلاعان شاپالاق ٴۇنى ىشىندە شي جينپيڭ شي ـ اندا تۇراتىن اسكەري بولىمدەردەگى كوماندير ـ جاۋىنگەرلەر ۋاكىلدەرىن ىقىلاسپەن قابىلداپ، كوپشىلىكپەن بىرگە سۋرەتكە ٴتۇسىپ ەستەلىك قالدىردى.
وسىدان كەيىن شي جينپيڭ بازانىڭ قىزمەت مالىمەتىن تىڭدادى ٴارى ماڭىزدى ٴسوز سويلەدى. شي جينپيڭ بازانىڭ ۇزاق ۋاقىتتان بەرى ەلىمىزدىڭ عارىش ىستەرىن دامىتۋدا ماڭىزدى رول اتقارعاندىعىن تولىق تۇراقتاندىردى. ول مىنالاردى باسا دارىپتەدى : عارىشقا ۇشىرۋ جيىلىگى تەزدەگەن، تالابى جوعارىلاعان ٴىس جۇزىندىك جاعدايعا سايكەسىپ، ۇيىمدىق ۇلگىنى ساپالاندىرۋ؛ ولشەۋ ـ مەڭگەرۋ تەحنيكاسىندا جانە تاسىلىندە جاڭالىق جاراتۋ، ولشەۋ ـ مەڭگەرۋدىڭ دالمە ـ ٴدال، سەنىمدى، تابىستى بولۋىنا كەپىلدىك ەتۋ كەرەك. مەملەكەتتىڭ عارىش جۇيەسىنىڭ اينالىمىن باسقارۋدى ٴبىر تۇتاس جوسپارلاپ اتقارۋ، باسقارۋ جانە پايدالانۋ ونىمدىلىگىن جوعارىلاتۋ كەرەك.
شي جينپيڭ بىلاي دەپ انىق ايتتى: عارىش جابدىق مۇلىكتەرى-مەملەكەتتىڭ ستراتەگيالىق مۇلكىنە جاتادى، ونى ويداعىداي باسقارۋ، ويداعىداي پايدالانۋ، ونان دا ماڭىزدىسى، ويداعىداي قورعاۋ كەرەك. قورعانىس كۇشتەر قۇرىلىسىن جالپى بەتتىك كۇشەيتىپ، اپاتقا قارسى تۇرىپ تىرشىلىكتى قورعاۋ، ينفورماتسيالىق قورعانۋ قابىلەتىن جوعارىلاتۋ كەرەك. عارىشتىق تاسىمال باسقارۋدى كۇشەيتىپ، عارىش جۇيەسىنىڭ ورنىقتى، ٴتارتىپتى اينالىمىنا كەپىلدىك ەتۋ كەرەك. عارىش حاۋىپسىزدىك حالىقارالىق سەلبەستىگىن ورىستەتىپ، عارىش داعدارىسىن باسقارۋ ـ مەڭگەرۋ جانە جان ـ جاقتى وڭاۋ ونىمدىلىگىن جوعارىلاتۋ كەرەك.
شي جينپيڭ مىنالاردى باسا دارىپتەدى : بازا ارقالاعان ٴتۇرلى مىندەتتەردى ويداعىداي ورىنداۋ ٴۇشىن، ٴسوز جوق، پارتيانىڭ ساياسي قۇرىلىسى ارقىلى ٴبىر تۇتاس باسشىلىق ەتتىرۋ؛ ٴار قايسى ٴار جاقتارداعى پارتيا قۇرىلىسىن جالپى بەتتىك ىلگەرىلەتۋ؛ پارتيانىڭ جاڭالىق جاراتۋ نازارياسىمەن قارۋلاندىرۋدى ىشكەرىلەتۋ؛ پارتيا تاريحىن ۇيرەنۋ تاربيەسىن ويداعىداي يگەرۋ؛ «ەكى بومبى، ٴبىر سەرىك» رۋحىن، عارىشتىق ولشەۋ ـ مەڭگەرۋ رۋحىن ويداعىداي ساۋلەلەندىرۋ؛ كوماندير ـ جاۋىنگەرلەردىڭ پارتيانىڭ قولباسشىلىعىنا قۇلاق اسۋ، بورىشتى وتەۋ يدەيالىق ـ ساياسي نەگىزىن بەكەمدەۋ؛ قوسىننىڭ كىرشىكسىزدىگىن، بەكەمدىگىن جانە وسكەلەڭ شوعىرلى بىرلىگىن ساقتاۋ كەرەك. دارىندىلار قىزمەتىن باعىتتامالى تۇردە جاقسى ىستەۋ؛ دارىندىلار تىرەگىن بەكەمدەۋ كەرەك. نەگىزگى ساتىنى تاباندىلىقپەن مىقتى يگەرۋ؛ نەگىز قالاپ، كوكىرەك كەرنەگەن قىزۋ ىنتامەن كوماندير ـ جاۋىنگەرلەردى الاڭداۋدان ارىلتىپ، قيىنشىلىعىن شەشىپ، ناتيجە جاراتىپ شارۋاشىلىق قۇرۋ بەلسەندىلىگىن تولىق جۇمىلدىرۋ؛ بازا قۇرىلىسىندا ۇزدىكسىز جاڭا جاعداي جاراتۋ كەرەك.
اۋدارعان: قاناتبەك جۇماباي ۇلى
