ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ سىرتقا باعىتتالعان راديونىڭ 80 جىلدىعىن قۇتتىقتادى

来源:جۇڭگو قازاق راديو تورابى     |责编:阿依娜古丽|     发布日期: 2021-12-04 11:03


    ٴوز حابارىمىز. جۇڭگو حالقىنىڭ سىرتقا باعىتتالعان راديو ىستەرى قۇرىلعاندىعىنىڭ 80 جىلدىعى قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ قۇتتىقتاۋ حات جولداپ، ورتالىق راديو ـ تەلەۆيزيا باس ستانسياسىنداعى بارلىق جولداستاردى قىزۋ قۇتتىقتادى ٴارى جۇڭگو حالقىنىڭ سىرتقا باعىتتالعان راديو ىستەرىنە قولداۋ كورسەتكەن حالىقارالىق دوستارعا شىنايى سالەم جولدادى.


    شي جينپيڭ قۇتتىقتاۋ حاتىندا بىلاي دەپ اتاپ كورسەتتى: 80 جىلدان بەرى، پارتيانىڭ باسشىلىعىندا، سىرتقا باعىتتالعان راديو ىستەرى داڭقتى ٴداستۇردى ساۋلەلەندىرىپ، اۋەلگى ماقسات پەن بورىشتى ۇمىتپاي، پارتيانىڭ قۋاتتاماسىن ۇگىتتەپ، جۇڭگونىڭ دامۋىن جان ـ جاقتى ۇگىتتەپ جانە تانىستىرىپ، جۇڭگو حيكاياسىن بەلسەندى تۇردە بايانداپ، جۇڭگو ٴۇنىن ويداعىداي تاراتتى.


    شي جينپيڭ بىلاي دەپ باسا دارىپتەدى: ۇزدىكسىز ٴورىس اشا جاڭالىق جاراتىپ، حالىقارالىق تاراتۋ قابىلەتى قۇرىلىسىن كۇشەيتىپ، قۇدىرەتتى جەتەكشىلىك قۋاتقا، تاراتۋ قۋاتىنا، ىقپال قۋاتىنا يە حالىقارالىق بىرەگەي جاڭاشا نەگىزگى اقپارات قۇرالىن قالىپتاستىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا جانە ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تىڭ دا اناعۇرلىم زور ۇلەس قوسۋلارىڭىزدى ٴۇمىت ەتەمىن.


    جۇڭگو حالقىنىڭ سىرتقا باعىتتالعان راديو ىستەرى قۇرىلعاندىعىنىڭ 80 جىلدىعىن قۇتتىقتاۋ اڭگىمە ٴماجىلىسى 12-ايدىڭ 3-كۇنى تۇستەن كەيىن بەيجيڭدە وتكىزىلدى، جينالىستا شي جينپيڭنىڭ قۇتتىقتاۋ حاتى وقىلدى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ۇگىت ٴبولىمىنىڭ باستىعى حۋاڭ كۇنميڭ اڭگىمە ماجىلىسكە قاتىناستى ٴارى ٴسوز سويلەپ، بىلاي دەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، تاڭداۋلى داستۇرگە مۇراگەرلىك ەتىپ جانە ونى ساۋلەلەندىرىپ، سىرتقى ۇگىت بورىشىن ىرىقتىلىقپەن ارقالاپ، ٴوزىمىزدى نەگىز ەتىپ، جۇڭگو مەن شەتەلدى توعىستىرىپ، باتىلدىقپەن كۇرەس جۇرگىزىپ، ەفير، ينتەرنەت سياقتى دانەكەر ارقىلى جۇڭگو جولىن، جۇڭگو ۇستانىمىن، جۇڭگو دارىپتەمەسىن كەڭىنەن ۇگىتتەپ، جۇڭگو كوممۋنيستىك پارتياسىنىڭ حيكاياسىن ٴۇن جانە وبراز ارقىلى ويداعىداي بايانداپ، جاڭا داۋىردەگى جۇڭگونىڭ حيكاياسىن ويداعىداي جىرلاپ، سەنىمدى، ادەمى، قادىرلى جۇڭگو وبرازىن قۇلشىنا سومداۋ كەرەك.


    ورتالىق راديو-تەلەۆيزيا باس ستانسياسىنىڭ جاۋاپتىلارى جانە دەمالىسقا، پەنسياعا شىققان ساقا جولداستاردىڭ، كادرلار مەن جۇمىسشى-قىزمەتكەرلەردىڭ ۋاكىلدەرى ٴسوز سويلەدى.


    1941-جىلى 12-ايدىڭ 3-كۇنى يان-ان شينحۋا راديو ستانسياسى جاپون ٴتىلى راديوسىن اشتى، بۇل جۇڭگو حالقىنىڭ سىرتقا باعىتتالعان راديو ىستەرىنىڭ قۇرىلعاندىعىن ايگىلەدى. قازىر ورتالىق راديو - تەلەۆيزيا باس ستانسياسى 44 ٴتۇرلى تىلدە حالىقارالىق راديو باعدارلامالارىن تاراتۋدا.


اۋدارعان: شالقار قازەز ۇلى

中央广播电视总台 央广网 版权所有

شي جينپيڭ سىرتقا باعىتتالعان راديونىڭ 80 جىلدىعىن قۇتتىقتادى

شي جينپيڭ جۇڭگو حالقىنىڭ سىرتقا باعىتتالعان راديو ىستەرى قۇرىلعاندىعىنىڭ 80 جىلدىعىنا قۇتتىقتاۋ حات جولداپ: حالىقارالىق تاراتۋ قۋاتى قۇرىلىسىن كۇشەيتىپ، جەتەكشىلىك قۋاتى، تاراتۋ قۋاتى، ىقپال قۋاتى كۇشتى حالىقارالىق بىرەگەي جاڭاشا نەگىزگى اقپارات قۇرالىن قۇرۋدى باسا دارىپتەدى