ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

باس شۋجي شي جينپيڭنىڭ ماڭىزدى ٴسوزى كۇشتى اڭىس قوزعادى

来源:جۇڭگو قازاق راديو تورابى     |责编:阿依娜|     发布日期: 2022-07-30 18:18

 

ٴوز حابارىمىز. باس شۋجي شي جينپيڭنىڭ ولكە، مينيستر دارەجەلى نەگىزگى باسشى كادرلار ارناۋلى تاقىرىپتىق زەرتتەۋ ـ تالقىلاۋ كۋرسىندا سويلەگەن ماڭىزدى سوزىندە جاڭا داۋىردە جۇڭگوشا سوتسياليزمگە تاباندى بولۋ جانە دامىتۋداعى كەلەلى نازاريالىق جانە امالياتتىق ماسەلەلەر تەرەڭ بايىمدالىپ، ٴار دارەجەلى پارتكومدار مەن ۇكىمەتتەردەگى پارتيا، ۇكىمەت كادرلارى اراسىندا كۇشتى اڭىس قوزعادى.


    كوپشىلىك بىلاي دەستى: يدەيا مەن ارەكەتتى باس شۋجي شي جينپيڭنىڭ ماڭىزدى ٴسوزىنىڭ رۋحىمەن، پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، بۇكىل ىنتا ـ پەيىلىمەن حالىق ٴۇشىن قىزمەت ىستەۋ ٴتۇبىرلى ماقساتىنا تاباندى بولىپ، رەفورما، دامۋ، ورنىقتىلىق قىزمەتتەرىن مۇقيات يگەرىپ، پارتيانىڭ 20 ـ قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الامىز.


    باس شۋجي شي جينپيڭ بىلاي دەپ باسا دارىپتەدى: جالپى بەتتىك سوتسياليستىك وسىزاماندانعان مەملەكەت قۇرۋ، ەكىنشى 100 جىلدىق كۇرەس نىساناسىنا جورىق جاساۋ جاڭا ساپارىندا، بۇكىل پارتيا، ٴسوز جوق، جۇڭگوشا سوتسياليزم ۇلى تۋىن بيىك ۇستاپ، ماركسيزمنىڭ جۇڭگوشالانۋ، وسىزاماندانۋ ەڭ جاڭا جەتىستىكتەرىن جەتەكشى ەتۋگە تاباندى بولىپ، جۇڭگوشا سوتسياليزمدىك جول سەنىمىن، نازاريا سەنىمىن، ٴتۇزىم سەنىمىن، مادەنيەت سەنىمىن بەكەمدەپ، جۇڭحۋا ۇلتىنىڭ ۇلى كوركەيۋ تاريحي اياق الىسىن تاباندىلىقپەن ىلگەرىلەتۋ كەرەك.


    باس شۋجي شي جينپيڭنىڭ ماڭىزدى ٴسوزى قالىڭ پارتيالى كادرلاردى ستراتەگيالىق سەنىمدى بەكەمدەپ، ستراتەگيالىق سەرگەكتىكتى ساقتاپ، سەنىم مەن جىگەردى كۇشەيتۋگە جەبەدى. كوپشىلىك «ەكىنى تۇراقتاندىرۋدىڭ» شەشۋشى ٴمانىن تەرەڭ ٴتۇسىنىپ، «ٴتورت تانىمدى» ونان ارى كۇشەيتىپ، «ٴتورت سەنىمدى» بەكەمدەپ، «ەكىنى قورعاۋ دق» ورىندايتىندىقتارىن ايتتى. بەيجيڭ قالاسى شۇن ـ ي رايوندىق پارتكومنىڭ توتە قاراستى ورگان قىزمەت كوميتەتىنىڭ مۇشەسى لي يانشان بىلاي دەدى: ٴبىز ساياسي قۇرىلىستى ماڭداي الدى ورىنعا قويىپ، ورگان پارتيالى كادرلار قوسىنى قۇرىلىسىن ۇزدىكسىز كۇشەيتىپ، ورگان پارتيا قۇرىلىسىنىڭ «الدا ٴجۇرۋ، ۇلگى بولۋ» جالپى تالابىن ٴار قايسى جاقتارعا، ٴار قايسى بۋىندارعا دايەكتەندىرىپ، استانانىڭ «ٴتورت ورتالىق» قۇرىلىسىنا بەلسەنە ۇلەس قوسامىز.


    شينجياڭ ۇيعۇر اۆتونوميالى رايوندىق پارتكوم توتە قاراستى ورگان قىزمەت كوميتەتىنىڭ شۋجيى ياۋ شياۋجۇن بىلاي دەدى : ٴبىز باس شۋجي شي جينپيڭنىڭ ماڭىزدى ٴسوزىنىڭ رۋحىن جەتەكشى ەتىپ، جاڭا داۋىردەگى پارتيا قۇرىلىسىنىڭ جالپى تالابىن جان-جاقتى تياناقتاندىرىپ، وزەكتى ارقاۋ ەتۋگە، قوسىن قۇرۋعا، بۇقاراعا قىزمەت ەتۋگە تاباندى بولىپ، توتە قاراستى ورگان ٴار دارەجەلى پارتيا ۇيىمدارى مەن قالىڭ پارتيالى كادرلاردىڭ «ەكىنى قورعاۋدا» الدىڭعى لەكتە ٴجۇرۋىن ىلگەرىلەتۋىمىز كەرەك.


    باس شۋجي شي جينپيڭ بىلاي دەپ باسا دارىپتەدى : جالپى بەتتىك سوتسياليستىك وسىزاماندانعان مەملەكەت قۇرۋدىڭ، جاڭا داۋىردەگى جاڭا جورىقتىڭ ٴتۇرلى نىسانا ـ مىندەتتەرىن جۇزەگە اسىرۋدىڭ تەتىگى پارتيادا.


    كوپشىلىك مىنالاردى ٴبىلدىردى: ماڭىزدى ٴسوزدىڭ رۋحىن مۇقيات ۇيرەنىپ، ٴتۇسىنىپ، جاڭا داۋىردە جاڭا جورىقتاعى پارتيانىڭ وزەكتى مىندەتىن مىقتاپ يگەرىپ، جالپى بەتتىك سوتسياليستىك وسىزاماندانعان مەملەكەت قۇرۋ شىت جاڭا تاراۋىن قۇلشىنا جازامىز. تيانجين قالالىق عىلىم ـ تەحنيكا مەكەمەسى پارتكومىنىڭ شۋجيى ماۋ جينسۇڭ بىلاي دەدى : ٴبىز پارتيانىڭ عىلىم ـ تەحنيكا قىزمەتىنە جالپى بەتتىك باسشىلىعىنا تاباندى بولىپ، مەملەكەتتىڭ كەلەلى ستراتەگيالىق قاجەتىنە باعىتتاي وتىرىپ، ستراتەگيالىق عىلىم ـ تەحنيكا كۇشتەرى قۇرىلىسىن ۇزدىكسىز كۇشەيتىپ، عىلىم ـ تەحنيكادا جاڭالىق جاراتۋ ارقىلى دامۋدىڭ جاڭا باسىمدىلىعىن ىرىقتىلىقپەن سومداپ، پارتيانىڭ 20 ـ قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الامىز.


    چيڭحاي ولكەسى شي-نيڭ قالاسى حۋاڭيۋان اۋدانى رىيۋە زاڭزۋ اۋىلىنىڭ باستىعى ليۋ حاييۇي بىلاي دەدى : باس شۋجي شي جينپيڭنىڭ ماڭىزدى ٴسوزى ٴبىزدىڭ كەزەكتەگى جانە بۇدان بىلايعى قىزمەتتەردى ويداعىداي ىستەۋىمىزدىڭ ٴتۇبىرلى ولشەمى. ٴبىز تيپتىك ەگىن، مال شارۋاشىلىعىن ۇشتاستىراتىن رايون، از ساندى ۇلتتىق اۋىل رەتىندە، جۇڭحۋا ۇلتى ورتاق تۇلعاسى تانىمىن ونان ارى بەكەمدەپ، ىنتىماقتاسا كۇرەس جاساپ، ورتاق دامىپ كوركەيىپ، اۋىل ـ قىستاقتى كوركەيتۋدى ەرتەرەك جۇزەگە اسىرىپ، ٴىس جۇزىندىك ارەكەتىمىز ارقىلى پارتيانىڭ 20 ـ قۇرىلتايىنىڭ جەڭىسپەن اشىلۋىن قارسى الامىز.


اۋدارعان: قاناتبەك جۇماباي ۇلى

中央广播电视总台 央广网 版权所有

باس شۋجي شي جينپيڭنىڭ ماڭىزدى ٴسوزى كۇشتى اڭىس قوزعادى

باس شۋجي شي جينپيڭنىڭ ولكە، مينيستر دارەجەلى نەگىزگى باسشى كادرلار ارناۋلى تاقىرىپتىق زەرتتەۋ ـ تالقىلاۋ كۋرسىنداعى ماڭىزدى ٴسوزى پارتيا، ۇكىمەت كادرلارى اراسىندا كۇشتى اڭىس قوزعادى