ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ اپاتتان قۇتقارۋعا ماڭىزدى نۇسقاۋ بەردى

来源:央广网     |责编:达吾力别克|     发布日期: 2024-07-06 12:54

 

شي جينپيڭ حۋنان ولكەسى يۋەياڭ قالاسى حۋارۇڭ اۋدانى تۋانجوۋ توسپا رايونى دۇڭتيڭحۋ كولى ءبىرىنشى شەپ توسپاسى ورىلىپ كەتۋى جونىندە قاتەردەن اراشالاۋ-قۇتقارۋ قىزمەتىن بار كۇشپەن ورىستەتۋ، حالىق بۇقاراسىنىڭ ءومىرى مەن مال-مۇلكىنىڭ حاۋىپسىزدىگىن شىن مانىندە ويداعىداي قورعاۋ كەرەك، -دەپ ماڭىزدى نۇسقاۋ بەردى، لي چياڭ بەكىتۋ جازدى

ءوز حابارىمىز. حۋنان ولكەسى يۋەياڭ قالاسى حۋارۇڭ اۋدانى تۋانجوۋ اۋىلى تۋانبەي قىستاعى تۋانجوۋ توسپا رايونى دۇڭتيڭحۋ كولى ءبىرىنشى شەپ توسپاسى 7-ايدىڭ 5-كۇنى تۇستەن كەيىن ورىلىپ كەتىپ، توسپانى سۋ رايونىن سۋ باستى، قازىر وسى وڭىردەگى اپاتقا ۇشىراعان بۇقارا حاۋىپسىز ورىنعا جوتكەلدى. 

 

قاتەرلى جاعداي تۋىلعاننان كەيىن، شەتەلدە ساپاردا جۇرگەن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ وسكەلەڭ ءمان بەردى ءارى ماڭىزدى نۇسقاۋ بەرىپ بىلاي دەدى: حۋنان ولكەسى يۋەياڭ قالاسى حۋارۇڭ اۋدانى تۋانجوۋ توسپا رايونى دۇڭتيڭحۋ كولى ءبىرىنشى شەپتىك توسپا ورىلىپ كەتكەن جاعدايدا، قاتەر تونگەن وڭىردەگى بۇقارانى دەر كەزىندە جوتكەۋ جانە ۇيلەسىمدى ورنالاستىرۋ كەرەك. قاتەردەن اراشالاۋ-قۇتقارۋ قىزمەتىن بار كۇشپەن ورىستەتىپ، حالىق بۇقاراسىنىڭ ءومىرى مەن مال-مۇلكىنىڭ حاۋىپسىزدىگىن شىنايى قورعاۋ كەرەك، مەملەكەتتىك تاسقىننان ساقتانۋ-قۋاڭشىلىققا قارسى تۇرۋ باس قولباسشىلىق شتابى قىزمەت گرۋپپا جىبەرىپ، جەتەكشىلىكتى كۇشەيتۋى كەرەك. 

 

شي جينپيڭ بىلاي دەپ باسا دارىپتەدى: ەلىمىز نەگىزگى تاسقىن مەزگىلىنە وتكەننەن بەرى، كەيبىر جەرلەردە جاۋىن-شاشىن مولشەرى مول، جالعاسۋ ۋاقىتى ۇزاق، تاسقىننان ساقتانۋ جاعدايى اۋى بولۋدا، اسىرەسە، توسپانىڭ سۋ جەمىرۋگە ۇشىراۋ ۋاقىتى تىم ۇزاق بولسا، كەۋەكتەنۋ سياقتى حاۋىپ-قاتەرلەر وڭاي تۋىلىپ، كومەسكى حاۋىپ-قاتەر قاتەر ءبىرشاما زور بولادى. قاتىستى جەرلىك ۇكىمەتتەر مەن قاتىستى تاراۋلار دەرەۋ اتتانىسقا كەلىپ، كۇش ۇيىمداستىرىپ، تاسقىننان ساقتانۋ، اپاتتان قۇتقارۋ، حاۋىپتەن اراشالاۋ قىزمەتىن ورىستەتۋ؛ توسپانى شارلاۋدى، حاۋىپ-قاتەردى تەكسەرۋدى كۇشەيتۋ؛ حاۋىپ-قاتەردى دەر كەزىندە ءبىر جاقتى ەتىپ، تاسقىننان ساقتانۋ حاۋىپسىزدىگىنە كەپىلدىك ەتۋ كەرەك.

 

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بىلاي دەپ بەكىتۋ جازدى: قاتەردەن اراشالاۋ، ءبىر جاقتى ەتۋ قىزمەتىن بار كۇشپەن ويداعىداي ىستەپ، قاتەرلى جاعدايدىڭ اسقىنۋىن تىزگىندەپ، اپاتقا ۇشىراعان بۇقارانى لايىقتى ورنالاستىرۋ كەرەك، سونىمەن بىرگە، توسپا ءوڭىرىن شارلاپ تەكسەرۋدى، قورعانۋدى كۇشەيتۋ، ءتۇرلى حاۋىپسىزدىك كومەسكى كىناراتتارىن ءبىر-بىرلەپ تەكسەرۋ، حالىق بۇقاراسىنىڭ ءومىرى مەن مال-مۇلكىنىڭ حاۋىپسىزدىگىن شىنايى قامتاماسىز ەتۋ كەرەك. مەملەكەتتىك تاسقىننان ساقتانۋ-قۋاڭشىلىققا قارسى تۇرۋ باس قولباسشىلىق شتابى الدىن الا مالىمەت بەرۋ، ساقتاندىرۋ جانە زەرتتەپ تۇجىرىم جاساۋدى كۇشەيتۋ، جەر-جەردىڭ، تاراۋلاردىڭ تاسقىننان ساقتانۋ، قاتەردەن اراشالاۋ، اپاتتان قۇتقارۋ قىزمەتتەرىن استە بوساڭسىماي ويداعىداي ىستەۋىنە جەتەكشىلىك ەتىپ، قۋزاۋ سالىپ، تاسقىننان امان وتۋگە بار كۇشپەن كەپىلدىك ەتۋ كەرەك. شي جينپيڭنىڭ نۇسقاۋى مەن لي چياڭنىڭ تالابىنا ساي، مەملەكەتتىك تاسقىننان ساقتانۋ-قۋاڭشىلىققا قارسى تۇرۋ باس قولباسشىلىق شتابى، سۋ يگىلىگى مينيسترلىگى، شۇعىل جاعدايعا توتەپ بەرۋدى باسقارۋ مينيسترلىگى قىزمەت گرۋپپاسىن ناق مايدانعا بارىپ جەتەكشىلىك ەتۋگە جىبەردى. حۋنان ولكەسى، يۋەياڭ قالاسىنىڭ پارتيا، ۇكىمەت ورىندارىنداعى جاۋاپتى جولداستار اپاتتان قۇتقارۋعا قولباسشىلىق ەتۋدە. قازىر قاتىستى قىزمەتتەر جەدەل ءتارتىپتى جۇرگىزىلۋدە.

 

 

中央广播电视总台 央广网 版权所有

شي جينپيڭ اپاتتان قۇتقارۋعا ماڭىزدى نۇسقاۋ بەردى

شي جينپيڭ حۋنان ولكەسى يۋەياڭ قالاسى حۋارۇڭ اۋدانى تۋانجوۋ توسپا رايونى دۇڭتيڭحۋ كولى ءبىرىنشى شەپ توسپاسى ورىلىپ كەتۋى جونىندە قاتەردەن اراشالاۋ-قۇتقارۋ قىزمەتىن بار كۇشپەن ورىستەتۋ، حالىق بۇقاراسىنىڭ ءومىرى مەن مال-مۇلكىنىڭ حاۋىپسىزدىگىن شىن مانىندە ويداعىداي قورعاۋ كەرەك، -دەپ ماڭىزدى نۇسقاۋ بەردى، لي چياڭ بەكىتۋ جازدى