چاۋشيان جاڭادان زەرتتەپ جاساعان الىس ارالىقتى شارلاۋشى باسقارىلمالى بومبىنى سىناق رەتىندە ٴساتتى ۇشىردى
ٴوز حابارىمىز. چاۋشيان ورتالىق اگەنتتىگىنىڭ 9-ايدىڭ 13-كۇنگى حابارىنا قاراعاندا، چاۋشيان مەملەكەت قورعانىس عىلىم اكادەمياسى جاڭادان زەرتتەپ جاسالعان الىس ارالىقتى شارلاۋشى باسقارىلمالى بومبى 9-ايدىڭ 11 -كۇنى جانە 12-كۇنى سىناق رەتىندە ٴساتتى ۇشىرىلعان. حاباردا بىلاي دەلىنگەن : ۇشىرىلعان الىس ارالىقتى شارلاۋشى باسقارىلمالى بومبى 7580 سەكۋند ۇشىپ، 1500 كيلومەتر قاشىقتىقتاعى بەلگىلەنگەن نىساناعا ٴدال ٴتيدى. بۇل باسقارىلمالى بومبى قارۋ - جاراق جۇيەسىن زەرتتەۋ - تاپقىرلاۋدا كەلەلى ستراتەگيالىق مانگە يە، چاۋشياننىڭ مەملەكەت حاۋىپسىزدىگىن اناعۇرلىم باتىل قامتاماسىزداندىرۋ، جاۋ كۇشتەردىڭ چاۋشيانعا باعىتتالعان اسكەري قيمىلىنا پارمەندى تۇردە سوققى بەرۋ جاعىندا ٴونىمدى شاۋجايلاۋ قۋاتىنا يە.
اۋدارعان: قاناتبەك جۇماباي ۇلى