ينفورماتسيا اشكەرەلەۋ: mzjubao@cnr.cn

حالىقارالىق حابارلار

جۇڭگو جاق جۇڭگو مەن ليتۆاننىڭ ديپلوماتيالىق قاتىناسىن ۋاكىلدىك رەتىندە باسقارۋ دارەجەسىنە ٴتۇسىرۋدى ۇيعاردى

来源:جۇڭگو قازاق راديو تورابى     |责编:阿依娜古丽|     发布日期: 2021-11-22 11:06

 

ٴوز حابارىمىز. سىرتقى ىستەر مينيسترلىگى 11- ايدىڭ 21- كۇنى مالىمدەمە جاريالاپ، جۇڭگو مەن ليتۆاننىڭ ديپلوماتيالىق قاتىناسىن ۋاكىلدىك رەتىندە باسقارۋ دارەجەسىنە ٴتۇسىرۋدى ۇيعاردى.


    مالىمدەمەدە مىنالار اتاپ كورسەتىلدى: 11- ايدىڭ 18- كۇنى ليتۆان جۇڭگونىڭ قاتاڭ نارازىلىق بىلدىرۋىنە جانە قايتا - قايتا سويلەسۋىنە قاراماي، تايۋان بيلەۋشىلەرىنىڭ اتالمىش «ليتۆاندا تۇراتىن تايۋان ۋاكىلدىك باسقارماسىن» قۇرۋىنا جول قويدى. بۇل ارەكەت حالىقارادا اشىقتان-اشىق ” ٴبىر جۇڭگو، ٴبىر تايۋان “ جەلەۋىن كوتەرىپ، ەكى ەلدىڭ ديپلوماتيالىق قاتىناس ورناتۋ مازمۇنداماسىنداعى ساياسي ۋادەسىنەن بەزىپ، جۇڭگونىڭ يەلىك ۇقىعى مەن تەرريتوريا تۇتاستىعىنا زيان جەتكىزىپ، جۇڭگونىڭ ىشكى ىسىنە دورەكىلىكپەن كيلىگەندىك سانالادى. جۇڭگو بۇعان قاتاڭ نارازىلىق ٴبىلدىرىپ، جۇڭگو مەن ليتۆاننىڭ ديپلوماتيالىق قاتىناسىن ۋاكىلدىك رەتىندە باسقارۋ دارەجەسىنە ٴتۇسىرۋدى ۇيعاردى.


    مالىمدەمەدە مىنالار باسا دارىپتەلدى: دۇنيە جۇزىندە ٴبىر عانا جۇڭگو بار، جۇڭحۋا حالىق رەسپۋبليكاسى ۇكىمەتى بۇكىل جۇڭگوعا ۋاكىلدىك ەتەتىن بىردەن ـ ٴبىر زاڭدى ۇكىمەت. ٴبىر جۇڭگو پرينسيبى _ حالىقارالىق قوعامنىڭ جاپپاي ورتاق تانىمى جانە جالپى مويىنداعان حالىقارالىق قارىم ـ قاتىناس ولشەمى، جۇڭگو مەن ليتۆاننىڭ ەكى جاقتى قارىم ـ قاتىناستى دامىتۋىنىڭ ساياسي نەگىزى. جۇڭگو ۇكىمەتى جۇڭگو مەن ليتۆاننىڭ قاتىناسىن قورعاۋ ىزگى نيەتىن شىعار ٴتۇيىن ەتىپ، ليتۆانعا ەندىگارى وپاسىزدىق ىستەمەۋدى قايتا - قايتا ەسكەرتتى. وكىنەرلىگى، ليتۆان جۇڭگو ۇكىمەتىنىڭ قاتاڭ مايدانىن، ەكى جاقتى قاتىناستىڭ جالپى جاعدايىن، حالىقارالىق قاتىناستىڭ نەگىزگى ولشەمىن ەلەپ - ەسكەرمەي، تايۋاننىڭ ليتۆاندا «ۋاكىلدىك باسقارما» قۇرۋىنا جول بەرىپ، حالىقارادا ناشار ىقپال تۋدىردى. جۇڭگو مەن ليتۆاننىڭ باس ەلشى دارەجەلى ديپلوماتيالىق قاتىناس ورناتۋداعى ساياسي نەگىزىن ليتۆانىڭ بۇلدىرۋىنە بايلانىستى، جۇڭگو ۇكىمەتى ٴوزىنىڭ يەلىك ۇقىعى مەن حالىقارالىق قاتىناستىڭ نەگىزگى ولشەمىن قورعاۋ ٴۇشىن، ەكى ەلدىڭ ديپلوماتيالىق قاتىناسىن ۋاكىلدىك رەتىندە باسقارۋ دارەجەسىنە تۇسىرۋگە ٴماجبۇر بولدى. ليتۆان ۇكىمەتى وسىدان تۋىلعان بارلىق زارداپتى ارقالاۋى ٴتيىس. ٴبىز ليتۆاندى قاتەلىكتى دەرەۋ تۇزەتۋگە قۋزايمىز، جۇڭگو حالقىنىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋداعى بەرىك بەكىمىن، ەرىك - جىگەرىن، قۇدىرەتتى قابىلەتىن تومەن مولشەرلەمەۋ كەرەك. ٴبىز تايۋان جاققا دا تايۋان ەجەلدەن ٴبىر مەملەكەت ەمەس دەپ ەسكەرتىپ كەلەمىز. مەيلى «تايۋان دەربەستەندىرمەك» بولعان بولشەكتەۋشى كۇشتەر شىندىقتى قالاي بۇرمالاسا دا، اق پەن قارانى شاتاستىرسا دا، ۇلى قۇرلىق پەن تايۋاننىڭ ٴبىر جۇڭگوعا ٴتان تاريحي فاكتتەرىن وزگەرتە المايدى. شەتەلگە يەك ارتىپ، ساياسي الاياقتىق ىستەسە، ەڭ سوڭىندا، ٴسوز جوق، تۇيىققا تىرەلەدى.

اۋدارعان: سەرىك راقىم ۇلى

中央广播电视总台 央广网 版权所有

جۇڭگو جاق جۇڭگو مەن ليتۆاننىڭ ديپلوماتيالىق قاتىناسىن ۋاكىلدىك رەتىندە باسقارۋ دارەجەسىنە ٴتۇسىرۋدى ۇيعاردى

سىرتقى ىستەر مينيسترلىگى 11- ايدىڭ 21- كۇنى مالىمدەمە جاريالاپ، جۇڭگو مەن ليتۆاننىڭ ديپلوماتيالىق قاتىناسىن ۋاكىلدىك رەتىندە باسقارۋ دارەجەسىنە ٴتۇسىرۋدى ۇيعاردى.