ينفورماتسيا اشكەرەلەۋ: mzjubao@cnr.cn

حالىقارالىق حابارلار

«رەسەي گازەتىنىڭ» رەسمي تورابىندا «اقپارات قۇرالدارى سەلبەستىگى رەسەي مەن جۇڭگونىڭ دوستىعىن بەكەمدەيدى» دەگەن شولۋ جاريالاندى

来源:جۇڭگو قازاق راديو تورابى     |责编:阿依娜古丽|     发布日期: 2021-11-22 11:08

 

ٴوز حابارىمىز. موسكۋا ۋاقىتى 11 – ايدىڭ 21 – كۇنى رەسەي ۇكىمەتىنىڭ ورگان گازەتى «رەسەي گازەتى» رەسمي توراپ بەكەتىنىڭ «ۇكىمەت» ايدارىندا « اقپارات قۇرالدارى سەلبەستىگى رەسەي مەن جۇڭگونىڭ دوستىعىن بەكەمدەيدى» دەگەن تاقىرىپتاعى شولۋ جاريالاندى. ماقالادا مىنالار اتاپ كورسەتىلدى: رەسەيدىڭ پرەزيدەنتى پۋتين 11- ايدىڭ 18- كۇنى رەسەي سىرتقى ىستەر مينيسترلىگىنىڭ مينيسترلىك ىستەرى كوميتەتىنىڭ كەڭەيتىلگەن ماجىلىسىندە رەسەي ـ جۇڭگو قاتىناسىنا جوعارى باعا بەرىپ، جۇڭگومەن حالىقارالىق سەلبەستىكتى تەرەڭدەتىپ، كەيبىر ەلدەردىڭ اراعا وت جاعۋ قاسكۇنەمدىگىنە بىرگە توتەپ بەرۋدى باسا دارىپتەدى. سول كۇنى پۋتين پرەزيدەنت بۇيرىعىنا قول قويىپ، ورتالىق راديو-تەلەۆيزيا باس ستانسياسىنىڭ باستىعى شىن حايشيۇڭعا « دوستىق وردەنىن » بەرىپ، ونىڭ رەسەي-جۇڭگو حالقىنىڭ دوستىعىن، سەلبەستىگىن بەكەمدەۋگە، ٴوزارا ٴتۇسىنىسۋدى كۇشەيتۋگە قوسقان وراسان زور ۇلەسىن ماداقتادى. بۇل اقپارات قۇرالدارى سەلبەستىگىنىڭ ەكى ەل قاتىناسىن دامىتۋداعى ماڭىزدى ٴمانىن تاعى ٴبىر رەت دالەلدەدى.


    ماقالادا مىنالار باسا دارىپتەلدى: 2018 ـ جىلى پۋتين جاڭا كەزەكتى پرەزيدەنتتىڭ مىندەت وتەۋ مەرزىمىن باستاعاننان كەيىنگى ٴبىر اي ىشىندە موسكۆاداعى كرەمل سارايىندا شىنحايشيۇڭنىڭ ارناۋلى سۇحباتىن قابىلدادى.پرەزيدەنت پۋتين ارناۋلى سۇحباتتا: «ٴبىز ٴداستۇرلى، سەنىمدى سەرىكتەرمەن، وداقتاستارمەن جانە دوستارمەن سەلبەسۋگە ايرىقشا ٴمان بەرەمىز، مۇندا جۇڭحۋا حالىق رەسپۋبليكاسى قامتىلادى. ـ دەدى.


    ماقالادا بىلاي دەلىندى: ورتالىق راديو-تەلەۆيزيا باس ستانسياسى جۇڭگو مەن رەسەيدىڭ اقپارات قۇرالدارى اراسىنداعى اۋىس-كۇيىستى، سەلبەستىكتى ىلگەرىلەتۋگە باستان-اياق كۇش سالىپ كەلەدى. بيىل 7 ـ ايدا «جۇڭگو ـ رەسەي تاتۋ كورشىلىك، دوستىق سەلبەستىك شارتىنا » قول قويىلعاندىعىنىڭ 20 جىلدىعى قارساڭىندا، جۇڭگو ـ رەسەي دوستىق، بەيبىتشىلىك جانە دامۋ كوميتەتى اقپارات قۇرالدارى القالار كەڭەسىنىڭ ٴتوراعاسى بولعان شىنحايشيۇڭ مەن اقپارات قۇرالدارى القالار كەڭەسىنىڭ ٴتوراعاسى، بۇگىنگى رەسەي حالىقارالىق اقپارات اگەنتتىگىنىڭ باستىعى كيشەلياۋۆ «اقپارات قۇرالدارى سەلبەستىگىن كۇشەيتىپ، تاتۋ كورشىلىك دوستىقتى بەكەمدەيىك» دەگەن تاقىرىپتا ۇندەۋ تاستادى. بۇل دارىپتەمەدە ەكى ەلدىڭ اقپارات قۇرالدارى سەلبەستىگىن ونان ارى تەرەڭدەتىپ، جۇڭگو-رەسەي قاتىناسىنىڭ ورنىقتى، باياندى دامۋىن ىلگەرىلەتۋمەن بىرگە، حالىقارالىق جاماعات پىكىرى ورتاسى كۇردەلى دە قۇبىلمالى بولعان جاعدايدا، ەكى ەلدىڭ اقپارات قۇرالدارى وبيەكتيۆ، ٴادىل، جان ـ جاقتى اقپارات مايدانى بويىنشا حالىقارالىق جاماعات پىكىرىنە جەتەكشىلىك ەتۋگە ۇندەلدى.

اۋدارعان: سەرىك راقىم ۇلى

中央广播电视总台 央广网 版权所有

«رەسەي گازەتىنىڭ» رەسمي تورابىندا «اقپارات قۇرالدارى سەلبەستىگى رەسەي مەن جۇڭگونىڭ دوستىعىن بەكەمدەيدى» دەگەن شولۋ جاريالاندى

موسكۋا ۋاقىتى 11 – ايدىڭ 21 – كۇنى رەسەي ۇكىمەتىنىڭ ورگان گازەتى «رەسەي گازەتى» رەسمي توراپ بەكەتىنىڭ «ۇكىمەت» ايدارىندا « اقپارات قۇرالدارى سەلبەستىگى رەسەي مەن جۇڭگونىڭ دوستىعىن بەكەمدەيدى» دەگەن تاقىرىپتاعى شولۋ جاريالاندى