ينفورماتسيا اشكەرەلەۋ: mzjubao@cnr.cn

حالىقارالىق حابارلار

دۇنيە جۇزىندەگى كوپ ەلدىڭ ساياسي پارتيالارى پەلوسيدىڭ جۇڭگونىڭ تايۋان رايونىنا سۋماڭداپ بارعاندىعىنا باتىل قارسى تۇراتىندىقتارىن ايتتى

来源:جۇڭگو قازاق راديو تورابى     |责编:阿依娜|     发布日期: 2022-08-04 09:53

 

ٴوز حابارىمىز. دۇنيە جۇزىندەگى كوپ ەلدىڭ ساياسي پارتيالارى 8 ـ ايدىڭ 3 ـ كۇنى كوپ ٴتۇرلى تاسىلدەر ارقىلى ج ك پ ورتالىق كوميتەتىنىڭ شەتەلدەرمەن بايلانىس جاساۋ بولىمىنە بىلاي دەدى: ا ق ش پارلامەنتى قاۋىم پالاتاسىنىڭ باستىعى پەلوسيدىڭ جۇڭگونىڭ تايۋان رايونىنا سۋماڭداپ بارۋىنا باتىل قارسى تۇرامىز، ونىڭ مۇنىسى جۇڭگونىڭ يەلىك ۇقىعى مەن تەرريتوريا تۇتاستىعىنا اۋىر سۇعاناقتىق جاساپ، تايۋان بۇعازىنىڭ بەيبىتشىلىگى مەن ورنىقتىلىعىن بۇلدىرگەندىك دەپ قارايمىز. تاراپتار ٴبىر جۇڭگو پرينسيبىنە تاباندى بولاتىندىقتارىن قايتالاي دارىپتەپ، ا ق ش ـ تى جۇڭگونىڭ ىشكى ىسىنە كيلىككەنىن دەرەۋ دوعارۋعا ۇندەدى.


    رەسەي كوممۋنيستىك پارتياسى ورتالىق كوميتەتىنىڭ ٴبىرىنشى ورىنباسار ٴتوراعاسى، رەسەي مەملەكەتتىك دۋماسىنىڭ ٴبىرىنشى ورىنباسار ٴتوراعاسى مەلينيكوۆ بىلاي دەدى: پەلوسيدىڭ تايۋانعا سۋماڭداپ بارۋى جۇڭگوعا كوپە-كورنەۋ كورسەتكەن ارانداتۋشىلىق، جۇڭگو مەن ا ق ش ۇكىمەتى جاساسقان ٴبىر قىدىرۋ كەلىسىمدەرگە قايشى، ا ق ش ـ تىڭ دۇنيە ٴجۇزى جاعدايىنىڭ ورنىقتىلىعىن بۇلدىرگەندىگىنىڭ تاعى ٴبىر مىسالى. رەسەي كوممۋنيستىك پارتياسى جۇڭگو حالقىنىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋ جولىنداعى قۇلشىنىستارىن باتىل قولدايدى.


    پاكيستان جۇمىسشى ـ ديقان پارتياسىنىڭ شۋجيچۋى مالىمدەمە جاريالاپ، پەلوسيدىڭ تايۋان رايونىنا سۋماڭداپ بارۋىنا ايىرىقشا نازار اۋدارىپ، ا ق ش ـ تىڭ جۇڭگونىڭ ىشكى ىسىنە كيلىگۋىن قابىلداۋعا بولمايدى دەپ قاراپ، ا ق ش ـ تى جۇڭگو مەن ا ق ش ـ تىڭ ٴۇش بىرلەسپە مازمۇنداماسىنا شىنايى بويسۇنۋعا، جۇڭگونىڭ مەملەكەتتىڭ تۇتاستىعىن جۇزەگە اسىرۋ قۇلشىنىسىنا قۇرمەت ەتۋگە ۇندەدى.


    ەگيپەت كوممۋنيستىك پارتياسى بىلاي دەدى: پەلوسيدىڭ تايۋان رايونىنا سۋماڭداپ بارعاندىعىن قاتاڭ جازعىرامىز، ٴبىر جۇڭگو پرينسيبىن بار كۇشپەن قولدايمىز، جۇڭگو كوممۋنيستىك پارتياسىنىڭ وسى داعدارىستا جەڭىسكە جەتىپ، ا ق ش ـ تىڭ قاسكۇنەمدىگىن تالقانداۋعا اقىل ـ پاراساتى دا، قابىلەتى دە جەتەتىندىگىنە سەنەمىز.


    برازيليا كوممۋنيستىك پارتياسىنىڭ ٴتوراعاسى سانتوس بىلاي دەدى: پەلوسيدىڭ تايۋانعا سۋماڭداپ بارۋى ا ق ش ـ تىڭ جۇڭگو مەن ا ق ش ـ تىڭ ٴۇش بىرلەسپە مازمۇنداماسىندا بەرگەن ۋادەسىنە كوپە-كورنەۋ قايشى. تايۋان ەجەلدەن جۇڭگونىڭ ايرىلماس ٴبىر بولەگى، ا ق ش - تىڭ دۇنيە ٴجۇزى بەيبىتشىلىگىنە حاۋىپ توندىرۋىنە باتىل قارسى تۇرامىز.


    نەپال، بانگلادەش، وڭتۇستىك افريكا، ارگەنتينا، ۆەنگريا، پورتۋگاليا قاتارلى 40 نەشە مەملەكەتتىڭ 60 نەشە ساياسي پارتياسى دا پەلوسيدىڭ تايۋان رايونىنا سۋماڭداپ بارۋىنا باتىل قارسى تۇراتىندىقتارىن ايتتى.

اۋدارعان: امانتاي مۇسايىپ ۇلى

中央广播电视总台 央广网 版权所有

دۇنيە جۇزىندەگى كوپ ەلدىڭ ساياسي پارتيالارى پەلوسيدىڭ جۇڭگونىڭ تايۋان رايونىنا سۋماڭداپ بارعاندىعىنا باتىل قارسى تۇراتىندىقتارىن ايتتى

پەلوسيدىڭ تايۋانعا سۋماڭداپ بارۋى جۇڭگوعا كوپە-كورنەۋ كورسەتكەن ارانداتۋشىلىق، جۇڭگو مەن ا ق ش ۇكىمەتى جاساسقان ٴبىر قىدىرۋ كەلىسىمدەرگە قايشى، ا ق ش ـ تىڭ دۇنيە ٴجۇزى جاعدايىنىڭ ورنىقتىلىعىن بۇلدىرگەندىگىنىڭ تاعى ٴبىر مىسالى. رەسەي كوممۋنيستىك پارتياسى جۇڭگو حالقىنىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋ جولىنداعى قۇلشىنىستارىن باتىل قولدايدى.