زاپوروجە يادرو ەلەكتر ستانسياسىنىڭ قاتىستى تاراۋلارى ءبىر ۇشقىشسىز ۇشاقتىڭ يادرو ەلەكتر ستانسياسىنىڭ كەڭىستىگىندە اتىپ تۇسىرىلگەندىگىن ايتتى
来源:جۇڭگو قازاق راديو تورابى |责编：达吾力别克 | 发布日期: 2024-04-09 10:36
ءوز حابارىمىز. زاپوروجە يادرو ەلەكتر ستانسياسى 4-ايدىڭ 8-كۇنى الەۋمەتتىك تەكشەسىندە حابار جاريالاپ بىلاي دەدى: ءبىر ۇشقىشسىز ۇشاق سول كۇنى يادرو ەلەكتر ستانسياسىنىڭ كەڭىستىگىنەن اتىپ ءتۇسىرىلدى، يادرو ەلەكتر ستانسياسىنىڭ حاۋىپسىزدىگىنە قاتەر توندىرگەن جوق. ۋكراينا قارۋلى كۇشتەرى وسى يادرو ەلەكتر ستانسياسىنا ۇزدىكسىز شابۋىل جاساۋدا.
رەسەي زۇڭتۇڭىنىڭ اقپارات حاتشىسى پەسكوۆ 4-ايدىڭ 8-كۇنى بىلاي دەدى: ۋكراينا قارۋلىلارىنىڭ زاپوروجە يادرو ەلەكتر ستانسياسىنا شابۋىلداۋى ەرەكشە قاتەرلى ارانداتۋشىلىق ارەكەت.
ۋكراينا قورعانىس مينيسترلىگى اقپار توپتاۋ باس مەكەمەسىنىڭ مالىمدەمەشىسى يۋسوۆ 4-ايدىڭ 8-كۇنى بىلاي دەدى: قازىرشە يادرو حاۋىپسىزدىگى قاتەرىنە قاتىستى ينفورماتسيالار جوق.
رەسەي فەدەراتسيالىق بارلاۋ كوميتەتى 4-ايدىڭ 8-كۇنى حابار جاريالاپ بىلاي دەدى: موسكۆا وبلىسىنىڭ مۋزيكا زالىنداعى تەررورلىق شابۋىل وقيعاسىن تەكسەرۋ قىزمەتى ءالى دە جالعاسۋدا، تەررورلىق شابۋىل ۋاقيعاسىنداعى قىلمىس كۇماندىسىنىڭ قىلمىس وتكىزۋگە دايىندالۋ بارىسىنداعى ماڭىزدى دالەل-ىسپاتتار تابىلدى، بۇل دالەل-ىسپاتتار ولاردىڭ ۋكراينانىڭ اقپار توپتاۋ تاراۋلارىمەن بايلانىسى بار ەكەندىگىن تۇسىندىرەدى. رەسەي جاقتىڭ مۋزيكا زالىنداعى تەررورلىق شابۋىل ۋاقيعاسىنا ۋكراينانىڭ قاتىسى بار دەگەن كۇمانى جونىندە ۋكراينا زۇڭتۇڭ كەڭسەسىنىڭ اقىلشىسى بودورياك وسىدان بۇرىن رەسەي جاقتىڭ ايتقانى نەگىزسىز ەكەندىگىن بىلدىرگەن بولاتىن.
اۋدارعان: گۇلنۇر قابىلقاق قىزى
