ينفورماتسيا اشكەرەلەۋ: mzjubao@cnr.cn

حالىقارالىق حابارلار

حاماس سوعىس توقتاتۋ كەلىسسوزىنىڭ ناتيجەسىز بولعاندىعىن ايتتى

来源:جۇڭگو قازاق راديو تورابى     |责编:巴特勒|     发布日期: 2024-06-30 10:26
ءوز حابارىمىز. پالەستين يسىلام قارسىلىق قوزعالىسى حاماستىڭ جوعارى دارەجەلى ءمانساپتىلارى 6-ايدىڭ 29-كۇنى: تاياۋدا يزرايلمەن وتكىزىلگەن بارىمتالاردى الماستىرۋ جانە سوعىستى توقتاتۋ جونىندەگى كەلىسسوز ناتيجەسىز بولدى،-دەدى. ول سوزىندە يزرايل ارمياسىنىڭ گازانى قۇرساۋلاۋ ساياساتىن ايىپتاپ، اناعۇرلىم كوپ ادامگەرشىلىك كومەكتىڭ گازاعا جەتكىزىلۋىنە رۇقسات ەتۋگە ۇندەدى. ول تاعى حاماستىڭ گازادا سوعىستى ماڭگىلىك توقتاتۋدى جانە يزرايل ارمياسىن بۇكىلدەي شەگىندىرۋدى ماقسات ەتكەن ءارقانداي دارىپتەمەگە اشىق پوزيتسيا ۇستايتىندىعىن ءبىلدىردى. 
 يزرايل مەملەكەت قورعانىس ارمياسى 6-ايدىڭ 29-كۇنى مالىمدەمە جاريالاپ، يزرايل ارمياسى سول كۇنى سوعىس ايروپلاندارىن شىعارىپ، ليۆان تاڭىر پارتياسىىنىڭ ليۋاننىڭ وڭتۇستىگىندەگى ەكى اسكەري قۇرىلىسىن بومبىلاعاندىعىن، وسى پارتيانىڭ ءبىر قارۋلىسىن ولتىرگەندىگىن ايتتى. يزرايل ارمياسىنىڭ ەكى اسكەرى 6-ايدىڭ 28-كۇنى گازا رايونىنىڭ سولتۇستىگىندەگى اسكەري ارەكەتتە قازا بولدى. وسى كەزەكتى پالەستين-يزرايل قاقتىعىسىنان بەرى، يزرايل ارمياسىنان 670 اسكەر ءولدى. 
 گازا وڭىرىندەگى دەنساۋلىق ساقتاۋ تاراۋلارى 6-ايدىڭ 29-كۇنى مالىمدەمە جاريالاپ، وتكەن تاۋلىكتە يزرايل ارمياسىنىڭ گازا وڭىرىندە ورىستەتكەن اسكەري ارەكەتىندە 40 ادام قازا بولىپ، 224 ادام جارالاندى،-دەدى. وسى كەزەكتى پالەستين-يزرايل قاقتىعىسىندا گازا وڭىرىنەن 37 مىڭ 834 ادام ءولىپ، 86 مىڭ 858 ادام جارالاندى. 
 
اۋدارعان: گۇلنۇر قابىلقاق قىزى

中央广播电视总台 央广网 版权所有

حاماس سوعىس توقتاتۋ كەلىسسوزىنىڭ ناتيجەسىز بولعاندىعىن ايتتى

حاماس سوعىس توقتاتۋ كەلىسسوزىنىڭ ناتيجەسىز بولعاندىعىن ايتتى، يزرايل ارمياسى: ليۆان تاڭىر پارتياسىنىڭ نىساناسى مەن ادامدارىنا شابۋىل جاسادىق،-دەدى