ماقالادا مىنالار باسا دارىپتەلدى: جۇڭگونىڭ ەڭ ۇلكەن مەملەكەت جاعدايى - جۇڭگو كوممۋنيستىك پارتياسىنىڭ باسشىلىعى. جۇڭحۋا ۇلتىنىڭ تاياۋ زاماننان بەرگى 180 نەشە جىلدىق تاريحى، جۇڭگو كوممۋنيستىك پارتياسى قۇرىلعاننان بەرگى 100 جىلدىق تاريحى، جۇڭحۋا حالىق رەسپۋبليكاسى قۇرىلعاننان بەرگى 70 نەشە جىلدىق تاريحى جۇڭگو كوممۋنيستىك پارتياسى بولماسا، جاڭا جۇڭگو دا، جۇڭحۋا ۇلتىنىڭ ۇلى گۇلدەنۋى دە بولمايتىندىعىن تولىق دالەلدەدى. تاريح پەن حالىق جۇڭگو كوممۋنيستىك پارتياسىن تاڭدادى. جۇڭگو كوممۋنيستىك پارتياسىنىڭ باسشىلىعى-جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ٴتۇزىمنىڭ ەڭ زور ابزالدىلىعى، پارتيا مەن مەملەكەتتىڭ ٴتۇبىرلى تياناعى، جان تامىرى، بۇكىل ەلدەگى ٴار ۇلت حالقىنىڭ مۇددەسىمەن جانە تاعدىرىمەن قاتىستى. ٴبىزدىڭ ەل باسقارۋداعى ٴتۇپ تامىرىمىز- جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ٴتۇزىمى. بۇل جاعىندا، ٴسوز جوق، باتىل، تۋ ايقىن بولۋ كەرەك.

    ماقالادا مىنالار اتاپ كورسەتىلدى: جۇڭگو كوممۋنيستىك پارتياسى-بيلىك باسىنداعى پارتيا، جۇڭگوشا سوتسياليزم ىستەرىنىڭ باسشىلىق ۇيتقىسى، ول جالپى جاعدايدى مەڭگەرىپ، ٴار جاقتى سايكەستىرەتىن ورىندا تۇرادى. پارتيا، ۇكىمەت، ارميا، حالىق، وقۋ ـ اعارتۋ سياقتى بارلىق سالاعا جانە بارلىق جەرگە پارتيا باسشىلىق ەتەدى، بۇل ەڭ جوعارى ساياسي باسشىلىق كۇش. جۇڭگو كوممۋنيستىك پارتياسى سىندى قۇدىرەتتى باسشىلىق ۇيتقىعا تاباندى بولۋ-جۇڭحۋا ۇلتىنىڭ تاعدىرىمەن قاتىستى. پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ پارتيا مەن مەملەكەتتىڭ بولاشاعى مەن تاعدىرىنا سايادى، ٴبىزدىڭ بارلىق ىستەرىمىز وسى نەگىزدە قۇرىلىپ، وسى ەڭ ماندىك ەرەكشەلىك پەن ەڭ زور ابزالدىلىققا تامىر تارتقان. ەلىمىز نە ٴۇشىن ۇزاق ۋاقىت ورنىقتىلىقتى ساقتاي الادى، بىلىقپالىق بولمايدى ؟ تۇپتەپ كەلگەندە،بۇل كوممۋنيستىك پارتيانىڭ باسشىلىعىنا باستان ـ اياق تاباندى بولعاندىعىمىزدا. پارتيانىڭ باسشىلىعى- پارتيا مەن مەملەكەت ىستەرىنىڭ ۇزدىكسىز دامۋىنىڭ نەگىزى.

    ماقالادا مىنالار اتاپ كورسەتىلدى: پارتيانىڭ باسشىلىق ٴتۇزىمى -ەلىمىزدىڭ ٴتۇبىرلى باسشىلىق ٴتۇزىمى. پارتيانىڭ باسشىلىعى - پارتيا مەن مەملەكەتتىڭ ٴتۇرلى قىزمەتتەرىن ويداعىداي ىستەۋدىڭ ٴتۇبىرلى كەپىلى، ەلىمىزدىڭ ساياسي ورنىقتىلىعىنىڭ، ەكونوميكالىق دامۋىنىڭ، ۇلتتار ىنتىماعىنىڭ، قوعام ورنىقتىلىعىنىڭ ٴتۇبىرلى ٴتۇيىنى، ودان تيتتەي دە اۋىتقۋعا استە بولمايدى.

    ماقالادا مىنالار اتاپ كورسەتىلدى: پارتيانىڭ بارلىق قىزمەتكە باسشىلىعىن كۇشەيتۋ تالابى بوس ٴسوز ەمەس، ابستراكت تا ەمەس، ونى ٴار جاقتا، ٴار بۋىندا تياناقتاندىرۋ جانە ايگىلەۋ كەرەك. پارتيانىڭ باسشىلىعى، ٴسوز جوق، جان ـ جاقتىلى، جۇيەلى، تۇتاس تۇلعا بولۋى، ٴسوز جوق، ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى جانە قورعانىس ارمياسى، وتاننىڭ تۇتاستىعى، ديپلوماتيالىق قىزمەت، پارتيا قۇرىلىسى سياقتى جاقتاردا ايگىلەنۋى كەرەك. قايسى سالا، قايسى جاق، قايسى بۋىن كەم بولسا دا، پارتيانىڭ كۇشىن السىرەتىپ، پارتيا مەن مەملەكەت ىستەرىنە زيان جەتكىزەدى.

    ماقالادا مىنالار اتاپ كورسەتىلدى: جۇڭگو كوممۋنيستىك پارتياسىنىڭ باسشىلىعى حالىقتىڭ وزىنە ٴوزى قوجايىن بولۋىن قولداۋ جانە وعان كەپىلدىك ەتۋ بولىپ تابىلادى. پارتيانىڭ حالىققا باسشىلىق ەتىپ، ەل باسقارىپ، بيلىك جۇرگىزۋىندە، ەڭ ماڭىزدىسى -ٴتۇرلى كۇردەلى ساياسي قاتىناستاردى ويداعىداي ٴبىر جاقتى ەتىپ، پارتيا مەن مەملەكەت ىستەرى دامۋىنىڭ دۇرىس ساياسي بەتالىسىن باستان ـ اياق ساقتاۋدا. جاڭا جورىقتا ٴبىز، ٴسوز جوق، پارتيانىڭ جاپپاي باسشىلىعىنا تاباندى بولىپ، پارتيانىڭ باسشىلىعىن ۇزدىكسىز كەمەلدەندىرىپ، ” ٴتورت تانىم “ دى كۇشەيتىپ، ” ٴتورت سەنىم “ دى بەكەمدەپ، ” ەكىنى قورعاۋ “ دى ورىنداپ، ” مەملەكەتتىڭ زور ٴىسىن “ جادىمىزدان شىعارماي، پارتيانىڭ عىلمي بيلىك جۇرگىزۋ، دەموكراتيالىق بيلىك جۇرگىزۋ جانە زاڭ بويىنشا بيلىك جۇرگىزۋ ورەسىن ۇزدىكسىز جوعارىلاتىپ، پارتيانىڭ جالپى جاعدايدى مەڭگەرۋ، ٴار جاقتى سايكەستىرۋدەي باسشىلىق ۇيتقىلىق رولىن تولىق ساۋلەلەندىرۋىمىز كەرەك!

اۋدارعان: كۇلان ىرىسباي قىزى