فۋجيان ولكەسى كوپ ٴتۇرلى شارا قولدانىپ، جاڭا تيپتى ايدارشا ۆيرۋس وكپە قابىنۋىنان ساقتانۋ-تىزگىندەۋ قىزمەتىن كۇشەيتتى
ٴوز حابارىمىز. فۋجيان ولكەسى كوپ ٴتۇرلى شارانى قاتار قولدانىپ، جاڭا تيپتى ايدارشا ۆيرۋس وكپە قابىنۋىنان ساقتانۋ جانە ونى تىزگىندەۋ قىزمەتىن كۇشەيتتى. فۋجيان ولكەسى 231 شوعىرلى اۋاشالاۋ ورنىن قۇرىپ، 29 مىڭ اۋاشالاۋ بولمەسىن دايىنداپ، ناۋقاستارمەن جاقىن ارالاسقانداردى، جانامالاي ارالاسقانداردى اداقتاۋ نىساناسىن جۇزەگە اسىرۋدى بەرىك كەپىلمەن قامدادى.
فۋجيان ولكەسىندەگى ٴار دارەجەلى، ٴارقايسى مەكتەپتەر پرينسيپتىك جاقتان 9-ايدىڭ 19-كۇنىنەن بۇرىن بارلىق وقىتۋشى-وقۋشىلار مەن جۇمىسشى-قىزمەتكەرلەردى جاڭا كەزەكتى نۋكلەين قىشقىلىن تەكسەرۋگە ۇيىمداستىردى. مۇنىڭ ىشىندە تىزىمگە الىنعان ٴتۇيىندى ادامداردىڭ نۋكلەين قىشقىلىن 4 كۇننەن كەيىن تاعى دا تەكسەرىپ، شارت -جاعدايى بار مەكتەپتەردى تەكسەرۋ جيىلىگىن ارتتىرۋعا شابىتتاندىردى.
پۋتيان، شيامىن، چۋانجوۋ پورتتارى جانە جاڭجوۋ تايۋان ساۋداگەرلەرى قارجى قوسۋ رايونى ولكە ٴىشى-سىرتىنداعى ولكە، قالا ارالىق بارلىق جولاۋشى تاسىمال لەنيالارىن جاپپاي ۋاقىتشا توقتاتىپ، ٴىشىنارا الەۋمەتتىك قاتىناس لەنيالارىن ۋاقىتشا توقتاتىپ نەمەسە رەتتەپ، باسقا قالالارعا بارىپ-كەلەتىن قالا اتتاعان تاكسي كاسىبىن ۋاقىتشا توقتاتتى. سۋ تاسىمالى جاعىندا فۋجيان ولكەسى پۋتيان مەيجوۋ ارالىنا، نانرى ارالىنا، شيامىننان جاڭجوۋعا قاتىنايتىن تاسىمال لەنيالارىن، شيامىن قالاسىنىڭ ىشكى ساياحات لەنياسىن ۋاقىتشا توقتاتتى.
اۋدارعان: گۇلنۇر قابىلقاق قىزى
