ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

حان جىڭ «ورگانيزمدەردىڭ الۋان تۇرلىلىگى شارتىن» جاساسۋشى جاقتار 15-رەتكى ٴماجىلىسىنىڭ باسشىلار باس قوسۋ ماجىلىسىنە قاتىناستى

来源:جۇڭگو قازاق راديو تورابى     |责编:阿依娜古丽|     发布日期: 2021-10-13 09:52

 

ٴوز حابارىمىز. «ورگانيزمدەردىڭ الۋان تۇرلىلىگى شارتىن» جاساسۋشى جاقتار 15-رەتكى ٴماجىلىسىنىڭ باسشىلار باس قوسۋ ٴماجىلىسى 10-ايدىڭ 12-كۇنى جۇڭگونىڭ كۇنميڭ قالاسىندا اشىلدى. مەملەكەت ٴتوراعاسى شي جينپيڭ بەينە ەكران ارقىلى باسشىلار ماجىلىسىندە ارقاۋ ٴسوز سويلەدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ ماجىلىسكە قاتىناستى ٴارى ٴسوز سويلەدى.


    حان جىڭ مىنالاردى اتاپ كورسەتتى: جەر شارى -ٴبىزدىڭ ورتاق مەكەنىمىز، ورگانيزمدەردىڭ الۋان تۇرلىلىگى-جەر شارى تىرشىلىك ورتاق تۇلعاسىنىڭ كۇرە تامىرى جانە تاعانى ىسپەتتى. ٴبىز قازىر ورگانيزمدەردىڭ الۋان تۇرلىلىگىن پارمەندى قورعاۋدىڭ، دۇنيە جۇزىلىك ورتانى جەدەل جونگە سالۋدىڭ شەشۋشى كەزەڭىندە تۇرمىز. ٴبىز بەلسەنە اتتانىسقا كەلىپ، ەكولوگيانى قورعاۋدى-قالپىنا كەلتىرۋدى كۇش سالا ىلگەرىلەتىپ، ەكولوگيالىق جۇيەنىڭ سەرپىمدىلىگىن ۇزدىكسىز ارتتىرىپ، بىردەن ـ ٴبىر جەرشارى مەكەنىمىزدى ويداعىداي قورعاۋعا مىندەتتىمىز. ٴارقايسى جاقتاعىلاردىڭ وسى رەتكى جينالىستا ەڭ ۇلكەن ساياسي بەكىممەن ورگانيزمدەردىڭ الۋان تۇرلىلىگىن قورعاۋدا ٴدوپ كەلگەن وراسان زور سايىستارعا بەلسەنە توتەپ بەرىپ، جەر شارىنداعى ورگانيزمدەردىڭ الۋان تۇرلىلىگىن ساقتاۋدا جاڭا قادام تاستاپ، جەر شارىنىڭ تىرشىلىك ورتاق تۇلعاسىن بىرلىكتە قۇرۋعا اقىل ـ پاراسات پەن كۇش ـ قۋاتتارىن ارناۋىن ٴۇمىت ەتەمىن.


    حان جىڭ بىلاي دەدى: شي جينپيڭنىڭ ەكولوگيالىق وركەنيەت يدەياسىنىڭ جەتەكشىلىگىندە، جۇڭگو جاسىل، تومەن كومىرتەكتى، باياندى دامۋ جولىنان اۋىتقىمايدى. دۇنيە جۇزىندەگى ەڭ ٴىرى دامۋ ۇستىندەگى ەل رەتىندە، جۇڭگو ادام مەن تابيعاتتىڭ جاراسىمدى وتاسۋىنىڭ وسىزاماندانۋىن جاپپاي ىلگەرىلەتىپ، اناعۇرلىم ناقتى دا پارمەندى ساياساتتىق شارالار قولدانىپ، ەكولوگيالىق ورتانى قورعاۋدى كۇشەيتىپ، دامۋ دەڭگەيىمەن جانە قابىلەتىمەن سايكەسەتىن حالىقارالىق جاۋاپكەرلىگىن بەلسەنە ارقالاپ، دۇنيە جۇزىندەگى ورگانيزمدەردىڭ الۋان تۇرلىلىگىن ساقتاۋعا تيەسىلى ۇلەس قوسادى.

اۋدارعان: امانتاي مۇسايىپ ۇلى

中央广播电视总台 央广网 版权所有

حان جىڭ «ورگانيزمدەردىڭ الۋان تۇرلىلىگى شارتىن» جاساسۋشى جاقتار 15-رەتكى ٴماجىلىسىنىڭ باسشىلار باس قوسۋ ماجىلىسىنە قاتىناستى

«ورگانيزمدەردىڭ الۋان تۇرلىلىگى شارتىن» جاساسۋشى جاقتار 15-رەتكى ٴماجىلىسىنىڭ باسشىلار باس قوسۋ ٴماجىلىسى 10-ايدىڭ 12-كۇنى جۇڭگونىڭ كۇنميڭ قالاسىندا اشىلدى.