ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

شي جينپيڭنىڭ «ورگانيزمدەردىڭ الۋان تۇرلىلىگى شارتىن» جاساسقان جاقتار 15-رەتكى ٴماجىلىسىنىڭ باسشىلار باس قوسۋىنداعى ارقاۋ ٴسوزى كۇشتى اڭىس قوزعادى

来源:جۇڭگو قازاق راديو تورابى     |责编:阿依娜古丽|     发布日期: 2021-10-14 10:43


    ٴوز حابارىمىز.ٴتوراعا شي جينپيڭ 10-ايدىڭ 12-كۇنى «ورگانيزمدەردىڭ الۋان تۇرلىلىگى شارتىن» جاساسقان جاقتار 15-رەتكى ٴماجىلىسىنىڭ باسشىلار باس قوسۋىندا ارقاۋ ٴسوز سويلەپ، ەكولوگيالىق وركەنيەت قۇرىلىسىنىڭ جۇڭگو تانىمى مەن امالياتىن تەرەڭ بايانداپ، ادامزاتتىڭ جوعارى ساپالى دامۋىن ىلگەرىلەتۋ جونىندە 4 ٴتۇرلى دارىپتەمەنى ورتاعا قويىپ، جۇڭگونىڭ ەكولوگيالىق وركەنيەت قۇرىلىسىن ۇزدىكسىز ىلگەرىلەتۋدەگى ناقتى شارالارىن سالتاناتپەن جاريالاپ، قوعامنىڭ ٴار سالاسىندا كۇشتى اڭىس قوزعادى. كوپشىلىك بىلاي دەدى: ٴتوراعا شي جينپيڭنىڭ ارقاۋ ٴسوزى جۇڭگونىڭ دۇنيە ٴجۇزىنىڭ ەكولوگيالىق وركەنيەت قۇرىلىسىنداعى بەلسەندى ىسكەرلىگى مەن تاريحي جاۋاپكەرلىگىن تولىق ايگىلەپ، جەر شارىنىڭ تىرشىلىك ورتاق تۇلعاسىن بىرگە قۇرۋعا، تازا دا كوركەم دۇنيەنى بىرگە قۇرۋعا اقىل-پاراسات جانە كۇش-قۋات قوستى.


    ٴتوراعا شي جينپيڭنىڭ ٴسوزى ادامزاتتىڭ باياندى دامۋىن جەبەۋ تۇرعىسىنان ورگانيزمدەردىڭ الۋان تۇرلىلىگىن قورعاۋدىڭ، جەر شارىنىڭ تىرشىلىك ورتاق تۇلعاسىن بىرگە قۇرۋدىڭ كەلەلى ٴمانىن تەرەڭ ٴتۇسىندىردى. جۇڭگو قوعامدىق عىلىمدار اكادەمياسى ەكولوگيالىق وركەنيەتتى زەرتتەۋ ورنىنىڭ باستىعى جاڭ يۇڭشىڭ بىلاي دەپ قارادى: ول ادامزات دامۋىنىڭ استارىنداعى تەرەڭ قاعيدانى توتەنشە قاراپايىم تىلمەن بايىمدادى. مەن مۇنىڭ بۇكىل جەر شارىنىڭ ورگانيزمدەردىڭ الۋان تۇرلىلىك ورتاسى ماسەلەسىنە توتەپ بەرۋ سەنىمىن بارىنشا ارتتىرىپ، بۇكىل جەر شارىنداعى ورگانيزمدەردىڭ الۋان تۇرلىلىگى مەن باياندى دامۋدى ىلگەرىلەتەتىندىگىنە سەنەمىن.


    الەمدىك ەنەرگيا ينتەرنەتىن دامىتۋ سەلبەستىك ۇيىمىنىڭ ورىنباسار باس حاتشىسى چىڭ جىچياڭ بىلاي دەدى: ٴبىز ٴتوراعا شي جينپيڭنىڭ ٴسوز رۋحىنىڭ ٴتۇيىنى تومەن كومىرتەكتى، جاسىل ەكونوميكالىق دامۋ ۇلگىسىن جولعا قويعاندا عانا، قوعامنىڭ باياندى دامۋىن ىلگەرىلەتۋگە بولاتىندىعىن، ورگانيزمدەردىڭ الۋان تۇرلىلىگىن قۇرۋ مەن قورعاۋدى اناعۇرلىم ويداعىداي جۇرگىزۋگە بولاتىندىعىن ٴتۇسىندىك.


    ٴتوراعا شي جينپيڭ سوزىندە العا قويعان 4 ٴتۇرلى دارىپتەمەدە ادامزاتتىڭ جوعارى ساپالى دامۋىن ىلگەرىلەتۋدىڭ نىساناسى مەن جولىن بايىمدادى. كوپشىلىك بىلاي دەدى: بۇل ورگانيزمدەردىڭ الۋان تۇرلىلىگىن قورعاۋدىڭ، ادامزاتتىڭ باياندى دامۋىن جۇزەگە اسىرۋدىڭ جۇڭگو جوباسى، سونداي-اق شي جينپيڭنىڭ ەكولوگيالىق وركەنيەت يدەياسىنىڭ ونان ارى تولىقتانۋى جانە دامۋى. ەكولوگيالىق ورتا مينيسترلىگى جاساندى سەرىك قولدانىلمالى ورتالىعىنىڭ مەڭگەرۋشىسى گاۋ جيشي بىلاي دەدى: باس شۋجي ادام مەن تابيعاتتىڭ قاتىناسىن توتەنشە ەگجەي-تەگجەيلى بايىمداپ، جۇڭگونىڭ ورگانيزمدەرىنىڭ الۋان تۇرلىلىگىن قورعاۋ تاجىريبەلەرى مەن ادىستەرىن ٴبولىسىپ، دۇنيە جۇزىنە، اسىرەسە، دامۋ ۇستىندەگى ەلدەرگە ورگانيزمدەردىڭ الۋان تۇرلىلىگىن قورعاۋ جولىن نۇسقادى.


    ٴتوراعا شي جينپيڭ سوزىندە جۇڭگونىڭ ەكولوگيالىق وركەنيەت قۇرىلىسىن ۇزدىكسىز ىلگەرىلەتۋدەگى كوپتەگەن ماڭىزدى شارالارىن، جۇيەدەن كۇنميڭ ورگانيزمدەردىڭ الۋان تۇرلىلىگى قورىن قۇرۋ، مەملەكەتتىك باقشا قۇرۋ، كاسىپ قۇرىلىمى مەن ەنەرگيا قۇرىلىمىن رەتتەۋدى ۇزدىكسىز ىلگەرىلەتۋ سياقتىلاردى قامتىعان كوپ ٴتۇرلى ماڭىزدى شارالاردى جاريالاپ، دۇنيە جۇزىنە جۇڭگونىڭ جاۋاپكەرشىلىگى مەن ارقالاعان مىندەتىن ايگىلەدى. مەملەكەتتىك ورمان شارۋاشىلىعى-جايىلىم مەكەمەسىنىڭ ورىنباسار باستىعى لي چۇنلياڭ بىلاي دەدى: جۇڭگو ٴۇش وزەن قاينارى، مىسىق ايۋ، شىعىس سولتۇستىك جولبارىسى مەن قابىلانى، حاينان ىستىق بەلدەۋ ىلعالدى ورمانى، ۋ-يشان سياقتى ٴبىرىنشى توپتاعى مەملەكەتتىك باقشالاردى رەسمي قۇردى، بۇل ەلىمىزدىڭ مەملەكەتتىك باقشا ىستەرىنىڭ سىناق ٴتۇيىن كەزەڭىنەن رەسمي قۇرىلىس كەزەڭىنە وتكەندىگىن كورسەتەدى.


اۋدارعان: گۇلنۇر قابىلقاق قىزى

中央广播电视总台 央广网 版权所有

شي جينپيڭنىڭ «ورگانيزمدەردىڭ الۋان تۇرلىلىگى شارتىن» جاساسقان جاقتار 15-رەتكى ٴماجىلىسىنىڭ باسشىلار باس قوسۋىنداعى ارقاۋ ٴسوزى كۇشتى اڭىس قوزعادى

ٴتوراعا شي جينپيڭنىڭ ارقاۋ ٴسوزى جۇڭگونىڭ دۇنيە ٴجۇزىنىڭ ەكولوگيالىق وركەنيەت قۇرىلىسىنداعى بەلسەندى ىسكەرلىگى مەن تاريحي جاۋاپكەرلىگىن تولىق ايگىلەپ، جەر شارىنىڭ تىرشىلىك ورتاق تۇلعاسىن بىرگە قۇرۋعا، تازا دا كوركەم دۇنيەنى بىرگە قۇرۋعا اقىل-پاراسات جانە كۇش-قۋات قوستى.