پىكىردە مىنالار اتاپ كورسەتىلدى: قالا، اۋىل قۇرىلىسى _ _ جاسىل دامۋدى ىلگەرىلەتۋدىڭ، كورىكتى جۇڭگو قۇرۋدىڭ ماڭىزدى دانەكەرى. ادام مەن تابيعاتتىڭ جاراسىمدىلىعىنا، بىرگە ٴومىر سۇرۋىنە تاباندى بولىپ، تابيعاتقا قۇرمەت ەتىپ، تابيعاتقا ۇيلەسىپ، تابيعاتتى قورعاپ، ادام مەن تابيعاتتىڭ تىرشىلىك ورتاق تۇلعاسىن قۇرۋدى ىلگەرىلەتۋ كەرەك. تۇتاس تۇلعا مەن ٴىشىنارالىقتى سايكەستىرۋگە تاباندى بولىپ، جوبالاۋ، قۇرۋ، باسقارۋ سىندى 3 بۋىندى ٴبىر تۇتاس جوسپارلاپ، قالا ـ قالاشىق جانە اۋىل ـ قىستاق قۇرىلىسىن ٴبىر تۇتاس جوسپارلاۋ كەرەك. ونىمدىلىك پەن تەپە - تەڭدىككە تەڭ ٴمان بەرۋگە تاباندى بولىپ، قالا - اۋىل بايلىق ەنەرگياسىنان ۇنەمدى، شوعىرلى پايدالانۋدى جەبەپ، حالىق سانى، ەكونوميكالىق دامۋ جانە ەكولوگيالىق بايلىقتى سايكەستىرۋدى جۇزەگە اسىرۋ كەرەك. ادىلدىك پەن باۋىرمالدىقتى توعىستىرۋعا تاباندى بولىپ، قالا مەن اۋىلدىڭ نەگىزدىك قۇرىلعىلارىن كەمەلدەندىرىپ، نەگىزگى الەۋمەتتىك قىزمەت وتەۋدىڭ بىركەلكىلىگىن ىلگەرىلەتۋ كەرەك. قورعاۋ مەن دامىتۋدىڭ بىرلىگىنە تاباندى بولىپ، جۇڭحۋانىڭ تاڭداۋلى ٴداستۇرلى مادەنيەتىنە مۇراگەرلىك ەتىپ، جاسامپازدىقپەن تۇرلەندىرۋدى، جاسامپازدىقپەن دامۋدى ىلگەرىلەتۋ كەرەك. پارتيا قۇرىلىسى ارقىلى بۇقارانىڭ بىرلىكتە قۇرۋ، بىرلىكتە جونگە سالۋ، بىرگە يگىلىكتەنۋىن ۇشتاستىرۋعا جەتەكشىلىك ەتىپ، بۇقارانىڭ ات سالىسۋ مەحانيزمىن كەمەلدەندىرىپ، تاماشا ورتانى بىرگە جاراتۋ كەرەك.

    جالپى تۇلعالىق نىسانا: 2025 – جىلعا بارعاندا قالا – اۋىل قۇرىلىسىنىڭ جاسىل دامۋ ٴتۇزىلىس مەحانيزمى مەن ساياسات جۇيەسى نەگىزىنەن ورناتىلادى، قۇرىلىس تاسىلىندە جاسىل تيپتە بۇرىلىس جاساۋ ونىمدىلىگى كورنەكتى بولادى، كومىرتەگىن ىعىستىرۋدى ازايتۋ تىڭعىلىقتى ىلگەرىلەتىلەدى، قالانىڭ تۇلعالىق سيپاتى، جۇيەلىلىك سيپاتى، ءوسۋ سيپاتى كۇشەيەدى، قالا ماسەلەلەرى باسەڭدەيدى، قالا مەن اۋىلدىڭ ەكولوگيالىق ورتا ساپاسى جالپى جاقتان جاقسارادى، قالا مەن اۋىلدىڭ دامۋ ساپاسى مەن بايلىق ورتاسىنىڭ كوتەرىمدىلىك قۋاتى كورنەكتى ارتادى، جان – جاقتى جونگە سالۋ قۋاتى كورنەكتى جوعارىلايدى، جاسىل تۇرمىس ٴتاسىلى جاپپاي جالپىلاستىرىلادى. 2035 ـ جىلعا بارعاندا، قالا ـ اۋىل قۇرىلىسى جاسىل دامۋدى جاپپاي جۇزەگە اسىرىپ، كومىرتەگىن ٴبولىپ شىعارۋدى ازايتۋ دەڭگەيى جەدەل ارتتىرىلىپ، قالا مەن اۋىل ـ قىستاقتىڭ ساپاسى جاپپاي جوعارىلاتىلىپ، قونىس ورتاسى اناعۇرلىم جاقسارتىلىپ، قالا ـ اۋىل قۇرىلىس سالاسىن جونگە سالۋ جۇيەسى مەن جونگە سالۋ قابىلەتى وسىزامانداندىرىلىپ، كورىكتى جۇڭگو قۇرۋ نىساناسى نەگىزىنەن جۇزەگە اسىرىلادى.

اۋدارعان: شالقار قازەز ۇلى