ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

لي جانشۋ جۇڭگو مەملەكەتتىك حالىق قۇرىلتايى مەن وڭتۇستىك افريكا حالىقتىق پارلامەنتى مەرزىمدى اۋىس ـ كۇيىس مەحانيزمىنىڭ 5 ـ رەتكى ٴماجىلىسىنىڭ اشىلۋ سالتىنا قاتىناستى

来源:جۇڭگو قازاق راديو تورابى     |责编:阿依娜古丽|     发布日期: 2021-10-23 11:52


    ٴوز حابارىمىز. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 10-ايدىڭ 22-كۇنى بەيجيڭدەگى حالىق سارايىندا جۇڭگو مەملەكەتتىك حالىق قۇرىلتايى مەن وڭتۇستىك افريكا حالىقتىق پارلامەنتى مەرزىمدى اۋىس ـ كۇيىس مەحانيزمىنىڭ 5 ـ رەتكى ٴماجىلىسىنىڭ اشىلۋ سالتىنا بەينە ەكران فورماسىمەن قاتىناستى ٴارى ٴسوز سويلەدى.


    لي جانشۋ بىلاي دەدى: جۇڭگو مەن وڭتۇستىك افريكانىڭ اراسى شالعاي بولعانىمەن ەكى ەل پارتيالارىنىڭ ٴداستۇرلى دوستىعى تەرەڭ. ٴتوراعا شي جينپيڭ مەن پرەزيدەنت راماپوسانىڭ تىكەلەي كوڭىل بولۋىندە جانە جەتەكشىلىگىندە، جۇڭگو مەن وڭتۇستىك افريكانىڭ جالپى بەتتىك ستراتەگيالىق سەرىكتەستىك قاتىناسى ۇزدىكسىز ىشكەرىلەي دامىدى. ەكى ەل ساياسي جاقتا ٴبىرىن ـ ٴبىرى قولداپ ، ناقتى سەلبەستىگى تىڭعىلىقتى ىلگەرىلەپ، ساۋدا ، قارجى قوسۋ ، عىلىم ـ تەحنيكا، گۋمانيتارلىق سياقتى سالالارداعى سەلبەستىكتە سۇبەلى تابىستارعا قول جەتكىزىپ، كوپ جاقتى مەحانيزمدە تىعىز سايكەسىپ، سەلبەسىپ كەلەدى. جۇڭگو مەن وڭتۇستىك افريكانىڭ قارىم ـ قاتىناسى ەكى جاقتى قارىم ـ قاتىناس كاتەگورياسىنان اسىپ، جۇڭگو ـ افريكا سەلبەستىگىنىڭ جانە وڭتۇستىكتەگىلەر سەلبەستىگىنىڭ ۇلگىسىنە اينالدى.


    لي جانشۋ بىلاي دەدى: جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتى تارالعاننان بەرى، جۇڭگو مەن وڭتۇستىك افريكا باستان – اياق ءبىر جاعادان باس، ءبىر جەڭنەن قول شىعارىپ ىندەتكە توتەپ بەردى. ەكى ەل باسشىلارى قويۋ قارىم ـ قاتىناستى ساقتاپ، جۇڭگو مەن افريكانىڭ ىنتىماقتاسا ىندەتكە قارسى تۇرۋى جونىندەگى باسشىلار ەرەكشە باس قوسۋىنا قاتىناسىپ، جۇڭگو مەن وڭتۇستىك افريكانىڭ، سونداي-اق جۇڭگو مەن افريكانىڭ ىندەتكە قارسى تۇرۋ سەلبەستىگىنە پارمەندى ساياسي جەتەكشىلىك ەتتى. جۇڭگو ىندەتكە قارسى زاتتىق ماتەريالدارمەن قامداۋ، ىندەتكە قارسى تۇرۋ تاجىريبەسىن ورتاقتاسۋداي كوپ ٴتۇرلى شارالار ارقىلى وڭتۇستىك افريكانىڭ ىندەتكە توتەپ بەرۋىن بەلسەنە قولدادى. ەكى جاق ىندەت جاعدايىن ساياسيلاندىرۋعا بىرلىكتە قارسى تۇرىپ، حالىقارانىڭ ىنتىماقتاسا وتىرىپ ىندەتكە توتەپ بەرۋ تاماشا جاعدايىن قورعادى.


    وڭتۇستىك افريكا حالىقتىق پارلامەنتىنىڭ باستىعى مارپيسا. ەنكاكۋلا ماجىلىسكە قاتىناستى ٴارى ٴسوز سويلەدى.


اۋدارعان: امانتاي مۇسايىپ ۇلى

中央广播电视总台 央广网 版权所有

لي جانشۋ جۇڭگو مەملەكەتتىك حالىق قۇرىلتايى مەن وڭتۇستىك افريكا حالىقتىق پارلامەنتى مەرزىمدى اۋىس ـ كۇيىس مەحانيزمىنىڭ 5 ـ رەتكى ٴماجىلىسىنىڭ اشىلۋ سالتىنا قاتىناستى

لي جانشۋ 10-ايدىڭ 22-كۇنى بەيجيڭدەگى حالىق سارايىندا جۇڭگو مەملەكەتتىك حالىق قۇرىلتايى مەن وڭتۇستىك افريكا حالىقتىق پارلامەنتى مەرزىمدى اۋىس ـ كۇيىس مەحانيزمىنىڭ 5 ـ رەتكى ٴماجىلىسىنىڭ اشىلۋ سالتىنا بەينە ەكران فورماسىمەن قاتىناستى ٴارى ٴسوز سويلەدى.