ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

حان جىڭ تۇركمەنستاننىڭ ورىنباسار زۇڭليىمەن بىرگە جۇڭگو-تۇركمەنستان سەلبەستىك كوميتەتىنىڭ 5-رەتكى ٴماجىلىسىن باسقاردى

来源:جۇڭگو قازاق راديو تورابى     |责编:阿依娜古丽|     发布日期: 2021-11-23 10:24

 

ٴوز حابارىمىز. ورتالىق كوميتەت ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، جۇڭگو-تۇركمەنستان سەلبەستىك كوميتەتىنىڭ جۇڭگو جاق ٴتوراعاسى حان جىڭ 11-ايدىڭ 22-كۇنى بەيجيڭدە بەينە ەكران تاسىلىمەن تۇركمەنستاننىڭ ورىنباسار زۇڭليى شەردار.بەردىمۇحامەتوۆپەن بىرگە جۇڭگو-تۇركمەنستان سەلبەستىك كوميتەتىنىڭ 5-رەتكى ٴماجىلىسىن باسقاردى.


    حان جىڭ بىلاي دەدى: ەكى ەل باسشىلارىنىڭ تىكەلەي كوڭىل ٴبولۋى مەن تىكەلەي جەبەۋىندە، جۇڭگو-تۇركمەنستان قاتىناسى باستان-اياق تاماشا دامۋ جاعدايىن ساقتادى. بيىل 5-ايدا ٴتوراعا شي جينپيڭ پرەزيدەنت بەردىمۇحامەتوۆپەن ٴساتتى سويلەسىپ، جۇڭگو-تۇركمەنستان قاتىناسىنىڭ دامۋىنا تىڭ جوبا ازىرلەپ، جاڭا ورنالاستىرۋ جاسادى. جۇڭگو-تۇركمەنستان سەلبەستىك كوميتەتىنىڭ ەكى ەلدىڭ ٴار سالاداعى سەلبەستىگىن ٴبىر تۇتاس جوسپارلاۋ، جوبالاۋ، سايكەستىرۋ رولىن تولىق ساۋلەلەندىرىپ، ەكى ەل باسشىلارى كەلىسكەن ماڭىزدى ورتاق تانىمدى قاز-قالپىندا تياناقتاندىرىپ، جۇڭگو-تۇركمەنستان سەلبەستىگىن ۇزدىكسىز تىڭ ساتىعا كوتەرىپ، ەكى ەل مەن ەكى ەل حالقىنا اناعۇرلىم زور باقىت جاراتۋ كەرەك.


    حان جىڭ جۇڭگو مەن تۇركمەنستاننىڭ ٴار سالاداعى ناقتى سەلبەستىگىن تەرەڭدەتۋ جونىندە 4 ٴتۇرلى ۇسىنىس قويدى. ٴبىرىنشى، ەنەرگيا سەلبەستىگى دەڭگەيىن جوعارىلاتىپ، ەنەرگيا سەلبەستىگىندە تىڭ قامال الۋدى جۇزەگە اسىرىپ، تۇتاس كاسىپ تىزبەگىنىڭ ەنەرگيا ستراتەگيالىق سەرىكتەستىك قاتىناسىن قول ۇستاسا سومداۋ. ەكىنشى، دامۋ ستراتەگياسىن ۇشتاستىرۋدى كۇشەيتىپ، اۋىل شارۋاشىلىعى، قاتىناس، حابارلاسۋ، فينانس، اۆياتسيا، عارىش، جابدىق جاساۋ سياقتى سالالارداعى سەلبەستىكتى كەڭەيتىپ، ىندەتكە قارسى تۇرۋ سەلبەستىگىن تەرەڭدەتىپ، بايلىققا جاتپايتىن سالالارداعى سەلبەستىكتىڭ جاڭا جاعدايىن اشۋ. ٴۇشىنشى، وقۋ-اعارتۋ، مادەنيەت، دەنە تاربيە سياقتى سالالارداعى سەلبەستىكتى كۇشەيتىپ، ديپلوماتيالىق قاتىناس ورناتقاندىعىمىزدىڭ 30 جىلدىعىن قۇتتىقتاۋ قيمىلىن بىرگە ويداعىداي وتكىزىپ، گۋمانيتارلىق سەلبەستىكتىڭ جاڭا دامۋىن جەبەۋ. ٴتورتىنشى، ساياسي سەنىمدىلىكتى كۇشەيتىپ، ەكى ەلدىڭ جانە وسى ٴوڭىردىڭ حاۋىپسىزدىگى مەن ورنىقتىلىعىن بىرگە قورعاپ، حاۋىپسىزدىك سەلبەستىگىنىڭ تىڭ تۇعىرىن قالىپتاستىرۋ.


    شەردار.بەردىمۇحامەتوۆ بىلاي دەدى: تۇركمەنستان جۇڭگومەن بولعان ستراتەگيالىق سەرىكتەستىك قاتىناسىنا ايرىقشا ٴمان بەرەدى، جۇڭگونىڭ تۇركمەنستاندى جاڭا ايدارشا ۆيرۋس ۆاكسيناسىمەن قامداعاندىعىنا العىس ايتادى، جۇڭگومەن بىرگە تۇركمەنستان-جۇڭگو سەلبەستىك كوميتەتىنىڭ رولىن تولىق ساۋلەلەندىرىپ، ەكى ەلدىڭ ساياسي، ديپلوماتيا، ەكونوميكا-ساۋدا، ەنەرگيا، گۋمانيتارلىق سالالارداعى سەلبەستىگىن اناعۇرلىم كۇشەيتىپ، تۇركمەنستان-جۇڭگو قاتىناسىنىڭ ۇزدىكسىز دامۋىن ىلگەرىلەتۋدى قالايدى.


    ماجىلىستەن كەيىن حان جىڭ مەن شەردار.بەردىمۇحامەتوۆ جۇڭگو-تۇركمەنستان سەلبەستىك كوميتەتى 5-ٴماجىلىسىنىڭ ماڭىزدى ەستەلىگى مەن قاتىستى سەلبەستىك حۇجاتتارىنا قول قويدى.


اۋدارعان: گۇلنۇر قابىلقاق قىزى

中央广播电视总台 央广网 版权所有

حان جىڭ تۇركمەنستاننىڭ ورىنباسار زۇڭليىمەن بىرگە جۇڭگو-تۇركمەنستان سەلبەستىك كوميتەتىنىڭ 5-رەتكى ٴماجىلىسىن باسقاردى

حان جىڭ 11-ايدىڭ 22-كۇنى بەيجيڭدە بەينە ەكران تاسىلىمەن تۇركمەنستاننىڭ ورىنباسار زۇڭليى شەردار.بەردىمۇحامەتوۆپەن بىرگە جۇڭگو-تۇركمەنستان سەلبەستىك كوميتەتىنىڭ 5-رەتكى ٴماجىلىسىن باسقاردى.