ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ٴتوراعا شي جينپيڭ جۇڭگو ـ شىعىس وڭتۇستىك ازيا ەلدەرى وداعىنىڭ پىكىرلەسۋ قاتىناسىن ورناتقاندىعىنىڭ 30 جىلدىعىن ەسكە ٴتۇسىرۋ باسشىلار ٴماجىلىسىن باسقاردى، ٴماجىلىس ماڭىزدى تابىستارعا قول جەتكىزدى

来源:جۇڭگو قازاق راديو تورابى     |责编:阿依娜古丽|     发布日期: 2021-11-24 09:56

 

ٴوز حابارىمىز.ٴتوراعا شي جينپيڭ 11 ـ ايدىڭ 22 ـ كۇنى جۇڭگو مەن شىعىس وڭتۇستىك ازيا ەلدەرى وداعىنىڭ سۇحبات قاتىناسىن ورناتقاندىعىنىڭ 30 جىلدىعىن ەسكە ٴتۇسىرۋ باسشىلار ماجىلىسىنە بەينە ەكران فورماسىندا قاتىناسىپ جانە ماجىلىستى باسقارىپ، «تاعدىرلاس بولىپ، مەكەندى بىرگە قۇرايىق» دەگەن تاقىرىپتا ماڭىزدى ٴسوز سويلەدى.


    ٴماجىلىس اياقتاعاننان كەيىن، سىرتقى ىستەر مينيسترلىگىنىڭ قاتىستى جاۋاپتىسى مەديالاردىڭ سۇحباتىن قابىلداپ، ٴتوراعا شي جينپيڭنىڭ ماجىلىسكە قاتىناسۋداعى تابىستارىن تانىستىردى.


    وسى رەتكى باسشىلار باس قوسۋى _ _ ەلىمىزدىڭ بيىلعى ەڭ ماڭىزدى توڭىرەكتىك ديپلوماتيالىق قيمىلى، سونداي ـ اق ٴتوراعا شي جينپيڭنىڭ شىعىس وڭتۇستىك ازيا ەلدەر وداعىنداعى ەلدەردىڭ باسشىلارىمەن تۇڭعىش رەت توپتىق كەڭەس وتكىزۋى. باسشىلار باس قوسۋىنىڭ ەڭ ماڭىزدى تابىسى _ ٴتوراعا شي جينپيڭ شىعىس وڭتۇستىك ازيا ەلدەر وداعىنداعى ەلدەردىڭ باسشىلارىمەن بىرگە جۇڭگونىڭ شىعىس وڭتۇستىك ازيا ەلدەرى وداعىمەن قاتىناسىن جاپپاي ستراتەگيالىق سەرىكتەستىك قاتىناس دەڭگەيىنە كوتەرىپ، ەكى جاقتىڭ قارىم ـ قاتىناس تاريحىنداعى تىڭ بەلەستى تۇراقتاندىردى.


    ٴتوراعا شي جينپيڭ شىعىس وڭتۇستىك ازيا ەلدەر وداعىنداعى ەلدەردىڭ باسشىلارىمەن 8 ٴتۇرلى كەلەلى ورتاق تانىمعا كەلدى.


ٴبىرىنشى، جوعارى جىكتەگىلەردىڭ جەتەكشىلىگىنە تاباندى بولىپ، ەكى جاق قاتىناسىنىڭ جاڭا ورنىن تياناقتاندىرۋ. ماجىلىسكە قاتىناسقان باسشىلار ٴبىر اۋىزدان بىلاي دەپ قارادى: جالپى بەتتىك ستراتەگيالىق سەرىكتەستىك قاتىناس ورناتۋ جۇڭگو ـ شىعىس وڭتۇستىك ازيا ەلدەرى وداعى قاتىناسىنىڭ جوعارى دەڭگەيدە دامۋ جاعدايىن بەينەلەپ، ەكى جاق قاتىناسىنا اناعۇرلىم جوعارى نىسانا بەلگىلەپ بەردى، بۇل ٴبىر ـ ٴبىرىنىڭ ستراتەگيالىق ٴوزارا سەنىمدىلىگى مەن جان ـ جاقتى سەلبەستىگىن كۇشەيتۋگە ٴتيىمدى.


    ەكىنشى، ىندەتكە ىنتىماقتاسا قارسى تۇرۋعا تاباندى بولىپ، حالىقتىڭ ٴومىرى مەن دەنساۋلىعىن قورعاۋ. شىعىس وڭتۇستىك ازيا ەلدەر وداعىنداعى ەلدەردىڭ باسشىلارى جۇڭگونىڭ ۋادەسىن ورىنداپ، ۆاكسينانى الەمدىك الەۋمەتتىك ونىمگە اينالدىرۋعا قۇلشىنعاندىعىن القادى، جۇڭگونىڭ قىمباتتى قولداۋى وسى ٴوڭىردىڭ دەربەس قامتاماسىز ەتۋ قابىلەتىن جوعارىلاتۋىنا جانە كەلەلى الەۋمەتتىك دەنساۋلىق ساقتاۋ وقيعالارىنا توتەپ بەرۋ دەڭگەيىن جوعارىلاتۋىنا ٴتيىمدى ەكەندىگىن ٴبىلدىردى.


    ٴۇشىنشى، ورتاق دامۋعا تاباندى بولىپ، وڭىرلىك ەكونوميكانىڭ قالپىنا كەلۋىنە دەم بەرۋ. تاراپتار الەمدىك دامۋ دارىپتەمەسىن قارسى الاتىندىقتارىن جانە قولدايتىندىقتارىن ٴبىلدىردى، سونىمەن قاتار، دارىپتەمە - دۇنيە ٴجۇزى ەكونوميكاسىنىڭ، اسىرەسە، وركەندەپ كەلە جاتقان ەلدەر ەكونوميكاسىنىڭ قالپىنا كەلۋىنە وراسان زور قولداۋ كورسەتەدى دەپ قارادى. شىعىس وڭتۇستىك ازيا ەلدەر وداعىنداعى ەلدەردىڭ باسشىلارى ٴتوراعا شي جينپيڭ العا قويعان ناقتى سەلبەستىك دارىپتەمەسىنە العىس ايتتى.


    ٴتورتىنشى، جاڭالىق اشا دامۋعا تاباندى بولىپ، جاڭا قوزعاۋشى كۇشتى جەتىلدىرۋ. شىعىس وڭتۇستىك ازيا ەلدەر وداعىنداعى ەلدەردىڭ باسشىلارى ٴتوراعا شي جينپيڭ العا قويعان قاتىستى دارىپتەمەلەردى قارسى الادى، 4ـ رەتكى ونەركاسىپ توڭكەرىسىن وراي ەتىپ، سيفرلى ەكونوميكا، زەردەلى قالا، جاساندى زەردە، ەلەكتروندىق ساۋدا، ٴىرى ساندى مالىمەت، سيفرلى بۇرىلىس، ينتەرنەت حاۋىپسىزدىگى سياقتى سالالارداعى سەلبەستىكتى ىلگەرىلەتۋدى قالايدى.


    بەسىنشى، باياندى دامۋعا تاباندى بولىپ، جاسىل تيپتە بۇرىلىس جاساۋدى جەدەلدەتۋ. ماجىلىسكە قاتىناسقان باسشىلار ٴبىر اۋىزدان بىلاي دەپ قارادى: كليمات وزگەرىسىنىڭ ٴتيىمسىز ىقپالى كۇن سايىن كورنەكتىلەنىپ كەلەدى، وڭىردەگى ٴار ەل سەلبەسىپ توتەپ بەرۋى كەرەك. شىعىس وڭتۇستىك ازيا ەلدەر وداعىنداعى ەلدەردىڭ باسشىلارى جۇڭگونىڭ دامۋ ۇستىندەگى ەلدەردىڭ كليمات وزگەرىسىنە توتەپ بەرۋىنە تەحنيكا جانە قارجى جاعىنان قولداۋ كورسەتكەندىگىنە العىس ايتتى.


    التىنشى، اۋىس ـ كۇيىس جاساۋعا، ٴوزارا ۇلگى الۋعا تاباندى بولىپ، حالىق تىلەگىنىڭ توعىسۋىن جەبەۋ. ٴتوراعا شي جينپيڭ بىلاي دەپ باسا دارىپتەدى: مادەنيەت، ساياحات، اقىل ـ پاراسات قويماسى، اقپارات قۇرالدارى، ايەلدەر، دەنە تاربيە، جاستار سياقتى سالالارداعى اۋىس ـ كۇيىستى ىلگەرىلەتۋ كەرەك. شىعىس وڭتۇستىك ازيا ەلدەر وداعىنداعى ەلدەردىڭ باسشىلارى جان ـ جاقتى، كوپ ساتىلى گۋمانيتارلىق اۋىس ـ كۇيىس جاعدايىنىڭ قالىپتاسۋىن قولدايتىندىقتارىن ٴبىلدىردى.


    جەتىنشى، ىنتىماقتاسا سەلبەسۋگە تاباندى بولىپ، ٴوڭىردىڭ بەيبىتشىلىگى مەن ورنىقتىلىعىن قورعاۋ. ٴتوراعا شي جينپيڭ بىلاي دەپ اتاپ كورسەتتى: پىكىرلەسۋگە، قارسىلاسپاۋعا، وداقتاسۋعا تاباندى بولىپ، بەيبىتشىلىككە حاۋىپ توندىرەتىن ٴتۇرلى ۇنامسىز فاكتورلارعا قول ۇستاسا توتەپ بەرۋ كەرەك. جۇڭگو زورەكەرلىك پەن وكتەمدىك ساياسيعا باتىل قارسى تۇرادى. شىعىس وڭتۇستىك ەلدەر ازيا وداعىنداعى ەلدەردىڭ باسشىلارى بىلاي دەدى: ٴتوراعا شي جينپيڭنىڭ ٴسوزى وڭىرلىك حالىقتىڭ ورتاق جۇرەك ٴۇنىن بەينەلەدى.


    سەگىزىنشى، شىعىس وڭتۇستىك ازيا ەلدەرى وداعىنىڭ وزەكتى ورنىنا تاباندى بولىپ، ناعىز كوپ جاقتىلىقتى امالياتتا ايگىلەۋ. ٴتوراعا شي جينپيڭ بىلاي دەپ باسا دارىپتەدى: ناعىز كوپ جاقتىلىقتى ٴامالياتتا ايگىلەپ، حالىقارالىق جانە وڭىرلىك ٴىرى ىستەردى اقىلداسىپ ىستەۋگە تاباندى بولۋ كەرەك. شىعىس وڭتۇستىك ازيا وداعىنداعى ەلدەردىڭ باسشىلارى مۇنى جوعارى باعالادى، جۇڭگومەن بىرگە كوپ جاقتىلىقتى قورعاپ جانە ٴامالياتتا ايگىلەپ، وڭىرلىك جانە الەمدىك سايىستارعا تىزە قوسا توتەپ بەرۋدى قالايتىندىقتارىن ٴبىلدىردى.


    بۇل رەتكى باسشىلار باس قوسۋى جۇڭگو مەن شىعىس وڭتۇستىك ازيا ەلدەرى قاتىناسىنىڭ جاڭا باعىتىن كورسەتىپ بەردى سونداي-اق جۇڭگو مەن شىعىس وڭتۇستىك ازيا ەلدەرى وداعى قاتىناسى دامۋىنىڭ تىڭ پاراعىن اشتى.


اۋدارعان: شالقار قازەز ۇلى

中央广播电视总台 央广网 版权所有

ٴتوراعا شي جينپيڭ جۇڭگو ـ شىعىس وڭتۇستىك ازيا ەلدەرى وداعىنىڭ پىكىرلەسۋ قاتىناسىن ورناتقاندىعىنىڭ 30 جىلدىعىن ەسكە ٴتۇسىرۋ باسشىلار ٴماجىلىسىن باسقاردى، ٴماجىلىس ماڭىزدى تابىستارعا قول جەتكىزدى

وسى رەتكى باسشىلار باس قوسۋى _ _ ەلىمىزدىڭ بيىلعى ەڭ ماڭىزدى توڭىرەكتىك ديپلوماتيالىق قيمىلى، سونداي ـ اق ٴتوراعا شي جينپيڭنىڭ شىعىس وڭتۇستىك ازيا ەلدەر وداعىنداعى ەلدەردىڭ باسشىلارىمەن تۇڭعىش رەت توپتىق كەڭەس وتكىزۋى.