ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

لي جانشۋ جۇڭگو-رەسەي پارلامەنتى سەلبەستىك كوميتەتىنىڭ 7 ـ رەتكى ٴٴماجىلىسىنىڭ اشىلۋ سالتىنا قاتىناستى ٴارى ٴسوز سويلەدى

来源:جۇڭگو قازاق راديو تورابى     |责编:阿依娜古丽|     发布日期: 2021-11-24 17:36

 

ٴوز حابارىمىز. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 11-ايدىڭ 23-كۇنى بەيجيڭدەگى حالىق سارايىندا جۇڭگو-رەسەي پارلامەنتى سەلبەستىك كوميتەتىنىڭ 7-رەتكى ٴماجىلىسىنىڭ اشىلۋ سالتىنا بەينە ـ ەكران فورماسىندا قاتىناستى ٴارى ٴسوز سويلەدى.


    لي جانشۋ بىلاي دەدى: ٴتوراعا شي جينپيڭ مەن پۋتين پرەزيدەنتتىڭ ستراتەگيالىق جەتەكشىلىگىندە، جۇڭگو ـ رەسەي قاتىناسىنىڭ ٴۇرتىس، جوعارى دەڭگەيدە دامۋى جۇڭگو مەن رەسەيدىڭ ٴبىر ـ ٴبىرىن باتىل قولداۋ جانە « ارقا سۇيەۋ » ستراتەگيالىق سەلبەستىگىنىڭ كەڭدىگى مەن تەرەڭدىگىن ايگىلەپ، ەكى جاقتىڭ ب م ۇ حاۋىپسىزدىك القالار كەڭەسىنىڭ تۇراقتى القا ەلى رەتىندەگى جاۋاپكەرشىلىگى مەن باتىلدىعىن ايگىلەدى.


    لي جانشۋ بىلاي دەدى: بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى. جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ التىنشى جالپى ٴماجىلىسى جۋىردا جەڭىسپەن اشىلىپ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى جاپپاي قورىتىندىلاندى. ج ك پ ورتالىق كوميتەتى جاڭا جۇڭگو قۇرىلعاننان بەرگى تۇڭعىش رەتكى حالىق قۇرىلتايى قىزمەت ٴماجىلىسىن اشتى. جۇڭگو بىلاي دەپ قارايدى : دەموكراتيا ٴبىر ەلدىڭ پاتەنتى ەمەس، دەموكراتيا اشەكەي بۇيىم دا ەمەس، دەموكراتيانى جۇزەگە اسىرۋدىڭ الۋان ٴتۇرلى ٴتاسىلى بار، دۇنيە ٴجۇزىنىڭ باي مازمۇندى ساياسي ٴتۇزىمىن جالاڭ ولشەم ارقىلى سارالاپ، ادامزاتتىڭ الۋان ٴتۇرلى ساياسي وركەنيەتىنە ٴبىر عانا تۇرعىدان باعا بەرۋدى دەموكراتيا دەۋگە بولمايدى. جۇڭگو كوممۋنيستىك پارتياسى مەن جۇڭگو حالقى ٴوزى تاڭداعان ساياسي ٴتۇزىم مەن دامۋ جولىنا تولىق سەنىم ارتىپ، ۇزدىكسىز كۇرەس جۇرگىزىپ، جۇڭحۋا حالىق رەسپۋبليكاسى قۇرىلعاندىعىنىڭ 100 جىلدىعى كەزىندە جۇڭگونى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋعا قۇلشىنادى.


    لي جانشۋ مىنالاردى اتاپ كورسەتت: جاڭا جاعدايدا جۇڭگو مەن رەسەيدىڭ زاڭ شىعارۋ قۇرىلىمدارى سەلبەستىكتى اناعۇرلىم كۇشەيتىپ، ەكى ەل قاتىناسىنىڭ دامۋىنا ۇلەس قوسۋى كەرەك. ٴبىرىنشى، نازاردى ەكى ەلدىڭ ساياسي حاۋىپسىزدىگىن قورعاۋعا ۇزدىكسىز شوعىرلاندىرۋ. باعىتتامالى زاڭ شىعارۋ ەكى جاقتىڭ ٴبىر ـ ٴبىرىنىڭ وزەكتى مۇددەسىنە ساياتىن ماسەلەلەردە ٴوزارا قولداۋىن ايگىلەدى. ەكىنشى، ەكى ەلدىڭ سەلبەستىگىن كۇشەيتۋدى زاڭدىق كەپىلمەن قامداۋ. ءٴۇشىنشى، ىندەتكە سوققى بەرۋگە دەم بەرۋ. ۆيرۋستىڭ توركىنىن ساياسيلاندىرۋعا قارسى تۇرۋ قاجەت. ٴتورتىنشى، كوپ جاقتى جۇلگە ىشىندەگى سەلبەستىكتى كۇشەيتىپ، جاڭا قىرعي قاباقتىق سوعىس جۇرگىزۋگە، زورەكەرلىككە، باسقا ەلدەردىڭ ىشكى ىسىنە كيلىگۋگە قارسى تۇرىپ، ناعىز كوپ جاقتىلىقتى امالياتتا ايگىلەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ٴتيىس.


    رەسەي فەدەراتسيالىق كوميتەتىنىڭ ٴتوراعاسى ماتۆيەنكو مەن مەملەكەتتىك دۋمانىڭ ٴبىرىنشى ورىنباسار ٴتوراعاسى مەلينيكوۆ ماجىلىسكە قاتىناستى ٴارى ٴسوز سويلەدى.


اۋدارعان: سەرىك راقىم ۇلى

中央广播电视总台 央广网 版权所有

لي جانشۋ جۇڭگو-رەسەي پارلامەنتى سەلبەستىك كوميتەتىنىڭ 7 ـ رەتكى ٴٴماجىلىسىنىڭ اشىلۋ سالتىنا قاتىناستى ٴارى ٴسوز سويلەدى

مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 11-ايدىڭ 23-كۇنى بەيجيڭدەگى حالىق سارايىندا جۇڭگو-رەسەي پارلامەنتى سەلبەستىك كوميتەتىنىڭ 7-رەتكى ٴماجىلىسىنىڭ اشىلۋ سالتىنا بەينە ـ ەكران فورماسىندا قاتىناستى ٴارى ٴسوز سويلەدى.