ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

«قايراتتانا العا ۇمتىلعان 2021 ـ جىل»: قيىن قامالداردى بۇزا جەڭىسكە جەتىپ، ارتۋدى ورنىقتى ىلگەرىلەتكەن جىل

来源:جۇڭگو قازاق راديو تورابى     |责编:阿依娜古丽|     发布日期: 2021-12-03 10:31

 

ٴوز حابارىمىز. بيىل جىل باسىنان بەرى، دۇنيە ٴجۇزى ەكونوميكاسىنىڭ قالپىنا كەلۋى تۇراقسىزدىعى اسقىنعان، بىركەلكىسىزدىك ماسەلەسى كورنەكتى بولعان جاعدايدىڭ، جۇقپالى اۋرۋ تارالۋ، تاسقىن اپاتى تۋىلۋ سياقتى فاكتورلاردىڭ ٴتيىمسىز ىقپالىنا ۇشىراعانىمەن، ەلىمىز ەكونوميكاسى ٴالى دە ۇزدىكسىز ورنىقتى قالپىنا كەلىپ، ورنىقتىلىق بارىسىندا بەكەمدەلىپ، ورنىقتىلىق بارىسىندا جاقسارۋعا بەت الىپ، جىل سوڭىندا دۇنيە ٴجۇزىن جالت قاراتقان ناتيجەگە قول جەتكىزۋ ٴۇمىتى مەنمۇندالادى.«قايراتتانا العا ۇمتىلعان 2021-جىل» اتتى جىل سوڭىنداعى ەكونوميكالىق ەرەكشە حاباردىڭ بۇگىنگى كەزەگىندە «قيىن قامالداردى بۇزا جەڭىسكە جەتىپ، ارتۋدى ورنىقتى ىلگەرىلەتكەن ٴبىر جىل» دەگەن حابار بەرىلەدى.


    5 G جانە جاساندى زەيىن تەحنيكاسىنىڭ جەدەل دامۋى ادامداردىڭ تۇتىنۋ تالعامىنا ىقپال جاساۋدا، جاسىل، زەيىندەستىرىلگەن ونىمدەر«جارقىن تۇيىنگە» اينالۋدا. تۇتىنۋشىلاردىڭ كوزقاراسىندا «پارىقتىلىق باعا سالىستىرماسىنان» كوپ نەگىزدى سۇرانىسقا بۇرىلىس جاسالۋدا، جاساۋ كاسىبىندە ارتۋ فورماسىندا بۇرىلىس جاساپ دامۋ ساپاسىن جوعارىلاتۋعا دەم بەرىلۋدە.


    تۇتىنۋدىڭ ٴوزى جاساۋ كاسىبىنە جەتەكشىلىك ەتەدى، جاساۋ كاسىبىن ساپالاندىرۋ قايتا اينالىپ كەلىپ تۇتىنۋدىڭ ارتۋىن جەبەيدى. مەملەكەتتىك ساناق مەكەمەسىنىڭ ساندى مالىمەتىندە كورسەتىلۋىنشە، 1-ايدان 10-ايعا دەيىن قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 35 تريلليون 851 ميلليارد 100 ميلليون يۋان بولىپ، ۇقساس مەزگىلدەگىدەن %14.9 ارتقان. سونىمەن بىرگە، تۇتىنۋعا قارجى قوسۋ قۇرىلىمى ۇزدىكسىز جاقسارعان. جوعارى تەحنيكالى شارۋاشىلىققا جانە حالىق تۇرمىسى سالاسىنا قوسىلعان قارجى ٴبىرشاما تەز ارتقان. 1-ايدان 10-ايعا دەيىن جوعارى تەحنيكالى شارۋاشىلىققا قوسىلعان قارجى ۇقساس مەزگىلدەگىدەن %17.3 ارتقان. ەكونوميست جاڭ ليانچي بىلاي دەدى: تۇتىنۋ ىشكى سۇرانىمدى ۇلعايتۋدىڭ ستراتەگيالىق نەگىزى رەتىندە اناعۇرلىم كورنەكتىلەنە تۇسۋدە.


    جاڭ ليانچي بىلاي دەدى: بىزدە نەگىز بار، ەرەكشە كەڭ كولەمدى بازار بار، كەمەلدى كاسىپ تىزبەگى جانە قامداۋ تىزبەگى ابزالدىلىعى بار، ورتاشا كىرىستەگى قاۋىم بار، ولاردىڭ كولەمى 400 ميلليوننان اسادى. جوعارى، جاڭا تەحنيكالى شارۋاشىلىققا جانە جوعارى تەحنيكالى قىزمەت وتەۋ كاسىبىنە قارجى قوسۋعا مىنە وسىنداي كۇشتى نازار شوعىرلاندىرىلۋدا. ىشكى سۇرانىستىڭ ۇزدىكسىز كەڭەيۋى سىندى ىشكى سۇرانىمدى كەڭەيتۋ ستراتەگيالىق نەگىزى اناعۇرلىم كورنەكتىلەنۋدە.


    تۇتىنۋ عانا ەمەس، جۇڭگو ەكونوميكاسى دامۋىنىڭ سەرپىمدىلىگى ۇزدىكسىز كورنەكتىلەنۋدە. تاياۋدا جەر ـ جەردە كۇزگى استىق ساتىپ الۋدىڭ قاۋىرت ورلەۋى باستالدى، ٴىرى استىق قامبالارى قويما جانە قارجى دايىندادى، كوپ نەگىزدى بازار تۇلعالارى بازارعا بەلسەنە كىردى، كۇزگى استىق ساتىپ الۋ اياق الىسى ٴساتتى ىلگەرىلەدى، استىق بازارىنىڭ اينالىمى ورنىقتى، ٴتارتىپتى بولدى. شارۋالاردىڭ «استىقتى ساتۋىنا، اقشانى الۋىنا» كەپىلدىك ەتۋ ٴۇشىن، استىق ٴىرى ولكەسى سانالاتىن شاندۇڭ ولكەسىندە 24 ميلليارد 200 ميلليون جىڭ استىق ساقتاۋ قويماسى، 24 ميلليارد 500 ميلليون يۋان قارجى دايىندالدى، سونىمەن بىرگە، جەر ـ جەردىڭ جەم ـ ٴشوپ، باعىمشىلىق سياقتى قاجەتتەرىنە ىستەتىلەتىن جۇگەرى مانەرلەۋ كاسىپورىدارنا دەم بەرىلگەندىكتەن ولار بازارعا بەلسەنە كىرىپ شيكىزات ساتىپ الدى.


    مەملەكەتتىك ساناق مەكەمەسىنىڭ اقپارات مالىمدەمەشىسى، حالىق شارۋاشىلىعى جالپىلىق ساناق مەكەمەسىنىڭ باستىعى فۋ ليڭحۇي بىلاي دەپ تالداۋ جاسادى: جۇقپالى اۋرۋ تارالۋ، تاسقىن اپاتى تۋىلۋ سياقتى ٴتيىمسىز فاكتورلاردىڭ سوققىسىنا ۇشىراعانىمەن، ەلىمىزدىڭ اۋىل شارۋاشىلىق ٴوندىرىسى ورنىقتى بولدى، ونەركاسىپ جانە قىزمەت وتەۋ كاسىبىندە سوققىعا ۇشىراعان جاعدايدا دا جاقسارۋ بەتالىسى جارىققا شىقتى.


    فۋ ليڭحۇي بىلاي دەپ تانىستىردى: بيىل جازعى استىق جانە ەرتە پىساتىن كۇرىش ٴونىمى بىردەي ارتتى، كۇزگى استىقتان ٴونىم الۋ جۇمىسى اياقتاۋ الدىندا تۇر، تۇتاس جىلدا استىقتان تاعى دا مول ٴونىم الۋدان ٴۇمىت بايقالدى. 10-ايدا كولەم قالىپتاستىرعان ونەركاسىپتىڭ ارتقان قۇنى 2 جىلدا ورتا ەسەپپەن % 5.2 ارتىپ، ارتۋ قارقىنى الدىڭعى ايداعىدان 0.2 پايىز تەزدەدى. قىزمەت وتەۋ كاسىبىنىڭ ءوندىرىس كورسەتكىشى 2 جىلدا ورتا ەسەپپەن %5.5 ارتىپ، الدىڭعى ايداعىدان 0.2 پايىز تەزدەدى. بازاردىڭ قامداۋ ونىمدىلىگى كورنەكتى بولدى.


    جۇقپالى اۋرۋدىڭ سوققىسىنا ۇشىراعان جاعدايدا، بيىل دۇنيە جۇزىندەگى كوپتەگەن ەلدەردە قامداۋ تاپشى بولىپ، زات باعاسى قاۋىرت جوعارىلادى، الايدا تۇتاس جىلدا ەلىمىزدىڭ تاۋار جانە قىزمەت وتەۋ بازارىندا قامداۋ جەتكىلىكتى بولىپ، تۇرعىنداردىڭ تۇتىنۋ باعاسىنىڭ جوعارىلاۋى باياۋلادى. ەڭ جاڭا ساندى مالىمەتتە كورسەتىلۋىنشە، 10-ايدا تۇرعىنداردىڭ تۇتىنۋ باعاسى ۇقساس مەزگىلدەگىدەن % 1.5 ارتقان، مۇنىڭ ىشىندە ازىق-تۇلىك باعاسى %2.4 تومەندەگەن. نەگىزگى تۇتىنۋ بۇيىمدارى ٴوندىرىسى ورنىقتى ارتىپ، ساتىلۋ جاعدايى ٴبىرشاما جاقسى بولعان. تۇرعىنداردىڭ تۇرمىس قاجەتى ٴونىمدى قاناعاتتاندىرىلعان.


    جۇمىسقا ورنالاستىرۋدى ورنىقتىرۋدىڭ ٴوزى حالىق تۇرمىسىن ورنىقتىرعاندىق، مۇنان دا ماڭىزدىسى، بيىل 1-ايدان 10-ايعا دەيىن مەملەكەت بويىنشا قالا ـ قالاشىقتاردا 11 ميلليون 330 مىڭ ادام تىڭنان جۇمىسقا ورنالاسىپ، تۇتاس جىلدىق نىسانا ـ مىندەت كۇنى بۇرىن ورىندالدى.


    ەلىمىز ەكونوميكاسىنىڭ ۇزدىكسىز قالپىنا كەلۋ جاعدايى وزگەرگەن جوق، بەلسەندى فاكتورلار كوبەيىپ كەلەدى. ەكونوميست جاڭ ليانچي بىلاي دەپ تۇجىرىم جاسادى: نەگىزدىك سان فاكتورىنىڭ جانە سوڭعى جارىم جىلداعى قالپىنا كەلۋ جاعدايىنىڭ باياۋلاۋىنىڭ ىقپالىندا، مەجەمەن 4 – ماۋسىمداعى ەكونوميكانىڭ ارتۋى ٴسال باياۋلايدى، الايدا، جالپى العاندا، ەلىمىزدىڭ تۇتاس جىلداعى ىشكى ٴوندىرىس جالپى ٴونىم قۇنىن % 6 تەن استام ارتتىرۋداي ەكونوميكالىق، قوعامدىق دامۋ مەجەلى نىساناسى ٴساتتى جۇزەگە اسادى، مۇنىڭ ٴوزى كەلەر جىلعى ەكونوميكانىڭ دامۋىنا تاماشا نەگىز قالايدى.


    جاڭ ليانچي بىلاي دەدى: قالا شوعىرىن باستاماشى ەتۋ ارقىلى جۇڭگو ەكونوميكاسىنىڭ كەلەسى قادامداعى جوعارى قارقىنمەن ارتۋىنا ەكونوميكالىق قوزعاۋشى كۇش اياسى اشىلۋدا. ناقتى ەكونوميكالىق تۇلعالار كاسىپ ونىمدىلىگىن تولىقتاۋ، زەرتتەۋ ـ تاپقىرلاۋدى كۇشەيتۋ، ورتاشا كىرىستەگى قاۋىمدى مولايتۋ سياقتى جاقتاردا اسا زور ٴورىس اشۋدا. مۇنان سىرت، ٴداستۇرلى ناقتى ەكونوميكادا سيفرلانۋعا بۇرىلىس جاسالعاننان كەيىن، وندىرگىش كۇشتەر ساپالانادى، سونىمەن تىڭ ناقتى ەكونوميكالىق تۇلعا قالىپتاستىرۋعا كەڭ ٴورىس اشىلادى. ىشكى سۇرانىستىڭ ۇزدىكسىز كەڭەيۋى جۇڭگونىڭ ەكونوميكاسىنا جانە ورنىقتى دامۋىنا وراسان زور تىرەك بولۋدا.


اۋدارعان: قاناتبەك جۇماباي ۇلى

中央广播电视总台 央广网 版权所有

«قايراتتانا العا ۇمتىلعان 2021 ـ جىل»: قيىن قامالداردى بۇزا جەڭىسكە جەتىپ، ارتۋدى ورنىقتى ىلگەرىلەتكەن جىل

.«قايراتتانا العا ۇمتىلعان 2021-جىل» اتتى جىل سوڭىنداعى ەكونوميكالىق ەرەكشە حاباردىڭ بۇگىنگى كەزەگىندە «قيىن قامالداردى بۇزا جەڭىسكە جەتىپ، ارتۋدى ورنىقتى ىلگەرىلەتكەن ٴبىر جىل» دەگەن حابار بەرىلەدى.