ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ساياسي كەڭەس مەملەكەتتىك 13-كەزەكتى كوميتەتى تۇراقتى كوميتەتىنىڭ 22-ءماجىلىسى اشىلدى

来源:جۇڭگو قازاق راديو تورابى     |责编:古丽美热|     发布日期: 2022-06-21 09:56

 

ٴوز حابارىمىز. ساياسي كەڭەس مەملەكەتتىك 13 ـ كەزەكتى كوميتەتى تۇراقتى كوميتەتىنىڭ 22 ـ ٴماجىلىسى 6-ايدىڭ 20-كۇنى تۇستەن بۇرىن بەيجيڭدە اشىلدى، ماجىلىستە «جاسىل، تومەن كومىرتەكتى، جوعارى ساپالى دامۋدى ٴبىر تۇتاس ىلگەرىلەتۋدى » ارقاۋ ەتىپ، ۇكىمەت ٴىسىن اقىلداستى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ءماجىلىستىڭ اشىلۋ سالتىنا قاتىناستى.

مەملەكەتتىك كەڭەستىڭ مۇشەسى ۋاڭ يۇڭ ۇسىنىس بويىنشا ماجىلىسكە قاتىناستى ٴارى بايانداما جاسادى، ناق مايداندا ساياسي كەڭەس تۇراقتى مۇشەلەرىنىڭ ۇسىنىس ـ پىكىرلەرى تىڭدالدى. ۋاڭ يۇڭ مىنالاردى اتاپ كورسەتتى: شي جينپيڭ جولداستى ۇيتقى ەتكەن ج ك پ ورتالىق كوميتەتىنىڭ پارمەندى باسشىلىعىندا، كومىرتەگىن ٴبولىپ شىعارۋدى ەڭ جوعارى شەكتەن اسىرماي توقتاتۋ، كومىرتەگىن ٴبولىپ شىعارۋدى نورمال كۇيگە تۇسىرۋ قىزمەتىندە تاماشا باستاما جارىققا شىعىپ، ەلىمىزدىڭ جاسىل، تومەن كومىرتەكتى دامۋىن ىلگەرىلەتۋدە كورنەكتى ونىمدىلىككە قول جەتتى. شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ج ك پ ورتالىق كوميتەتىنىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، تياناقتاندىرىپ، دامۋ مەن لاس زاتتاردىڭ شىعارىلۋىن ازايتۋدىڭ، جالپى تۇلعالىق پەن ٴىشىنارالىقتىڭ، ۇزاق بولاشاقتىق نىسانا مەن قىسقا مەرزىمدىك نىسانالاردىڭ، ۇكىمەت پەن بازاردىڭ قاتىناسىن ويداعىداي ٴبىر جاقتى ەتىپ، « كومىرتەگىن ٴبولىپ شىعارۋدى ەڭ جوعارى شەكتەن اسىرماي توقتاتۋ 10 ٴىرى ارەكەتىن » ويداعىداي ۇيىمداستىرىپ، اتقارىپ، كومىرتەگىن ٴبولىپ شىعارۋدى نورمال كۇيگە تۇسىرۋ قىزمەتىن جوسپارلاۋ، ورنالاستىرۋ كەرەك. ەنەرگيا جۇيەسىنىڭ جاسىل، تومەن كومىرتەكتى بولۋعا ويىسۋىن جەدەلدەتىپ، كاسىپ قۇرىلىمىن ساپالاندىرىپ، دارەجەسىن جوعارىلاتىپ، جاسىل، تومەن كومىرتەكتى قاتىناس ـ تاسىمال جۇيەسىن قۇرىپ، قالا ـ اۋىل قۇرىلىسىنىڭ جاسىل، تومەن كومىرتەكتى دامۋ ساپاسىن جوعارىلاتىپ، جاسىل، تومەن كومىرتەكتى عىلىم ـ تەحنيكا توڭكەرىسىن ىلگەرىلەتىپ، ەكولوگيالىق جۇيەنىڭ اتموسفەراداعى كومىرتەگى قوس توتىعىن ٴسىمىرۋ قۋاتىن بەكەمدەپ جانە جوعارىلاتىپ، جاسىل، تومەن كومىرتەكتى تۇرمىس ٴتاسىلىن جالپىلاستىرىپ، جەر شارى كليماتىن وڭاۋعا بەلسەنە ات سالىسىپ، ٴتۇرلى تىرەكتىك قامتاماسىزداندىرۋدى كۇشەيتىپ، ەكونوميكالىق، قوعامدىق دامۋدىڭ جاپپاي جاسىل تۇسكە بۇرىلىس جاساۋىن جەبەۋ كەرەك.


مەملەكەتتىك ساياسي كەڭەستىڭ ورىنباسار ٴتوراعاسى جاڭ چيڭلي ٴماجىلىستىڭ اشىلۋ سالتىن باسقاردى. ول مىنالاردى دارىپتەدى : ج ك پ 18 – قۇرىلتايىنان بەرى شي جينپيڭ جولداس ۇيىتقى بولعان ج ك پ ورتالىق كوميتەتى ەكولوگيالىق وركەنيەت ٴتۇزىلىس رەفورماسىن جۇيەلى جوسپارلادى، ەكولوگيالىق وركەنيەت قۇرىلىسىندا تانىمنان ٴامالياتقا دەيىن تاريحي، بۇرىلىستىق، جالپى جاعدايلىق وزگەرىستەر تۋىلدى. تۇراقتى كوميتەت قۇرامىنداعىلار شي جينپيڭنىڭ ەكولوگيالىق وركەنيەت يدەياسىن مۇقيات دايەكتىلەندىرىپ، تياناقتاندىرىپ، « ەكى جالپى جاعدايدى » كوكەيدە ساقتاپ، حالىق كوڭىل ٴبولىپ وتىرعان ماسەلەلەرگە نازار اۋدارىپ، ٴماجىلىستىڭ نەگىزگى تاقىرىبىن ارقاۋ ەتىپ، ۇكىمەت ٴىسىن بەلسەنە كەڭەسىپ، ورتاق تانىمدى اناعۇرلىم ويداعىداي ۇيىستىرىپ، حالىق ساياسي كەڭەسىنىڭ ارناۋلى كەڭەس قۇرىلىمىنىڭ رولىن شىن مانىندە ويداعىداي ساۋلەلەندىرىپ، جاسىل، تومەن كومىرتەكتى، جوعارى ساپالى دامۋدى ٴبىر تۇتاس ىلگەرىلەتۋگە اقىل ـ پاراسات جانە كۇش ـ قۋات قوسۋ كەرەك.

ٴماجىلىستىڭ اشىلۋ سالتىندا مەملەكەتتىك ساياسي كەڭەستىڭ ورىنباسار ٴتوراعاسى، باس حاتشى لي بين قاتارلىلار قاتىستى تاقىرىپتار جونىندە تۇسىنىك جاسادى. حۋاڭ رۇنچيۋ، جياڭ داميڭ، ساۋ پەيشي، وۋياڭ ميڭگاۋ، سى زىفۋ، نان سۇنحۇي قاتارلى 6 تۇراقتى مۇشە ماجىلىستە ٴسوز سويلەدى.

وسى رەتكى تۇراقتى كوميتەت ٴماجىلىسى ناق مايدان ٴماجىلىسى مەن بەينە ەكران ٴماجىلىسىن ۇشتاستىرۋ تاسىلىمەن وتكىزىلدى، مەملەكەتتىك ساياسي كەڭەس ورگانىندا نەگىزگى ٴماجىلىس الاڭى، بەيجيڭ، شاڭحاي، شياڭگاڭدا بولىمشە ٴماجىلىس الاڭى قۇرىلدى. ٴماجىلىس كەزىندە تۇراقتى كوميتەت قۇرامىنداعىلار «شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، جاسىل، تومەن كومىرتەكتى، جوعارى ساپالى دامۋدى كۇش سالا ىلگەرىلەتۋ»، «كاسىپ قۇرىلىمىن ىشكەرىلەي رەتتەپ، جاسىل، تومەن كومىرتەكتى، اينالمالى ەكونوميكانى دامىتۋ جۇيەسىن كەمەلدەندىرۋ »، « ەنەرگيا ٴتۇزىلىسى مەحانيزمى رەفورماسىن ىشكەرلەتىپ، تازا، تومەن كومىرتەكتى، حاۋىپسىز، جوعارى ٴونىمدى ەنەرگيا جۇيەسىن جەدەل ورناتۋ»،« ەكولوگيانى قورعاۋ مەن قالپىنا كەلتىرۋدى كۇشەيتىپ، جوعارى دەڭگەيلى قورعاۋ ارقىلى جوعارى ساپالى دامۋدى ىلگەرىلەتۋ»، «جاسىل عىلىم ـ تەحنيكا توڭكەرىسىن تەزدەتىپ، وڭىرلەردىڭ سايكەستى دامۋى مەن سىرتپەن اۋىس-كۇيىسىن، سەلبەستىگىن كۇشەيتۋ»، «ساياسات، زاڭ ولشەم جۇيەسىن كەمەلدەندىرىپ، جاسىل، تومەن كومىرتەكتى دامۋدىڭ تىرەگىن كۇشەيتۋ» سياقتى ارناۋلى تاقىرىپتا تالقى ورىستەتەدى.

اۋدارعان: كۇلان ىرىسباي قىزى

中央广播电视总台 央广网 版权所有

ساياسي كەڭەس مەملەكەتتىك 13-كەزەكتى كوميتەتى تۇراقتى كوميتەتىنىڭ 22-ءماجىلىسى اشىلدى

حۋاڭ رۇنچيۋ، جياڭ داميڭ، ساۋ پەيشي، وۋياڭ ميڭگاۋ، سى زىفۋ، نان سۇنحۇي قاتارلى 6 تۇراقتى مۇشە ماجىلىستە ٴسوز سويلەدى