ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ج ك پ ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى جاي جىگاڭ مەن ۋاڭ ياپيڭگە «2-دارەجەلى عارىش ەڭبەك وردەنىن»، يە گۋاڭفۋعا «قاھارمان عارىشكەر» داڭقتى اتاعىن جانە «3-دارەجەلى عارىش ەڭبەك وردەنىن» بەرۋ جونىندەگى قاراردى جاريالادى

来源:جۇڭگو قازاق راديو تورابى     |责编:古丽美热|     发布日期: 2022-06-22 10:27

 

ٴوز حابارىمىز. ج ك پ ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى 6- ايدىڭ 21- كۇنى جاي جىگاڭ مەن ۋاڭ ياپيڭگە « 2-دارەجەلى عارىش ەڭبەك وردەنىن»، يە گۋاڭفۋعا « قاھارمان عارىشكەر » داڭقتى اتاعىن جانە « 3-دارەجەلى عارىش ەڭبەك وردەنىن » بەرۋ جونىندەگى قاۋلىنى جاريالادى. « قاۋلىنىڭ » تولىق ٴماتىنى مىناداي:

2021-جىلى 10-ايدىڭ 16-كۇنى شىنجوۋ 13-ٴنومىرلى عارىشقا ادام الىپ ۇشاتىن الەم كەمەسى ٴساتتى ۇشىرىلدى، عارىشكەر جاي جىگاڭ، ۋاڭ ياپيڭ، يە گۋاڭفۋ الەم كەمەسىنە وتىرىپ تيانحى وزەكتى بولمەسىنە ٴساتتى كىرىپ، 2 رەت عارىش بولمەسىنەن شىعۋ، 2 رەت عارىشتا ساباق ٴوتۋدى ۋاكىل ەتكەن ٴبىر قىدىرۋ جاڭالىق اشۋ سيپاتتى جانە تىڭ ٴورىس اشقان عىلمي سىناق پەن كەڭىستىكتەن پايدالانۋ مىندەتىن تابىسپەن ورىنداپ، وربيتادا 6 اي تۇرىپ، 2022-جىلى 4-ايدىڭ 16-كۇنى امان-ەسەن ورالدى. شىنجوۋ 13-ٴنومىرلى عارىشقا ادام الىپ ۇشۋ الەم كەمەسى عارىش پۋنكيتىنىڭ وزەكتى تەحنيكاسىن دالەلدەۋ كەزەڭىنىڭ شەشۋشى جەڭىسىنە قول جەتكىزۋ شايقاسىن، ادام الىپ ۇشاتىن الەم كەمەسىن تۇڭعىش رەت عارىش پۋنكيتىنە قاراي توقتاتۋ مىندەتىن ٴساتتى ورىنداپ، جۇڭگو عارىشكەرلەرىنىڭ وربيتادا جالعاستى ۇشۋ ۋاقىتىنىڭ جاڭا رەكوردىن جاراتىپ، كوپتەگەن شەشۋشى، وزەكتى تەحنيكالاردا كەلەلى تابىستارعا قول جەتكىزىپ، عارىش پۋنكيتىن سالۋدىڭ كەيىنگى جۇمىستارى مەن اينالىمعا تۇسۋىنە بەرىك نەگىز قالادى، بۇل جۇڭگونىڭ عارىش ىستەرىنىڭ جوعارى دەڭگەيلى عىلىم-تەحنيكاسىندا ٴوز كۇشىنە سۇيەنىپ، ٴوزىن الۋەتتەندىرۋدە تىڭ قادام تاستاعاندىعىن اڭعارتىپ، عارىش ىستەرىندەگى قۇدىرەتتى ەل قۇرۋدى تەزدەتىپ، تىڭ تابىستارعا قول جەتكىزىپ، ەلىمىزدىڭ جالپىلىق مەملەكەت قۋاتى مەن ۇلتتىڭ ۇيىسقىشتىق قۋاتىن جوعارىلاتىپ، بۇكىل پارتيانى، بۇكىل ارميانى، بۇكىل ەلدەگى ٴار ۇلت حالقىن ٴبىر نيەتپەن ىنتىماقتاسىپ، ۇدەرە العا تارتۋعا شابىتتاندىرىپ، قول ۇستاسا قۇلشىنىپ، بولاشاقتى بىرگە جاراتاتىپ، جاڭا داۋىردەگى جۇڭگوشا سوتسياليزمنىڭ تىڭ جەڭىسىنە ۇزدىكسىز قول جەتكىزۋدە كەلەلى ماڭىز الادى.

شىنجوۋ 13-ٴنومىرلى عارىشقا ادام الىپ ۇشۋ مىندەتىنىڭ تولىق تابىستى بولۋىنا قالىڭ عىلىم-تەحنيكا قىزمەتكەرلەرىنىڭ، عارىشكەرلەردىڭ، كادرلاردىڭ، جۇمىسشى-قىزمەتكەرلەردىڭ، ازاتتىق ارميا كوماندير-جاۋىنگەرلەرىنىڭ اقىل-پاراساتى مەن جۇرەك قانى سىڭدى. جاي جىگاڭ، ۋاڭ ياپيڭ، يە گۋاڭفۋ جولداستار سولاردىڭ كورنەكتى ۋاكىلى، ولار وتان ٴۇمىتىن اقتاۋدى، ىنتىماقتاسا سەلبەسۋدى مۇرات ەتىپ، دۇنيە جۇزىنە قۇدىرەتتى جۇڭگو رۋحىن، جۇڭگو قۋاتىن ايگىلەدى. جاي جىگاڭ جولداس عارىشقا ادام الىپ ۇشۋ مىندەتىن 2 رەت اتقارىپ، بۇيرىق بەرۋ باستىعى مىندەتىن وتەپ، 3 رەت عارىش بولمەسىنەن شىعۋ قيمىلىنا قاتىناسىپ، قازىر عارىش بولمەسىنەن شىعۋ قيمىلىنا ەڭ كوپ قاتىناسقان جۇڭگولىق عارىشكەرگە اينالدى. ۋاڭ ياپيڭ جولداس2 رەت زەڭگىر كوككە سامعاپ، « عارىش مىنبەسىندە ساباق بەرىپ »، جۇڭگونىڭ عارىش پۋنكيتىنە كىرىپ، تۇڭعىش رەت عارىش بولمەسىنەن شىعۋ قيمىلىنا قاتىناسقان ايەل عارىشكەرگە اينالدى. يە گۋاڭفۋ جولداس تىڭعىلىقتى جاتتىعۋ جاساپ، جاپالى سىناقتاردان سۇرىنبەي ٴوتىپ، داڭقپەن شىنجوۋ 13-ٴنومىرلى الەم كەمەسىنىڭ عارىشقا ۇشۋ گرۋپپاسىنا تاڭدالىپ، مىندەتتى تولىق ورىندادى. ولاردىڭ ەلىمىزدىڭ عارىشقا ادام الىپ ۇشۋ ىستەرىنە قوسقان ەلەۋلى ەڭبەگىن ماداقتاۋ ٴۇشىن، ج ك پ ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى جاي جىگاڭ، ۋاڭ ياپيڭ جولداسقا « 2-دارەجەلى عارىش ەڭبەك وردەنىن »، يە گۋاڭفۋ جولداسقا « قاھارمان عارىشكەر » داڭقتى اتاعىن جانە « 3 دارەجەلى عارىش ەڭبەك وردەنىن » بەرۋدى ۇيعاردى.

جاي جىگاڭ، ۋاڭ ياپيڭ، يە گۋاڭفۋ جولداستار اۋەلگى ماقساتتى ۇمىتپاي، بورىشتى ەستە بەرىك ساقتاپ، وسكەلەڭ ىسكە ٴوزىن ارناعان ٴداۋىر اتويشىسى، الەمدى بارلاپ، عارىش شىعۋ ارمانىن ورىنداعان، عارىش ىستەرىندەگى قۇدىرەتتى ەل قۇرۋدىڭ جاۋىنگەر ۇلگىسى. پارتيا ورتالىق كوميتەتى بۇكىل پارتيا، بۇكىل ارميا، بۇكىل ەلدەگى ٴار ۇلت حالقىن شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-قۇرىلتايى مەن پارتيا 19-كەزەكتى ورتالىق كوميتەتىنىڭ ٴار رەتكى جالپى ٴماجىلىسىنىڭ رۋحىن جاپپاي دايەكتىلەندىرىپ، ماداقتالعان عارىشكەرلەردى ۇلگى ەتىپ، «ەكىنى تۇراقتاندىرۋدىڭ» شەشۋشى ٴمانىن تەرەڭ ٴتۇسىنىپ « ٴتورت تانىمدى » كۇشەيتىپ، « ٴتورت سەنىمدى » بەكەمدەپ، « ەكىنى قورعاۋدى » ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ەرلىكپەن العا ۇمتىلىپ، العان بەتتەن قايتپاي، « ەكى بومبى، ٴبىر جاساندى سەرىك » رۋحى مەن عارىشقا ادام الىپ ۇشۋ رۋحىن بارىنشا ساۋلەلەندىرىپ، پارتيا 20-قۇرىلتايىنىڭ جەڭىسپەن اشىلۋىن ٴىس جۇزىندىك ارەكەتىمىزبەن قارسى الىپ، ەكىنشى 100 جىلدىق كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي-تالماي كۇرەس جۇرگىزۋگە ۇندەدى!


اۋدارعان: سەرىك راقىم ۇلى

中央广播电视总台 央广网 版权所有

ج ك پ ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى جاي جىگاڭ مەن ۋاڭ ياپيڭگە «2-دارەجەلى عارىش ەڭبەك وردەنىن»، يە گۋاڭفۋعا «قاھارمان عارىشكەر» داڭقتى اتاعىن جانە «3-دارەجەلى عارىش ەڭبەك وردەنىن» بەرۋ جونىندەگى قاراردى جاريالادى

ەكىنشى 100 جىلدىق كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي-تالماي كۇرەس جۇرگىزۋگە ۇندەدى!