ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

جۇڭگوداعى دەموكراتيالىق پارتيا-توپتار بىرلەسكەن مالىمدەمە جاريالاپ، ا ق ش پارلامەنتى قاۋىم پالاتاسىنىڭ باستىعى پەلەوسيدىڭ جۇڭگونىڭ تايۋان رايونىنا تىمىسكىلەپ بارعاندىعىن قاتاڭ جازعىردى

来源:جۇڭگو قازاق راديو تورابى     |责编:古丽美热|     发布日期: 2022-08-05 10:32
 
ٴوز حابارىمىز. جۇڭگو گومينداڭ توڭكەرىستىك كوميتەتىنىڭ ورتالىق كوميتەتى، جۇڭگو دەموكراتيالىق وداعىنىڭ ورتالىق كوميتەتى، جۇڭگو دەموكراتيالىق ەل قۇرۋ وداعىنىڭ ورتالىق كوميتەتى، جۇڭگو دەموكراتيانى ىلگەرىلەتۋ قوعامىنىڭ ورتالىق كوميتەتى، جۇڭگو شارۋالار-جۇمىسشىلار دەموكراتيالىق پارتياسىنىڭ ورتالىق كوميتەتى، جۇڭگو ادىلەت پارتياسىنىڭ ورتالىق كوميتەتى، 3-قىركۇيەك عىلمي قوعامىنىڭ ورتالىق كوميتەتى، تايۋان دەموكراتيالىق اۆتونوميا وداعىنىڭ ورتالىق كوميتەتى 8-ايدىڭ 4-كۇنى بىرلەسكەن مالىمدەمە جاريالادى. مالىمدەمە بىلاي دەلىندى: 8-ايدىڭ 2-كۇنى ا ق ش پارلامەنتى قاۋىم پالاتاسىنىڭ باستىعى پەلوسي جۇڭگونىڭ قاتاڭ سويلەسۋىن جانە باتىل قارسى تۇرۋىن ەلەمەي، جۇڭگونىڭ تايۋان رايونىنا تىمىسكىلەپ بارىپ، ٴبىر جۇڭگو پرينسيپىنە جانە جۇڭگو مەن ا ق ش-نىڭ ٴۇش بىرلەسكەن مازمۇنداماسىنداعى بەلگىلەمەلەرگە اۋىر قايشىلىق جاساپ، جۇڭگو-ا ق ش قاتىناسىنىڭ ساياسي نەگىزىنە اۋىر سوققى بەرىپ، جۇڭگونىڭ يەلىك ۇقىعى مەن تەرريتوريا تۇتاستىعىنا اۋىر سۇعاناقتىق جاساپ، «تايۋاندى دەربەستەندىرۋدى كوزدەيتىن» بولشەكتەۋشى كۇشتەرگە مۇلدە قاتە اڭىس بەردى. جۇڭگوداعى دەموكراتيالىق پارتيا-توپتار بۇعان باتىل قارسى تۇرادى، قاتتى كەكتەنەدى جانە قاتاڭ جازعىرادى.
 
 دۇنيەدە ٴبىر عانا جۇڭگو بار، تايۋان جۇڭگو تەرريتورياسىنىڭ ايرىلماس ٴبىر بولشەگى، جۇڭحۋا حالىق رەسپۋبليكاسى ۇكىمەتى بۇكىل جۇڭگوعا ۋاكىلدىك ەتەتىن بىردەن-ٴبىر زاڭدى ۇكىمەت. تايۋان ماسەلەسى جۇڭگونىڭ ىشكى ٴىسى، وعان ٴارقانداي سىرتقى كۇشتىڭ كيلىگۋىنە بولمايدى. ٴبىر مەزگىلدەن بەرى، ا ق ش ۇكىمەتى تايۋان ماسەلەسىندە تالاي رەت قاتە ٴسوز-ارەكەت قولدانىپ، ا ق ش پەن تايۋاننىڭ ۇكىمەت جاق بارىس-كەلىس دارەجەسىن ۇزدىكسىز جوعارىلاتىپ، «تايۋاندى دەربەستەندىرۋدى كوزدەيتىن» بولشەكتەۋشى كۇشتەردى ىرقىنا جىبەرىپ، قولداپ، «تايۋان ارقىلى جۇڭگونى شاۋجايلاۋعا» ۇرىنىپ، تايۋان بۇعازىنىڭ بەيبىتشىلىگى مەن ورنىقتىلىعىنا اۋىر زيان جەتكىزدى. پەلوسيدىڭ جۇڭگونىڭ تايۋان رايونىنا تىمىسكىلەپ بارۋى-ا ق ش پەن تايۋاننىڭ ۇكىمەت جاق بارىس-كەلىسىن جوعارىلاتۋداعى اۋىر ساياسي ارانداتۋشىلىق. تايۋان مينجىن پارتياسى بيلەۋشىلەرى «تايۋاندى دەربەستەندىرۋدى كوزدەيتىن» قاتە مايدانىندا قاسارىسىپ، سىرتقى كۇشتەرمەن ٴتىل بىرىكتىرىپ، بۇلىك تۋدىرىپ، «ا ق ش-نا سۇيەنىپ دەربەستىكتى كوزدەۋگە»، «92-جىلعى ورتاق تانىمدى» مويىنداۋدان باس تارتۋعا ۇرىنۋى تايۋاندى اپات قۇيىنا يتەرمەلەپ، قالىڭ تايۋاندىق باۋىرلاستارعا اۋىر اپات اكەلەدى. ٴبىز جۇڭگونى بولشەكتەۋ قاسكۇنەمدىگى مەن ارەكەتىنە باتىل قارسى تۇرامىز، ٴارقانداي سىرتقى كۇشتىڭ جۇڭگونىڭ بەيبىت بىرلىككە كەلۋ اياق الىسىنا كيلىگۋىنە باتىل قارسى تۇرامىز، ٴارقانداي ەلدىڭ ٴارقانداي تاسىلمەن تايۋان ماسەلەسىنە كيلىگۋىنە باتىل قارسى تۇرامىز.
 
جۇڭگوداعى دەموكراتيالىق پارتيا-توپتار جۇڭگوشا سوتسياليستىك ساياسي پارتيا رەتىندە، وتاندى قىزۋ سۇيەتىن جانە بەيبىتشىلىكتى سۇيەتىن داڭقتى داستۇرگە يە بولىپ، ەكى جاعالاۋ قاتىناسىنىڭ بەيبىت دامۋىن باستان-اياق قۇلشىنا ىلگەرىلەتىپ كەلەدى، مەملەكەتتىڭ يەلىك ۇقىعىنىڭ، حاۋىپسىزدىگىنىڭ، دامۋ مۇددەسىنىڭ باتىل قورعاۋشىسى. ٴبىز جۇڭگو ۇكىمەتىنىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋ ٴۇشىن قولدانعان بارلىق قاجەتتى شارالارىن باتىل قولدايمىز. 
 
وتاننىڭ بۇكىلدەي بىرلىككە كەلۋىن جۇزەگە اسىرۋ-بۇكىل جۇڭحۋا ۇلاندارىنىڭ ورتاق تىلەگى جانە قاسيەتتى بورىشى، جۇڭگو ۇكىمەتى مەن جۇڭگو حالقىنىڭ بەكىمى بولاتتاي بەرىك. وتان، ٴسوز جوق، بىرلىككە كەلۋى كەرەك ٴارى، ٴسوز جوق، بىرلىككە كەلەدى. بۇل ا ق ش-نىڭ جۇڭگوعا قارسى كەيبىر توڭمويىن كۇشتەرىنىڭ ەركىمەن وزگەرمەيدى، «تايۋان دەربەستىەندىرۋدى كوزدەتىن» بولشەكتەۋشى كۇشتەردىڭ قۇر قيالىمەن وزگەرمەيدى. تاريح اعىمىنا قارسى بولعان، جۇڭگونىڭ بۇكىلدەي بىرلىككە كەلۋىنە جانە جۇڭحۋا ۇلتىنىڭ ۇلى گۇلدەنۋىنە كەدەرگىلىك جاساعان ٴارقانداي ارەكەت، ٴسوز جوق، جەڭىلىسكە ۇشىرايدى. 
 
اۋدارعان: گۇلنۇر قابىلقاق قىزى
 

中央广播电视总台 央广网 版权所有

جۇڭگوداعى دەموكراتيالىق پارتيا-توپتار بىرلەسكەن مالىمدەمە جاريالاپ، ا ق ش پارلامەنتى قاۋىم پالاتاسىنىڭ باستىعى پەلەوسيدىڭ جۇڭگونىڭ تايۋان رايونىنا تىمىسكىلەپ بارعاندىعىن قاتاڭ جازعىردى

ٴارقانداي ەلدىڭ ٴارقانداي تاسىلمەن تايۋان ماسەلەسىنە كيلىگۋىنە باتىل قارسى تۇرامىز