ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

باس شۋجي شي جينپيڭنىڭ ماڭىزدى ٴسوزى قالىڭ زيالىلار مەن جاس وقۋشىلار اراسىندا كۇشتى اڭىس قوزعادى

来源:جۇڭگو قازاق راديو تورابى     |责编:古丽美热|     发布日期: 2022-08-05 10:36
 
باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ-تالقى كۋرسىندا سويلەگەن ماڭىزدى سوزىندە پارتيا مەن مەملەكەت ىستەرىنىڭ الداعى ٴبىر مەزگىلدەگى دامۋىنىڭ كەلەلى باعىت-ساياساتتارى مەن ارەكەت جوباسىن تەرەڭ بايىمداۋى قالىڭ زيالىلار مەن جاس وقۋشىلار اراسىندا كۇشتى اڭىس قوزعادى. كوپشىلىك مىنالاردى ٴبىلدىردى: باس شۋجي شي جينپيڭنىڭ ماڭىزدى ٴسوزىنىڭ رۋحىن مۇقيات ۇيرەنىپ، ٴتۇسىنىپ، قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جاساپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ تاراۋىن قۇلشىنا جازامىز.
 
 باس شۋجي شي جينپيڭ سوزىندە مىنالاردى اتاپ كورسەتتى: بۇكىل پارتيا، ٴسوز جوق، جۇڭگوشا سوتسياليزم ۇلى تۋىن بيىك ۇستاپ، ماركسيزمنىڭ جۇڭگوشالانۋىنىڭ، زامانالانۋىنىڭ ەڭ جاڭا جەتىستىكتەرىن جەتەكشى ەتۋگە تاباندى بولىپ، جۇڭگوشا سوتسياليزم جولى سەنىمىن، نازاريا سەنىمىن، ٴتۇزىم سەنىمىن، مادەنيەت سەنىمىن بەكەمدەپ، جۇڭحۋا ۇلتىنىڭ ۇلى گۇلدەنۋىنىڭ تاريحي بارىسىن تاباندىلىقپەن ىلگەرىلەتۋى كەرەك. كوپشىلىك بىلاي دەدى: «ەكىنى تۇراقتاندىرۋدىڭ» شەشۋشى ٴمانىن تەرەڭ ٴتۇسىنىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن ىلگەرىلەتۋگە تاباندى بولامىز. 
 
 ج ك پ ورتالىق كوميتەتى پارتيا مەكتەبىنىڭ (مەملەكەتتىك اكىمشىلىك شۋەيۋانىنىڭ) پروفەسسورى شين ميڭ بىلاي دەدى: ٴبىز ٴوزىمىزدىڭ دۇرىس جولىمىزبەن اناعۇرلىم باتىل ٴجۇرىپ، دۇرىس ىستەرىمىزدى ىستەپ، اسقاق جگەرمەن ىنتىماقتاسا العا باسۋىمىز كەرەك. وسى بارىستا ٴبىز «ەكىنى تۇراقتاندىرۋدىڭ» شەشۋشى ٴمانىن تەرەڭ ٴتۇسىنىپ، ونى «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدىڭ» يدەيالىق نەگىزى مەن ارەكەت سانالىلىعىنا اينالدىرۋىمىز كەرەك. 
 
 ج ك پ شاندۇڭ ولكەلىك كوميتەتى پارتيا مەكتەبىنىڭ وقىتۋ ىستەرىنە جاۋاپتى باستىعى لين شۋەچي بىلاي دەدى: «ەكىنى تۇراقتاندىرۋدا» ساياسيدى دارىپتەۋدى ٴتۇبىرلى ولشەم ەتىپ، ۇيتقىنى قاستەرلەۋ، ۇيتقىنى قولداۋ، ۇيتقىعا ىلەسۋ سانالىلىعىن ۇزدىكسىز كۇشەيتىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتە ۇيرەنۋگە، ناقتى تۇسىنۋگە، شىنايى تياناقتاندىرۋعا كۇش سالۋ كەرەك. 
 
 باس شۋجي شي جينپيڭ بىلاي دەپ باسا دارىپتەدى: جۇڭحۋا ۇلتىنىڭ ۇلى گۇلدەنۋى وڭاي-وسپاق جولمەن، قۇر ايعاي-سۇرەنمەن عانا جۇزەگە اسپايدى، ٴسوز جوق، كوپتەگەن جاڭا تاريحي ەرەكشەلىككە يە ۇلى كۇرەستەردى باتىلدىقپەن جۇرگىزىپ، اناعۇرلىم جاپالى، اناعۇرلىم ماشاقاتتى قۇلشىنىستار جاساۋعا دايىندالۋ كەرەك. جاس وقۋشىلار بىلاي دەدى: جاڭا ساپاردا جۇڭحۋا ۇلتىنىڭ ۇلى گۇلدەنۋى ٴۇشىن جاستىق كوكتەمىمىزدى ارناۋىمىز كەرەك.
 
 جازعى دەمالىس كەزىندە بەيجيڭ داشۋەسىنىڭ ماگيستر اسپيرانتى شياۋ رۇي فۋجياندا ستۋدەنتتەردىڭ پراكتيكالىق قيمىلى-«جەلكەن جايۋ جوسپارىنا» قاتىناستى. شياۋ رۇي بىلاي دەدى: باس شۋجي جۇڭحۋا ۇلتىنىڭ ۇلى گۇلدەنۋىنىڭ تاريحي بارىسىن تاباندىلىقپەن ىلگەرىلەتۋدى العا قويدى. ٴبىز ۇلتتىڭ گۇلدەنۋىن ٴوز مىندەتىمىز ەتۋگە تاباندى بولىپ، قوعامدىق ساباقحانادا ٴبىلىم الىپ، دارىندى بولىپ، ۇلەس قوسىپ، احىلاق، اقىل-وي، دەنە، ەستەتيكا، ەڭبەك جاعىنان جان-جاقتى جەتىلگەن سوتسياليزمنىڭ قۇرىلىسشىلارى مەن ٴىزباسارلارى بولۋىمىز كەرەك. 
 
 بەيجيڭ اۆياتسيا-عارىش داشۋەسى سەنىمدىلىك جانە جۇيەلى ينجەنەريا شۋەيۋانىنىڭ دوكتورانتى جاڭ يۋەيۋە بىلاي دەدى: جاڭا داۋىردەگى جاس رەتىندە، ٴبىز پارتيانىڭ سوزىنە قۇلاق اسۋ، پارتياعا ىلەسۋ سەنىمىمىزدى بەكەمدەپ، كاسىپتىك بىلىمدەردى بەرىلە ۇيرەنىپ، كۇرەس جۇرگىزۋگە، بوداۋ بەرۋگە باتىل بولىپ، جوعارى دەڭگەيدەگى عىلىم-تەحنيكادا ٴوز كۇشىنە سۇيەنىپ، ٴوزىن الۋەتتەندىرۋدى جۇزەگە اسىرۋعا جاستىق كوكتەمىمىزدى ارناۋىمىز كەرەك. 
 
 عىلىم-تەحنيكا قىزمەتكەرلەرى بىلاي دەدى: باس شۋجيدىڭ ماڭىزدى ٴسوزىنىڭ رۋحىن ىشكەرىلەي ۇيرەنىپ، ٴتۇسىنىپ، سەنىمدى بەكەمدەپ، ٴوز سالامىزدا ۇزدىكسىز جاڭالىق اشىپ، قامال الىپ، بيىك شىڭعا ەرلىكپەن شىعۋىمىز كەرەك. عارىش عىلىم-تەحنيكا توبى 5-مەكەمەسى كەڭىستىك بەكەتى جۇيەسى باس جوبالاۋشىسىنىڭ ورىنباسارى باي لينحۋ بىلاي دەدى: ٴبىز عارىشقا ادام الىپ ۇشۋ رۋحىن ۇزدىكسىز امالياتتا ايگىلەپ جانە ساۋلەلەندىرىپ، قىزمەت ورنىمىزدا ٴورىس اشا العا ىلگەرىلەپ، جۇڭگونىڭ كەڭىستىك بەكەتىن ويداعىداي باسقارىپ، ويداعىداي قۇرىپ، كەيىنگى اينالىم مىندەتتەرىنەن ويداعىداي پايدالانىپ، عارىش ىستەرىندەگى قۇدىرەتتى ەل قۇرۋعا اقىل-پاراساتىمىز بەن كۇش-قۋاتىمىزدى ارنايمىز. حىنان ولكەلىك اۋىل شارۋاشىلىق عىلىم اكادەمياسىنىڭ ورىنباسار باستىعى ۋي ۋىنشيڭ بىلاي دەدى: ٴبىز تۇقىم شارۋاشىلىعى عىلىم-تەحنيكاسىندا جاڭالىق اشۋ قىزمەتىن ويداعىداي ىستەپ، تۇقىم شارۋاشىلىعى عىلىم-تەحنيكاسىنىڭ العا باسۋىن بارىنشا ىلگەرىلەتىپ، استىق حاۋىپسىزدىگى اۋىر مىندەتىن ورنىقتى ارقالاۋعا، اۋىل-قىستاقتى گۇلدەندىرۋ ستراتەگياسىنىڭ اتقارىلۋىن ىلگەرىلەتۋگە ۇلەس قوسامىز.
 
اۋدارعان: گۇلنۇر قابىلقاق قىزى
 

中央广播电视总台 央广网 版权所有

باس شۋجي شي جينپيڭنىڭ ماڭىزدى ٴسوزى قالىڭ زيالىلار مەن جاس وقۋشىلار اراسىندا كۇشتى اڭىس قوزعادى

استىق حاۋىپسىزدىگى اۋىر مىندەتىن ورنىقتى ارقالاۋعا، اۋىل-قىستاقتى گۇلدەندىرۋ ستراتەگياسىنىڭ اتقارىلۋىن ىلگەرىلەتۋگە ۇلەس قوسامىز