ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

شىعىس بولەك سوعىس رايونى اسكەري كۇشتەردى ۇيىمداستىرىپ تايۋان ارالىنىڭ توڭىرەگىندەگى تەڭىز كەڭىستىگىندە ناقتى سوعىستىق جاتتىعۋ جۇرگىزدى

来源:جۇڭگو قازاق راديو تورابى     |责编:古丽美热|     发布日期: 2022-08-05 11:15
 
ٴوز حابارىمىز. شىعىس بولەك سوعىس رايونى 8-ايدىڭ 4-كۇنى قۇرلىق، تەڭىز، اۋە، راكەتا ارمياسى سياقتى كوپ ٴتۇرلى اسكەري كۇشتەردى ۇيىمداستىرىپ، تايۋان ارالىنىڭ توڭىرەگىندەگى تەڭىز كەڭىستىگىندە بۇرىن بولىپ كورمەگەن كولەمدى ناقتى سوعىستىق مانەۆر جاتتىعۋىن ورىستەتىپ، بەلگىلەنگەن تەڭىز ايدىنىندا الىس ارالىقتى وت كۇشى مەن داعدىلى باسقارىلمالى بومبى وت كۇشىن ىستەتىپ شىن وقپەن اتقىلاۋ مانەۋەر مىندەتىن ٴساتتى ورىندادى. 
 
8-ايدىڭ 4-كۇنى تۇستەن بۇرىن، سوعىس مىندەتىن تاپسىرىپ العاننان كەيىن، شىعىس بولەك سوعىستىق رايونى قۇرلىق ارمياسىنىڭ بەلگىلى زەڭبىرەكشى اسكەرلەر يىڭىنىڭ مىندەت اتقارۋ وڭىرىندە، كوپتەگەن جاڭا تۇرپاتتى الىس ارالىقتى ساندىق فورمالى زەڭبىرەك بۇيرىق بويىنشا راكەتا شەبىنە قاراي جىلجىتىلدى، نىسانا اتۋ وڭىرىنە جەتكەننەن كەيىن، بولىمشە اترەت راكەتا بومبى قۇراستىرۋ، نىسانا اتۋ سياقتى ناقتى وق اتۋ دايىندىعىن تەز ارادا ورىندادى.
 
قولباسشىنىڭ بۇيرىق تۇسىرۋىمەن، كوپتەگەن زەڭبىرەك وعى نىسانالى تەڭىز ايدىنىنا اتىلدى، نىساناعا ٴدال دارىدى.
 
8-ايدىڭ 4-كۇنى شىعىس بولەك سوعىستىق رايونىنداعى اۋە ارمياسى مەن شىعىس بولەك سوعىستىق رايونىنداعى تەڭىز ارمياسىنىڭ اۋە اسكەرلەرى 100 دەن استام جويىمپاز ايروپلان، بومبىلاۋشى ايروپلان سياقتى كوپ ٴتۇرلى سوعىس ايروپلاندارىن اتتاندىردى، بۇل ايروپلاندار شەپ جايا ۇشىپ، تايۋان ارالىنىڭ سولتۇستىك، باتىس وڭتۇستىك، شىعىس وڭتۇستىك اۋە كەڭىستىگىنە بارىپ، كۇندىز ـ ٴتۇنى بىرلەسىپ بارلاۋ جۇرگىزۋ، اۋەدە تۇتقيىل شابۋىلداۋ، كومەك كورسەتۋ، قورعاۋ سياقتى مىندەتتەردى اتقارىپ، ٴىرى ايروپلان شوعىرىن اتتانىسقا كەلتىرۋ، ۇزاق ۋاقىت ۇزدىكسىز اۋە كەڭىستىگىن مەڭگەرۋ، جوعارى كۇشەمەلىلىكپەن ٴدال سوققى بەرۋ سياقتى سوعىس جۇرگىزۋ قابىلەتىن جالپى بەتتىك تەكسەرىپ سىناقتان وتكىزدى. 
 
سونىمەن بىرگە، 10 نەشە قورعاۋشى كەمە تايۋان ارالىنىڭ توڭىرەگىندەگى تەڭىز ايدىنىندا ٴۇرتىس ٴجۇزىپ، بىرلەسىپ قۇرساۋلاۋ، مەڭگەرۋ قيمىلدارىن اتقاردى، وت كۇشى سىناق رەتىندە اتىلاتىن وڭىرلەردە تەڭىزشارلاپ ساقتىڭ ەسكەرتۋ بەرۋ، قاناتتاس اسكەري كۇشتەرگە سايكەسىپ بارلاۋ جۇرگىزۋ، جەتەكشىلىك ەتۋ مىندەتتەرىن ورىندادى. 
 
8-ايدىڭ 4-كۇنى تۇستەن كەيىن ساعات 3 تەن اسقاندا، شىعىس بولەك سوعىس رايونىنداعى راكەتا اسكەري بولىمدەرى تايۋان ارالىنىڭ شىعىس بولەگىندەگى سىرتقى تەڭىزگە الدىن الا بەلگىلەنگەن تەڭىز ايدىنىنا كوپ ٴوڭىر، كوپ تۇرپاتتاعى وت كۇشى قارۋلارىمەن تۇتقيىل شابۋىل جاساۋ مانەۋەرىن وتكىزدى، باسقارىلمالى بومبىنىڭ بارلىعى نىسانالى وڭىرگە ٴدال ٴتۇسىپ، ٴدال سوققى بەرۋ جانە وڭىرلىك الدىن الا تەجەۋ قابىلەتى ناقتىلى سوعىستىق سىننان ٴوتتى.
 
 
اۋدارعان: قاناتبەك جۇماباي ۇلى
 
 

中央广播电视总台 央广网 版权所有

شىعىس بولەك سوعىس رايونى اسكەري كۇشتەردى ۇيىمداستىرىپ تايۋان ارالىنىڭ توڭىرەگىندەگى تەڭىز كەڭىستىگىندە ناقتى سوعىستىق جاتتىعۋ جۇرگىزدى

قولباسشىنىڭ بۇيرىق تۇسىرۋىمەن، كوپتەگەن زەڭبىرەك وعى نىسانالى تەڭىز ايدىنىنا اتىلدى، نىساناعا ٴدال دارىدى