ءبىرىنشى توقساندا ەلىمىزدىڭ تەمىرجول تۇراقتى مۇلكىنە 124 ميلليارد 800 ميلليون يۋان قارجى قوسىلدى
来源:جۇڭگو قازاق راديو تورابى |责编：达吾力别克 | 发布日期: 2024-04-18 13:04
ءوز حابارىمىز. ءتىلشىنىڭ مەملەكەتتىك تەمىر جول توبىنان ۇعىسۋىنشا، ءبىرىنشى توقساندا ەلىمىزدىڭ تەمىرجول تۇراقتى مۇلكىنە 124 ميلليارد 800 ميلليون يۋان قارجى قوسىلىپ، وتكەن جىلدىڭ ۇقساس مەزگىلىندەگىدەن %9.9 ارتقان. مەملەكەتتىك «14-بەسجىلدىق» جوسپارعا ەنگىزىلگەن ءبىر توپ ءتۇيىندى تەمىرجول قۇرىلىسى نىساندارىندا بەلسەندى ىلگەرىلەۋشىلىكتەر قولعا كەلدى.
ءبىرىنشى توقساندا شاڭحاي-چۇڭچيڭ-چىڭدۋ جوعارى قارقىندى تەمىر جولىنىڭ حىفىيدان ۋحانعا دەيىنگى بولەگى، جاڭجوۋدان شانتوۋعا دەيىنگى جوعارى قارقىندى تەمىر جول، پيڭ لياڭنان چيڭ ياڭعا دەيىنگى تەمىر جول، ۋىنشاننان مىڭ زىعا دەيىنگى تەمىر جول سياقتى ءبىر توپ جاڭا لەنيالار، نيڭبودان جوۋشانعا دەيىنگى تەمىر جولدىڭ فۋ چىمىن كوپىرى سياقتى ءتۇيىندى ينجەنەريالاردا قۇرىلىس باستالدى.
شاڭحاي-سۋجوۋ-حۋجوۋ تەمىر جولىنىڭ، چۇڭچيڭ-كۇنميڭ جوعارى قارقىندى تەمىر جولىنىڭ چۇڭچيڭنەن يبينگە دەيىنگى بولەگىنە تۇتاس لەنيا بويىنشا رەليس جاتقىزىلا باستادى، لانجوۋ-جاڭ يە جوعارى قارقىندى تەمىر جولىنىڭ لانجوۋدان ۋ ۋيعا دەيىنگى بولەگىندە بىرلەسىپ رەتتەۋ، بىرلەسىپ سىناق ەتۋ جۇمىستارى باستالدى، چىجوۋدان حۋاڭشانعا دەيىنگى جوعارى قارقىندى تەمىر جول سىناق رەتىندە ىسكە قوسىلدى جانە ىسكە قوسۋ ازىرلىكتەرى جاسالدى.
مەملەكەتتىك تەمىر جول توبى كەلەسى قادامدا وزەن-تەڭىز جاعالاۋلارىنداعى جوعارى قارقىندى تەمىر جول، باتىس بولەكتەگى قۇرلىق-تەڭىز جاڭا ارناسى سياقتى ءتۇيىندى نىساندار مەن زات اينالىمى نەگىزدىك قۇرىلعىلار قۇرىلىسىن بەلسەنە جەبەپ، وڭىرلەردىڭ ءوزارا بايلانىسىن ىلگەرىلەتەدى. تەمىر جول قۇرىلىسىنا قارجى قوسۋدىڭ تۇرتكىلىك رولىن تولىق ساۋلەلەندىرىپ، ەكونوميكانىڭ قايتا جاندانۋ جاعدايىن ونان ارى بەكەمدەيدى.
اۋدارعان: امانتاي مۇسايىپ ۇلى
