ءوز حابارىمىز. مەملەكەتتىك كەڭەستىك اقپارات كەڭسەسى 4-ايدىڭ 18-كۇنى اقپارات جاريالاۋ ءماجىلىسىن اشىپ، جىل باسىنان بەرى، فينانىستىڭ ناقتى ەكونوميكانى قولداۋ تەبىنى ورنىقتى ارتىپ، اتقارىلىپ جاتقان بىر سىپىرا اقشا ساياساتتاردىڭ رولى كورنەكتىلەنىپ، حالىق ەكونوميكاسىنىڭ ءۇرتىس قالپىنا كەلۋىنە دەمەۋ بولىپ، جاقسى باستامالار بەلەڭ بەرگەندىگىن ايتتى.

 

 بيىل ءبىرىنشى توقساندا ءبىر قىدىرۋ اقشا ساياساتى شارالارى بىرتىندەپ رولىن ساۋلەلەندىرىپ، ءبىرشاما جاقسى ونىمدىلىككە قول جەتكىزىپ، ەلىمىزدىڭ فينانس جالپى مولشەرى ورنىقتى ارتتى. 3-ايدىڭ سوڭىنداعى قوعامدىق قارجى قۇراۋ كولەمىنىڭ ارتۋ قارقىنى %8.7 بولىپ، 1-توقساندا جاڭادان ارتقان قوعامدىق قارجى قۇراۋ كولەمى 12 تريلليون 900 ميلليارد يۋان بولدى؛ (كەڭ ماعىناداعى اقشا ۇسىنىلىم مولشەرىنىڭ) ارتۋ قارقىنى %8.3 بولىپ، 1-توقساندا ءبىر تريلليون 250 ميلليارد يۋان ارتتى، حالىق اقشاسىمەن تاراتىلعان قارىز اقشا قالدىق سوماسىنىڭ ارتۋ قارقىنى %9.6 بولىپ، 1-توقساندا 9 تريلليون 500 ميلليارد يۋان ارتتى. وسى ساندى مالىمەتتەر فينانستىڭ ناقتى ەكونوميكانى قولداۋ تەبىنىنىڭ بەكەمدەلگەندىگىن ايگىلەدى. بۇدان سىرت، بيىل ءبىرىنشى توقساندا قارجى قۇراۋدىڭ وزىندىك قۇنى دا ورنىقتى تومەندەدى.

 

 جۇڭگو حالىق بانكەسىنىڭ ورىنباسار باستىعى، مەملەكەتتىك شەتەل اقشاسىن باسقارۋ مەكەمەسىنىڭ باستىعى جۋ حىشين بىلاي دەدى: ءبىرىنشى توقساندا كاسىپورىنداردىڭ جاڭادان تاراتقان قارىز اقشاسىنىڭ ءوسىم مولشەرى %3.75 بولىپ، وتكەن جىلدىڭ ۇقساس مەزگىلىندەگىدەن 0.22 پايىز تومەندەدى؛ اسىرەسە، جاڭادان تاراتىلعان جەكەلەردىڭ تۇرعىن ءۇي قارىز اقشاسىنىڭ ءوسىم مولشەرى %3.71 بولىپ، وتكەن جىلدىڭ ۇقساس مەزگىلىندەگىدەن 0.46 پايىز تومەندەدى.

 

 مەملەكەتتىك شەتەل اقشاسىن باسقارۋ مەكەمەسىنىڭ ورىنباسار باستىعى، اقپارات مالىمدەمەشىسى ۋاڭ چۇنيىڭ بىلاي دەدى: شەتەل اقشاسى زاپاس كولەمى نەگىزىنەن ورنىقتى بولدى.بيىل 3-ايدىڭ سوڭىنا دەيىن ەلىمىزدىڭ شەتەل اقشاسى زاپاس قورى كولەمى 3 تريلليون 245 ميلليارد 700 ميلليون امەريكا دوللارى بولىپ، 2023-جىلدىڭ سوڭىنداعىدان 7 ميلليارد 700 ميلليون امەريكا دوللار ارتتى.

 

اۋدارعان: نازار ءارىپ ۇلى