ءباتيما بادەلقان قىزى  حابارلايدى. مامىر ايىنىڭ سوڭعى كۇندەرى، شىڭگىل اۋدانى سارتوعاي جاتاقتى مەكتەبىنىڭ دەمالىسقا شىققان باسشىلارى ءجانىمقان، جىگەر،  بيزادا قاتارلى ۇستازداردىڭ ۇيىمداستىرۋى جانە قازىرگى مەكتەپ باستىعى ىرىسبەك، ياچەيكا سەكراتارى لي شۋەشياڭ قاتارلى جولداستاردىڭ تىعىز سەلبەسۋىمەن، پارتيا قۇرىلعاندىعىنىڭ 100جىلدىعىن قۇتتىقتاۋ قيمىلى وزدىرىلدى.

بۇل قيمىلعا مەكتەپ قۇرىلعاننان قازىرگە دەيىنگى قارت باسشىلار، پەنسيونەر ۇستازدار جانە ءبىر ءبولىم جاس وقىتۋشىلار قاتىناسىپ، قيمىل مازمۇنى مەكتەپ اۋلاسىن كوزدەن كەشىرۋ، مەكتەپ تاريحىن، پارتيا تاريحىن سويلەۋدى نەگىز ەتتى.

قيمىلدا 93 جاستاعى قارت ۇستاز، كونە  باسشى قانىكەش  مۇعالىم جولداستارىنىڭ سۇيەمەلدەۋىمەن مەكتەپ اۋلاسىن جاياۋ  تولىق ارالاپ، جاستارعا قاجىر قايرات جاعىنان دا، مەيىر ماحاببات، وتانشىلدىق سۇيىسپەنشىلىك  جاعىنان دا ءوز ارەكەتى ارقىلى ۇلگى بولدى. قانىكەش مۇعالىم مەكتەپ اۋلاسىن كوزدەن كەشىرگەننەن كەيىن مەكتەپتىڭ جاڭا بەت بەينەسىن كورىپ  قاتتى رازى بولىپ كوزىنە ىستىق  جاس الىپ بىلاي دەدى:  

”پارتيانىڭ باسشىلىعىندا  مەكتەپ اۋلاسى شىت جاڭا بەينەگە ەنىپتى، ماعان بۇگىن  ءبىر تاريح ەلەستەپ ءوتتى،   مىنا قاباتتى وقىتۋ ۇيلەرى مەن جاتاقحانا بينالارىن كورگەندە، ءبىز قىزمەت ىستەگەن سوناۋ جىلدارداعى قولمەن سوعىلعان تام كلاستار كوز الدىما كەلدى،   بۇگىنگى دامۋشىلىقتىڭ ءبارى پارتيانىڭ ابزال ساياساتىنىڭ ارقاسى، ۇرپاقتار ءسوز جوق، پارتيا ءسوزىن تىڭداپ، پارتياعا ىلەسىپ، حالىق ءۇشىن قۇلشىنا قىزمەت ىستەۋى كەرەك! “

بۇل رەتكى قيمىل بارىسىندا بادەلقان، قابدوللا،  ءمىنايقان قاتارلى كونە باسشىلار مەكتەپ تاريحىن جاپپاي اڭگىمە ەتىپ، مەكتەپ تاريحى مەن پارتيا تاريحىن بىرلەستىرىپ، جاستارعا اسەرلى اڭگىمەلەر شەرتىپ، تاماشا تاربيەلىك اسەر  قالدىردى.

قيمىل سوڭىندا،  سارتوعاي جاتاقتى مەكتەپ پارتيا ياچەيكاسى اتىنان قارت ۇستازدارعا پارتيا قۇرىلعاندىعىنىڭ 100جىلدىعىن قۇتتىقتاۋ ەستەلىك بۇيىمى ۇسىنىلدى.