«جاستۇلەكتەن» جاڭاشا جارناما
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىلبەك | جاڭالانعان ۋاقىت:2013-12-04 16:21:00

    بولات قاڭتارباي ۇلى

 

( «ج» ءارپىنىڭ جەتەگىمەن جازىلعان الليتەراتسيا )


    جاڭا جىل جالپى جولداستارعا جاڭالىق جاراتىپ، جۋرنالعا جۋىق جۇرگەن جاستاردى جاقسىلىققا جەتكىزسىن. جىلىستاعان جىلان جىلىنىڭ جەلتوقسانى جەتىپ، جورعالاعان جىلقى جىلى جاناسالاپ جاقىنداعاندا، جۋرنالعا جازىلۋ جۇمىستارىن جاقسى جۇرگىزەيىك. جەتكىنشەكتەر جاقىننان جاردەمدەسىپ، «جاستۇلەك» جۋرنالىنا جاقسى جازىلعاندارى؛ جازعان جاڭاشا جانرلارىن جانكۇيەر جولداسى «جاستۇلەككە» جولداعاندارى؛ جۇرەكتەرى جىرعاپ، جاندارى جادىراپ، جالپى جارىسا «جاستۇلەكتى» جىرلاعاندارى ءجون. جەتكىنشەكتەر جۋرنالى «جاستۇلەكتىڭ» جالپى جەمىستى جۇرگەن جولدارىن جانرعا جىكتەپ، جاڭعىرتا جىرلاۋدىڭ جۇرەك جاردى جاڭاشا جارناماسىن جاريالاساق:


    (1) جارقىراعان جاۋھارىن جالپى جاستارعا جاڭبىرشا جاۋدىرىپ، جەتكىنشەكتەردىڭ جان جولداسىنا، جاقىن جاناشىرىنا، جانە جاۋىنگەر جارشىسىنا جان- جاقتىلى جاراپ جاتقان جالپىلىق جۋرنال _ «جاستۇلەك».


    (2) جوعارىنىڭ جارلىقتارىن جالپاق جۇرتقا جاپپاي جاريالاپ، جاسقانشاق جاستاردىڭ جىگەرىن جەتىلدىرۋ، جاڭىلعان جاستاردىڭ جولىن جارىقتاندىرۋ جانە جەلپىنگەن جاستاردى جاڭالىق جاراتۋعا جەبەۋ جولىنداعى ءجون- جوبالاردى جاسامپازدىقپەن جوسپارلى جۇرگىزىپ جاتقان جارقىن جۋرنال _ «جاستۇلەك». 


    (3) جۇزدەرى جايدارى، جاندارى جايساڭ جۇڭحۋانىڭ جالىندى جاس جەتكىنشەكتەرىنىڭ جۇيەلى جەتىلۋىنە جۇعىمدى جەمىستەر جيىپ، جۇڭگونى جانە جالپى جەر ءجۇزىن ءجانناتتاي جايقالدىرۋ جۇمىسىنا جاستىق جالىنىن جانقيارلىقپەن جۇمساپ جاتقىن جاۋىنگەر جۋرنال _ «جاستۇلەك». 


    (4) جازىقسىز جاندارعا جالعان جالا جاباتىن جادىگوي جاۋىزداردى جانە جالعاندى جالپاعىنان جالماۋعا جانتالاسقان جىرتقىش جەندەتتەردى جەرىنە جەتە جوياتىن جۇڭحۋانىڭ جۇرەكتى، جىگەرلى، جەڭىمپاز جاستارىنىڭ جالعاستى جەتىلۋىنە جاقىننان جاردەم جاساپ جاتقان جالىندى جۋرنال _ «جاستۇلەك». 


    (5) جەڭىلتەكتىكپەن جولىنان جازىپ جاماندىقتى جۇقتىرعان، جۇتىمدىقتى جاعالاپ جيرەنىشتى جاعدايلارعا جولىققان جالعىز- جارىم جۇگەنسىز جاستاردى جاقسى جولعا جەتەلەۋ جانە جابىرلەنگەن جابىرقاڭقى جاستاردىڭ جانىن جادىراتۋ جاعىندا جان جىلۋىن جوسىلتا جەتكىزىپ جاتقان جاناشىر جۋرنال _ «جاستۇلەك». 


    (6) جەتكىنشەكتەردى جازۋشىلىققا جەتەلەپ، جاڭادان جازعان جورگەكتى جانرلارىن جىڭىشكەلىكپەن جىلىكتەپ، جاۋاپكەرشىلىكپەن جوندەپ، جارامدىسىن جاريالاپ جاتقان جانە جىراقتاعى جاستى جولداستارىنىڭ جازعان جاعىمدى جانرلارىن جۇرەكتەرىنە جالعاپ، جالپى جاستاردان جۇلدەلى جۇيرىك جاراتۋعا جالىقپاي جۇگىرىپ جاتقان جاسامپاز جۋرنال _ «جاستۇلەك». 


    (7) جۇمىر جەردە جاساپ جاتقان جازۋشى، جىرشى، جىراۋلاردىڭ جازعان جىرلارىن، جۇمباقتارىن، جارنامالارىن، جاڭىلتپاشتارىن، جاڭالىقتارىن جانە جان- جاقتىلى جازىلعان جارامدى جانرلارىن جىلدان- جىلعا جالعاستىرا جاريالاپ، جارقىراعان جاھۇتىن جالپى جەتكىنشەك جاستارعا جارىلقاي جاۋدىرىپ جاتقان جومارت جۋرنال _ «جاستۇلەك». 


    (8) جاستاردى جاسامپازدىقپەن جاڭالىق جاراتۋعا، جاراتىلىستىڭ جاسىرىن جۇمباقتارىنا جاپاكەشتىكپەن جورىق جاساۋعا، جالامانىڭ جيدەگىن جۇرەكتىلىكپەن جۇلىپ جەۋگە جىگەرلەندىرىپ جاتقان جانە جىلعادان جون- جوتاعا، جيھاننان جىراقتاعى جۇلدىزعا جەلماياداي جۇيتكىپ، جالعاننىڭ جۇماعىنا جىلدام جەتۋگە جەلپىندىرىپ جاتقان جەبەۋشى جۋرنال _ «جاستۇلەك». 


    (9) جۇڭگونى جانتۇرشىگەرلىكتەي ءجانىشتاپ، جورگەگىندە جۇتىپ جىبەرۋگە جەلىككەن جيانگەرلەردى جانە جەكسۇرىن جيانگەرلەردىڭ جۇڭگوداعى جاعىمپاز جاندايشاپتارىن جەر جاستاندىرا جايراتىپ، جۇڭگو جالاۋىن جالپى جەر جۇزىنە جوعارىدان جەلبىرەتكەن جۇڭحۋانىڭ جەڭىمپاز جۇرتشىلىعىن جەتكىنشەكتەرگە جاندى جىرلاپ جاتقان جارشى جۋرنال _ «جاستۇلەك»... 


    جوعارىداعىلاردى جالپىلاي جيناقتاساق، «جاستۇلەك» _ جۇڭگونىڭ جاسىل جەلەك جامىلعان جازيرالى جايلاۋىنىڭ جايقالعان جاپىراعى؛ جادىراتقىش جۇپارىن جاستارعا جان- جۇيەسىمەن جارىلقاي جايعان جون- جوتانىڭ جاعىمدى جۋسانى؛ جەتىم، جارىمجان، جابىرقاڭقى جاستاردى جىلى جۇزبەن جۇباتىپ، جان جاراسىن جازاتىن جاعالاۋدىڭ جاسارتقىش جالبىزى؛ جۇلدەلى جاستاردىڭ جولىنان جازباي جالعاستى جوعارى جۇگىرەتىن جەلبىرەگەن جالاۋى؛ جوڭكىلگەن جويقىن جىلۋىن جانە جوسىلعان جومارت جارىعىن جايناتا جاۋدىرعان جاستاردىڭ جانارلى جۇلدىزى... 


    ءجا، جاۋدىراعان جەتكىنشەك جاس جولداستار، «جاتقانعا جان جۋىماس، جۇرگەنگە جورگەم جولىعار». جالقاۋلىققا جەگىلمەي، جۋاستىققا جۇگىنبەي، جوعارعى جاقتىڭ جارقىن جەتەكشىلىگىندە، جۇكتەلگەن جۇمىستاردى جاۋاپكەرشىلىكپەن جۇرگىزىپ، جۇڭحۋانى جايقالدىرۋعا جابال جۇمىلىڭدار. جارمەڭكەنى جان- جاقتان جانداندىرىپ، جۇڭگونىڭ جىبەك جولىن جالپى جەر- جاھانمەن جالعاستىرۋعا جاستىق جىگەرلەرىن جۇمساپ جاتقان جامپوز جاستاردى «جاستۇلەكتەن» جارىسا جىرلاڭدار. جالپىلىق جۋرنال «جاستۇلەكتىڭ» ءجون- جوسىعىندا جالعاستى جاقسىلىقتان جاقسىلىققا، جەڭىستەن جەڭىسكە جەتىڭدەر! 


    جالپى جاراندار، جەتكىنشەكتەر جۋرنالى «جاستۇلەكتى» جىرلايىق! جۋرنالعا جاقسى جازىلعان جاڭاشا جانرلار جولدايىق! جۋرنالعا جازىلۋ جۇمىسىن جاندى جۇرگىزىپ، جالپى جارىسا «جاستۇلەككە» جازىلايىق! جەتكىنشەكتەردىڭ جان جولداسى «جاستۇلەك» _ جاس جۇرەك.