جاۋ لىجي ىشكى موڭعۇلدا تەكسەرۋ ـ زەرتتەۋ جۇرگىزدى
ٴوز حابارىمىز. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ٴتارتىپ تەكسەرۋ كوميتەتىنىڭ شۋجيى جاۋ لىجي9- ايدىڭ 15-كۇنىنەن 17-كۇنىنە دەيىن ىشكى موڭعۇلدا تەكسەرۋ-زەرتتەۋ جۇرگىزدى. ول مىنالاردى باسا دارىپتەدى: ٴتارتىپ تەكسەرۋ، باقىلاۋ ـ تەكسەرۋ ورگاندارى باس شۋجي شي جينپيڭنىڭ «1 ـ شىلدەدەگى» ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، « 4 تانىمدى كۇشەيتىپ »، «4 سەنىمدى بەكەمدەپ»، «ەكىنى قورعاۋدى» ورىنداپ، ادالدىقپەن مىندەت اتقارىپ، جاۋاپكەرشىلىكتى ادا ەتىپ، شىندىقتى ٴىس جۇزىنەن ىزدەپ، تۋراشىلدىقتان جازباي، جاڭالىق اشىپ، جاڭا داۋىردەگى ٴتارتىپ تەكسەرۋ، باقىلاۋ ـ تەكسەرۋ قىزمەتىنىڭ جوعارى ساپالى دامۋىن ۇزدىكسىز ىلگەرىلەتۋى كەرەك.
جاۋ لىجي حۋلۇنبەر قالاسى چىنبارحۋ اۋدانى حۋحىۋىندور قستاعىنداعى مالشىلار وتباسىنا جانە پارتيا مۇشەلەرى مەن بۇقارالاردىڭ قيمىل ورتالىعىنا بارىپ، مالشىلاردىڭ جايلىم، باعىمشىلىق، اۋرۋ كورسەتۋ، قارتتاردى كۇتىمدەۋ، جىلۋمەن قامداۋ سياقتى جاعدايلارىن ەگجەي - تەگجەيلى ۇعىستى. پارتيا، قىستاق ىستەرىن جاريا ۇستاۋ جانە اۋىل شارۋاشىلىعىنا، مال شارۋاشىلىعىنا تيىمدىلىك جاساۋ ساياساتىنىڭ تياناقتانۋ احۋالى جانە نەگىزگى ساتىداعى كادرلار مەن بۇقارانىڭ ۇسىنىس - پىكىرىن تىڭدادى. ول مىنارلاردى دارىپتەدى : ٴتارتىپ تەكسەرۋ، باقىلاۋ ورگاندارى شي جينپيڭنىڭ ەكولوگيالىق وركەنيەت يدەياسىن تياناقتاندىرۋ جاعدايىنا قۇزاۋ سالىپ، ەگىنشى، مالشىلاردىڭ تۇلعالىق رولىن ساۋلەلەندىرىپ، كورىكتى اۋىل-قىستاقتى بىرگە قۇرۋعا؛ ورتالىقتىڭ ۇلت قىزمەتى ٴماجىلىسىنىڭ رۋحىن ٴامالياتتا تياناقتاندىرىپ، ٴار ۇلت كادرلارى مەن بۇقاراسىنىڭ جۇڭحۋا ۇلتى ورتاق تۇلعا تانىمىن بەرىك ورناتۋىن جەبەپ، زەيىن ـ زەردەنى، كۇش ـ قۋاتتى شوعىرلاندىرىپ، جاڭا ٴداۋىردىڭ جاڭا جورىعىندا بىرگە العا باسۋعا قۋزاۋ سالادى؛ بۇقارانىڭ ماڭايىنداعى شىرىكتەسۋ مەن بۇرىس ستيلدەردى ۇزدىكسىز جونگە سالىپ، ٴىس جۇزىندىكتى شىعار ٴتۇيىن ەتۋگە تاباندى بولىپ، قانداي ماسەلە كورنەكتى بولسا، سول ماسەلەنى ٴتۇيىندى تۇردە شەشۋى كەرەك.
اۋدارعان: سەرىك راقىم ۇلى
