حان جىڭ حى يچىڭمەن كەزدەستى
ٴوز حابارىمىز. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ 9-ايدىڭ 17-كۇنى تۇستەن بۇرىن جۋحايدا حىڭچين گۋاڭدۇڭ ـ اۋمىن ىشكەرىلەي سەلبەستىك رايونىن باسقارۋ قۇرىلىمىنىڭ ماڭدايشالىق اسۋ سالتىنا قاتىناسۋعا بارعان اۋمىن ەرەكشە اكىمشىلىك رايونىنىڭ اكىمى حى يچىڭمەن كەزدەستى.
حان جىڭ اۋمىن ەرەكشە اكىمشىلىك رايونى ۇكىمەتىنىڭ تاياۋدان بەرگى قىزمەتتەرىن تولىق تۇراقتاندىرىپ، اۋمىن ەرەكشە اكىمشىلىك رايونى 7 - كەزەكتى زاڭ شىعارۋ كەڭەسى سايلامىنىڭ زاڭ بويىنشا ٴساتتى وتكىزىلگەندىگىن قۇتتىقتاي كەلە بىلاي دەدى: بۇل رەتكى سايلام تولىق تابىستى بولدى، « وتانشىلداردىڭ اۋمىندى باسقارۋى » پرينسيپى تولىق ايگىلەندى، بۇل اۋمىن ەرەكشەلىگىندەگى « ٴبىر ەل، ەكى ٴتۇزىمنىڭ » تابىستى امالياتى. حىڭچين گۋاڭدۇڭ ـ اۋمىن ىشكەرىلەي سەلبەستىك رايونىنىڭ وزەكتى بورىشى-اۋمىن ەكونوميكاسىنىڭ ۇيلەسىمدى الۋاندانۋىن جەبەۋ بولىپ، اۋمىننىڭ ەكونوميكالىق، قوعامدىق دامۋىنا كەڭ ٴورىس اشىپ، قۇدىرەتتى قوزعاۋشى كۇش ۇستەۋ. اۋمىننىڭ وسى تەكشەدەن ويداعىداي پايدالانىپ، گۋاڭدۇڭ مەن اۋمىننىڭ سەلبەستىگىن كۇشەيتىپ، ٴتۇزىلىس ـ مەحانيزمدە جاڭالىق اشىپ، اۋەلگى ماقساتتى ەستە بەرىك ساقتاپ، تىڭعىلىقتى ىستەپ، تىندىرىمدى ناتيجە جاراتىپ، سەلبەستىك رايونى قۇرىلىسىنىڭ ماندىك ىلگەرىلەۋشىلىككە جانە كورنەكتى ونىمدىلىككە تەزىرەك قول جەتكىزۋىن ٴۇمىت ەتەمىن. ىندەتتەن ساقتانۋ- تىزگىندەۋ - اۋمىن ەكونوميكاسى مەن قوعامىنىڭ ورنىقتى دامۋىنىڭ العى شارتى، ىندەتتەن ساقتانۋدىڭ ٴتۇرلى قىزمەتتەرىن تيتتەي دە بوساڭسىماي ويداعىداي ىستەۋ كەرەك.
اۋدارعان: امانتاي مۇسايىپ ۇلى
