ينفورماتسيا اشكەرەلەۋ: mzjubao@cnr.cn

ماڭىزدى حابارلار

ورتالىقتىڭ ۇگىت ـ لەكسيا ۇيىرمەسىنىڭ مۇشەلەرى شينجياڭ، فۋجيان، گۋاڭشي، جيلين، حىنان قاتارلى جەرلەردە ۇگىت ـ لەكسيا جاساپ، جالپى ٴماجىلىس رۋحىنىڭ ىشكەرلەۋىن، ناقتىلانۋىن ىلگەرىلەتتى

来源:جۇڭگو قازاق راديو تورابى     |责编:阿依娜古丽|     发布日期: 2021-11-25 14:07

 

ٴوز حابارىمىز. پارتيا 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىقتىڭ ۇگىت ـ لەكسيا ۇيىرمەسىنىڭ مۇشەلەرى بىرنەشە كۇننەن بەرى شينجياڭ، فۋجيان، گۋاڭشي، جيلين، حىنان قاتارلى جەرلەردە جەكە ـ جەكە ۇگىت ـ لەكسيا جاساپ، نەگىزگى ساتىعا ىشكەرىلەي ارالاسىپ، كادرلار مەن بۇقارامەن اڭگىمەلەسىپ، پىكىر اۋىستىرىپ، جالپى ٴماجىلىس رۋحىن ساناعا، كوكەيگە ۇيالاتۋعا قۇلشىنىپ، قۇدىرەتتى العا باسۋ كۇشىن ۇيىستىردى.


    ورتالىق ۇگىت ـ لەكسيا ۇيىرمەسىنىڭ مۇشەسى، ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى چىن چۋانگو 11-ايدىڭ 24-كۇنى ۇرىمجىدە پارتيا 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ رۋحى جونىندە ۇگىت ـ لەكسيا جاسادى. شينجياڭ ۇيعۇر اۆتونوميالى رايونى مەن شينجياڭ ٴوندىرىس ـ قۇرىلىس بيڭتۋانىنىڭ نەگىزگى، بولىمشە الاڭدارىنان 25 مىڭنان استام ادام بايانداما ماجىلىسىنە قاتىناستى. ماجىلىسىتەن كەيىن، چىن چۋانگو مامان ـ وقىمىستىلارمەن، جاس وقۋشىلاردىڭ ۋاكىلدەرىمەن پىكىر اۋىستىردى.


    ورتالىق ۇگىت ـ لەكسيا ۇيىرمەسىنىڭ مۇشەسى، ورتالىق كوميتەت كەڭسەسىنىڭ كۇندەلىكتى قىزمەتكە جاۋاپتى ورىنباسار مەڭگەرۋشىسى مىڭ شياڭفىڭ 11-ايدىڭ 22-كۇنى فۋجيان ولكەسىنىڭ فۋجوۋ قالاسىندا ۇگىت ـ لەكسيا بايانداماسىن جاسادى. بايانداما ماجىلىسىنەن كەيىن، ورتالىقتىڭ ۇگىت ـ لەكسيا ۇيىرمەسى فۋجياننىڭ نيڭدى قالاسىنداعى كاسىپورىندارعا، اۋىل ـ قالاشىقتارعا بارىپ، ٴبىرىنشى شەپتەگى جۇمىسشى ـ قىزمەتكەرلەرمەن، نەگىزگى ساتىداعى كادرلار جانە بۇقارا ۋاكىلدەرىمەن ىشكەرىلەي اڭگىمەلەسىپ، پىكىر اۋىستىردى.


    11-ايدىڭ 22-كۇنىنەن 24-كۇنىنە دەيىن ورتالىق ۇگىت - لەكسيا ۇيىرمەسىنىڭ مۇشەسى، ورتالىق پارتيا تاريحى جانە قۇجات زەرتتەۋ ورنىنىڭ باستىعى چۇي چيڭشان گۋاڭشيدىڭ ناننيڭ قالاسىندا ۇگىت - لەكسيا بايانداماسىن جاسادى ٴارى ۋنيۆەرسيتەت، الەۋمەتتىك اۋماق، قىزىل ارميانىڭ ۇزاق جورىعى شياڭجياڭ شايقاسى ەسكەرتكىش سارايى قاتارلى جەرلەرگە بارىپ، جەرگىلىكتى ورىنداعى كادرلار مەن بۇقارامەن پىكىر اۋىستىردى.


    11-ايدىڭ 23-كۇنى ورتالىق ۇگىت - لەكسيا ۇيىرمەسىنىڭ مۇشەسى، ورتالىق پارتيا تاريحىن جانە حۇجات زەرتتەۋ ورنىنىڭ بۇرىنعى باستىعى لىڭ رۇڭ جيلين ولكەسىنىڭ چاڭچۇن قالاسىندا پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحى جونىندە ۇگىت - لەكسيا جاسادى. ماجىلىستەن كەيىن، لىڭ رۇڭ جيلين ۋنيۆەرسيتەتىنە بارىپ، «حۋاڭ دا ـ نيان ۇلگىسىندەگى وقىتۋشىلار ۇيىرمەسىندەگى » وقىتۋشى ـ وقۋشىلاردىڭ ۋاكىلدەرىمەن پىكىر اۋىستىردى.


    11-ايدىڭ 22-كۇنى ورتالىق ۇگىت - لەكسيا ۇيىرمەسىنىڭ مۇشەسى، ج ك پ ورتالىق كوميتەتى ساياسات زەرتتەۋ كەڭسەسىنىڭ بۇرىنعى ورىنباسار مەڭگەرۋشىسى شى جىحۇڭ حىناننىڭ جىڭجوۋ قالاسىندا ۇگىت - لەكسيا بايانداماسىن جاسادى. ماجىلىستەن كەيىن شى جىحۇڭ جىڭجوۋ ۋنيۆەرسيتەتى، حىنان ولكەسى لينجوۋ حۇڭچي توعانى ەسكەرتكىش سارايىنا بارىپ، كادرلارمەن، بۇقارامەن ىشكەرلەي پكىرلەستى.


اۋدارعان: كۇلان ىرىسباي قىزى

中央广播电视总台 央广网 版权所有

ورتالىقتىڭ ۇگىت ـ لەكسيا ۇيىرمەسىنىڭ مۇشەلەرى شينجياڭ، فۋجيان، گۋاڭشي، جيلين، حىنان قاتارلى جەرلەردە ۇگىت ـ لەكسيا جاساپ، جالپى ٴماجىلىس رۋحىنىڭ ىشكەرلەۋىن، ناقتىلانۋىن ىلگەرىلەتتى

ورتالىق ۇگىت - لەكسيا ۇيىرمەسىنىڭ مۇشەسى، ورتالىق پارتيا تاريحى جانە قۇجات زەرتتەۋ ورنىنىڭ باستىعى چۇي چيڭشان گۋاڭشيدىڭ ناننيڭ قالاسىندا ۇگىت - لەكسيا بايانداماسىن جاسادى