ا ق ش-ندا قارۋ-جاراق ساۋداسى اسقىنىپ، زورلىقتى كۇش دەلولارى ءجيى تۋىلدى
ٴوز حابارىمىز. ا ق ش-نىڭ نيۋ - يوركتەگى ب م ۇ - نىڭ باس شتابى عيماراتىنىڭ سىرتىندا ٴبىر ەر ادام ساقشىلارمەن ەكى ساعات تىرەسكەننەن كەيىن، جەرگىلىكتى ۋاقىت 12-ايدىڭ 2-كۇنى ساعات 13 تەن 40 مينۋت وتكەندە قولىنداعى قارۋىن تاستادى. تەكە تىرەسكە تۇسكەننەن باستاپ، ب م ۇ باس شتابى پوچتا جولدامالارىن جولداپ، باس شتاپ عيماراتىنداعى بارلىق ادامعا «سول جەردىڭ وزىندە حاۋىپتەن ساقتانۋدى» ۇقتىردى. ب م ۇ عيماراتىنىڭ توڭىرەگىنە بۇلىكتەن ساقتانۋ ساقشىلارى كوپتەپ ورنالاستىرىلدى. قارۋ-جاراق ساۋداسىنىڭ ورشۋىنە بايلانىستى زورلىقتى كۇش دەلوسى ارت-ارتىنان تۋىلدى، ا ق ش - نىڭ «تاپانشا قارۋ-جاراقتارعا تالداۋ جاساۋ جانە ونى مەجەلەۋ» كەڭەس بەرۋ سەرىكتىگى 12-ايدىڭ 1-كۇنى جاريالاعان ساناعىندا كورسەتىلۋىنشە، بيىل ا ق ش - تىقتار 18 ميلليوننان استام مىلتىق ساتىپ العان.
اۋدارعان: كۇلان ىرىسباي قىزى