ينفورماتسيا اشكەرەلەۋ: mzjubao@cnr.cn

ماڭىزدى حابارلار

لي كىچياڭ دۇنيە ساۋدا ۇيىمىنىڭ باس ٴىس جۇرگىزۋشىسىمەن كەزدەستى

来源:جۇڭگو قازاق راديو تورابى     |责编:阿依娜古丽|     发布日期: 2021-12-04 11:08

 

ٴوز حابارىمىز. مەملەكەتتىك كەڭەستىڭ زۇڭليى لي كىچياڭ 12-ايدىڭ 3-كۇنى تۇستەن كەيىن جۇڭنانحايداعى زىگۋاڭگى سارايىندا دۇنيە ساۋدا ۇيىمىنىڭ باس ٴىس جۇرگىزۋشىسى يۆەرامەن كەزدەستى.


    لي كىچياڭ بىلاي دەدى: بيىل جۇڭگونىڭ دۇنيە جۇزىلىك ساۋدا ۇيىمىنا كىرگەنىنە 20 جىل تولادى. جۇڭگو دۇنيە جۇزىلىك ساۋدا ۇيىمىنا كىرۋ ۋادەسىن ورىنداپ قانا قويماي، دۇنيە جۇزىلىك ساۋدا ۇيىمىن وزەك، ەرەجەنى نەگىز ەتكەن كوپ جاقتى ساۋدا ٴتۇزىلىسىن دە قولداپ كەلەدى. دۇنيە جۇزىلىك ساۋدا ۇيىمىنىڭ ٴار جاقتىڭ كۇشىن ٴونىمدى ۇيىستىرىپ، اناعۇرلىم زور رول اتقارۋىن ٴۇمىت ەتەمىز.


    لي كىچياڭ بىلاي دەپ اتاپ كورسەتتى: جۇڭگو دۇنيە جۇزىلىك ساۋدا ۇيىمىنا قاجەتتى رەفورما جۇرگىزۋدى قولدايدى، كەڭەسىپ بىرلىككە كەلۋ پرينسيبىنە تاباندى بولىپ، دۇنيە جۇزىلىك ساۋدا ۇيىمىنىڭ نەگىزگى پرينسيبى مەن وزەكتى قۇنىن قورعاۋدى، دۇنيە جۇزىلىك ساۋدا ۇيىمى ەرەجەسىنىڭ بەدەلى مەن ونىمدىلىگىن قورعاۋدى، وڭتۇستىك پەن سولتۇستىكتىڭ پارقىن ازايتۋدى دارىپتەيدى. جۇڭگو ٴالى دە دۇنيە جۇزىندەگى ەڭ ٴىرى دامۋ ۇستىندەگى ەل رەتىندە، ۇقىق پەن بورىشتى تەڭگەرۋ پرينسيپىنە تاباندى بولىپ، ٴوزىنىڭ ەكونوميكالىق دامۋ ساتىسىنداعى ورەسى مەن قابىلەتىنە ۇيلەسەتىن جاۋاپكەرشىلىكتى ۇستىنە الادى، دۇنيە جۇزىلىك ساۋدا ۇيىمىنىڭ قاتىستى كەلىسسوزىنە بەلسەنە قاتىناسۋدى قالايدى.


    يۆەرا جۇڭگونىڭ دۇنيە جۇزىلىك ساۋدا ۇيىمىندا اتقارعان سىندارلى رولىن القادى، جۇڭگومەن پىكىرلەسۋ، سەلبەسۋدى كۇشەيتىپ، دۇنيە جۇزىلىك ساۋدا ۇيىمى رەفورماسىن ىلگەرىلەتىپ، دۇنيە جۇزىلىك ساۋدانىڭ اقاۋسىز دامۋىنا بەلسەندى ۇلەس قوسۋعا پەيىل ەكەندىگىن ٴبىلدىردى.

اۋدارعان: شالقار قازەز ۇلى

中央广播电视总台 央广网 版权所有

لي كىچياڭ دۇنيە ساۋدا ۇيىمىنىڭ باس ٴىس جۇرگىزۋشىسىمەن كەزدەستى

مەملەكەتتىك كەڭەستىڭ زۇڭليى لي كىچياڭ 12-ايدىڭ 3-كۇنى تۇستەن كەيىن جۇڭنانحايداعى زىگۋاڭگى سارايىندا دۇنيە ساۋدا ۇيىمىنىڭ باس ٴىس جۇرگىزۋشىسى يۆەرامەن كەزدەستى.