ينفورماتسيا اشكەرەلەۋ: mzjubao@cnr.cn

ماڭىزدى حابارلار

جاڭا يدەيا ارقىلى جاڭا جورىققا جەتەكشىلىك ەتتىرۋ ۇردىستەرى: جاڭا داۋىردەگى 10 جىلدىق ۇلى وزگەرىس بەلەستىك مانگە يە

来源:جۇڭگو قازاق راديو تورابى     |责编:古丽美热|     发布日期: 2022-08-05 10:27
 
ٴوز حابارىمىز. ولكە، مينيسترلىك دارەجەلى نەگىزگى باسشى كادرلاردىڭ «باس شۋجي شي جينپيڭنىڭ ماڭىزدى ٴسوزىنىڭ رۋحىن ۇيرەنۋ، پارتيانىڭ 20-قۇرىلتايىن قارسى الۋ» ارناۋلى تاقىرىپتىق زەرتتەۋ-تالقىلاۋ كۋرسىندا باس شۋجي شي جينپيڭ پارتيا 18-قۇرىلتايىنان بەرى پارتيا مەن مەملەكەت ىستەرىندە قول جەتكەن تاريحي جەتىستىكتەردى، جارىققا شىققان تاريحي وزگەرىستەردى تەرەڭ بايىمداپ، جاڭا داۋىردەگى 10 جىلدىق ۇلى وزگەرىستىڭ كەلەلى ٴمانىن جوعارى باعالادى. 
 
باس شۋجي شي جينپيڭنىڭ ماڭىزدى ٴسوزى، ٴسوز جوق، بۇكىل پارتيانى، بۇكىل ارميانى، بۇكىل ەلدەگى ٴار ۇلت حالقىن جاڭا داۋىردە جاڭا ساپاردا بوساڭسىماي، ۇزدىكسىز كۇرەس جۇرگىزىپ، جالپى بەتتىك سوتسياليستىك وسىزاماندانعان مەملەكەت قۇرۋ تىڭ داستانىن قۇلشىنا جازۋعا شابىتتاندىرادى جانە جىگەرلەندىرەدى. 
 
پارتيا 18–قۇرىلتايىنان بەرى شي جينپيڭ جولداس ۇيىتقى بولعان پارتيا ورتالىق كوميتەتى ەل ٴىشى جانە حالىقارا سىندى ەكى ۇلكەن جاعدايدى ءبىر تۇتاس جوسپارلاپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، سەنىمدى بەكەمدەپ، ءوزىن الۋەتتەندىرىپ، دۇرىس جولدا تاباندى بولىپ، جاڭالىق جاراتىپ، پارتيا مەن مەملەكەت ىستەرىندە تاريحي تابىسقا قول جەتكىزۋدى، تاريحي وزگەرىس تۋدىرۋدى ىلگەرىلەتتى. مەملەكەتتىك دامۋ جانە رەفورما كوميتەتى ساياسات زەرتتەۋ كەڭسەسىنىڭ مەڭگەرۋشىسى جين شياندۇڭ بىلاي دەدى: ٴبىز دۇنيە جۇزىندە ٴجۇز جىلدا بولماعان زور وزگەرىس پەن عاسىرىمىزدا تارالعان الاپات جۇقپالى اۋرۋ قوس قاباتتاسۋ الا كەلگەن ٴتۇرلى حاۋىپ-قاتەرلەر مەن سىن-سايىستاردى جەڭىپ، ەكونوميكا تەز قارقىنمەن دامۋ جانە قوعام باياندى ورنىقتى بولۋداي «ەكى ۇلكەن كەرەمەتتى» ۇزدىكسىز جارىققا شىعاردىق، ەلىمىزدىڭ ەكونوميكالىق قۋاتى، عىلىم-تەحنيكالىق قۋاتى، جالپىلىق مەملەكەت قۋاتى جانە حالىقارالىق ىقپالى تۇگەلدەي تىڭ ساتىعا كوتەرىلدى. 
 
10 جىلدان بەرى پارتيا ورتالىق كوميتەتى جاڭالىق جاراتۋدى پارتيا مەن مەملەكەتتىڭ دامۋ جالپى جاعدايىندا وزەكتى ورىنعا قويىپ، جاڭالىق جاراتۋ ارقىلى دامۋعا دەم بەرۋ ستراتەگياسىن ۇزدىكسىز ىشكەرىلەي اتقاردى. دۇنيە جۇزىلىك ٴبىلىم مەنشىك ۇقىعى ۇيىمى جاريالاعان الەمدىك جاڭالىق جاراتۋ كورسەتكىشى قاتارىندا جۇڭگو 2012-جىلعى 34-ورىننان 2021-جىلى 12-ورىنعا كوتەرىلدى. جۇڭگو عارىش عىلىم-تەحنيكا ونەركاسىپ توبى شەكتى سەرىكتىگىنىڭ باس القاسى يۋان جيە بىلاي دەدى: 10 جىلدان بەرى، ەلىمىزدىڭ عارىش ىستەرىندە عارىشقا ادام الىپ ۇشۋ، اي شارىن بارلاۋ، مارىستى بارلاۋ، بەيدوۋ باعدار سىلتەۋ جاساندى سەرىگى سياقتىلاردى ۋاكىل ەتكەن شۇعىلالى تابىستارعا قول جەتتى. وسى تابىستار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى_ٴبىزدىڭ عارىش ىستەرىن دامىتۋداعى، عارىش ىستەرىندە قۇدىرەتتى ەل قۇرۋداعى، عىلىم-تەحنيكادا قۇدىرەتتى ەل قۇرۋداعى ەڭ ۇلكەن ساياسي ابزالدىلىعىمىز جانە ٴتۇبىرلى كەپىلىمىز ەكەندىگىن تالاسسىز دالەلدەدى.
 
پارتيا ورتالىق كوميتەتى سايكەستى دامۋ تانىمى ارقىلى ەكونوميكالىق، قوعامدىق دامۋعا جەتەكشىلىك ەتتى. بەيجيڭ-تيانجين-حىبەيدى سايكەستى دامىتۋ، چاڭجياڭ ەكونوميكالىق بەلدەۋىن دامىتۋ، گۋاڭدۇڭ-شياڭگاڭ-اۋمىن ۇلكەن شىعاناق رايونى قۇرىلىسى، چاڭجياڭ اتىراۋىن ٴبىر تۇلعالاندىرىپ دامىتۋ، حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ سياقتى وڭىرلىك كەلەلى ستراتەگيالار دايەكتى تياناقتانىپ، ٴىرى ەلدىك ەكونوميكا جوعارى ساپالى دامىدى. شيۇڭ-ان جاڭا رايونى پارتيا قىزمەتى كوميتەتى شۋجيىنىڭ ورىنباسارى، باسقارۋ كوميتەتىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى تيان جينچاڭ بىلاي دەدى: حىبەي شيۇڭ-ان جاڭا رايونىن قۇرۋدا، باس شۋجي ٴوزى جوسپارلاپ، ٴوزى ورنالاستىرىپ، ٴوزى جەبەپ، زەيىن -زەردەسى مەن كۇش قۋاتىن ارنادى. قازىر شيۇڭ–ان جاڭا رايونىندا جۇلگە قالىپتاستىرۋ، وبىراز ايگىلەۋ قارقىنى جەدەلدەي تۇسۋدە، جاڭا رايوننىڭ قۇرىلىسشىسى رەتىندە، ءبىز، ٴسوزسىز، ەسەلەپ قۇلشىنىپ، قاجىماي–تالماي كۇرەس جۇرگىزە بەرەمىز. 
 
پارتيا ورتالىق كوميتەتى ەكولوگيالىق وركەنيەت قۇرىلىسىن بۇرىن بولماعان تەبىنمەن يگەردى، بۇكىل پارتيانىڭ، بۇكىل مەملەكەتتىڭ جاسىل دامۋدى ىلگەرىلەتۋ سانالىلىعى مەن ىرىقتىلىعى كورنەكتى كۇشەيدى، ەلىمىزدىڭ ەكولوگيالىق ورتا جاعدايىندا تاريحي بۇرىلىس بولدى، كوركەم جۇڭگو قۇرۋدا ماڭىزدى قادام تاستالدى. ەلىمىز اناعۇرلىم جوعارى دەڭگەيدەگى اشىق ۇستالعان ەكونوميكا جاڭا ٴتۇزىلىسىن ورناتۋعا كۇش سالىپ، «ٴبىر بەلدەۋ، ٴبىر جولدى» ورتاق قۇرۋدى جوعارى ساپالى دامىتۋدى قۇلشىنا ىلگەرىلەتىپ، سىرتقا ەسىك اشۋدىڭ جاڭا بيىگىن، سىناق اتىزىن قالىپتاستىرىپ،جالپى جۇزدىك، جوعارى دەڭگەيدەگى سىرتقا ەسىك اشۋ جاڭا جاعدايىن قالىپتاستىردى. شي جينپيڭنىڭ ەكونوميكا يدەياسىن زەرتتەۋ ورتالىعى زەرتتەۋ 4-ٴبولىمىنىڭ جاۋاپتىسى جاڭ يان بىلاي دەدى: ەسىك اشۋ قازىرگى جۇڭگونىڭ ايقىن بەلگىسىنە اينالدى، بۇرىن جۇڭگو ەكونوميكاسىنىڭ دامۋى ەسىك اشۋ شارت-جاعدايىندا قولعا كەلگەن، بولاشاقتا جۇڭگو ەكونوميكاسىنىڭ جوعارى ساپالى دامۋىن جۇزەگە اسىرۋ دا، ٴسوز جوق، اناعۇرلىم ەسىك اشۋ شارت-جاعدايىندا جۇرگىزىلۋى كەرەك.
 
10 جىلدان بەرى ەلىمىز حالقىنىڭ تۇرمىس ساپاسى مەن قوعامنىڭ ورتاق يگىلىكتەنۋ دەڭگەيىندە تاريحي ىلگەرىلەۋشىلىككە قول جەتىپ، جالپى جۇزدىك ارشىنداي دامىدى. جالپىعا ٴتيىمدى، نەگىزدىك حالىق تۇرمىسى قۇرىلىسىن ۇزدىكسىز ىلگەرىلەتۋ ارقىلى بۇقارانىڭ تابىس سەزىمى كورنەكتى جوعارىلادى. مەملەكەتتىك دەنساۋلىق ساقتاۋ، سالاماتتىق كوميتەتى ەمدەۋ-دەنساۋلىق ساقتاۋ ىستەرىن باسقارۋ مەكەمەسىنىڭ باستىعى جياۋ ياحۇي بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتىڭ سالاماتتىعىن قامتاماسىز ەتۋدى الدىمەن دامىتىلاتىن ستراتەگيالىق ورىنعا قويۋعا تاباندى بولىپ، سالامات جۇڭگو ستراتەگياسىنا ماڭىزدى ورنالاستىرۋ جاسادى. وسى 10 جىلدا حالىق بۇقاراسىنىڭ اۋرۋ كورسەتۋ، ەمدەلۋ جاعىنداعى تابىس سەزىمى اناعۇرلىم كۇشەيدى دەۋگە بولادى. 
 
جاڭا داۋىردەگى 10 جىلدىق ۇلى وزگەرىس پارتيا تاريحىندا، جاڭا جۇڭگو تاريحىندا، رەفورما جاساۋ، ەسىك اشۋ تاريحىندا، سوتسياليزمنىڭ دامۋ تاريحىندا، جۇڭحۋا ۇلتىنىڭ دامۋ تاريحىندا بەلەستىك مانگە يە بولىپ، جۇڭحۋا ۇلتىنىڭ ۇلى كوركەيۋىن جۇزەگە اسىرۋ اناعۇرلىم كەمەلدى تۇزىمدىك كەپىلمەن، اناعۇرلىم بەرىك زاتتىق نەگىزبەن، اناعۇرلىم ىرىقتى رۋحاني كۇشپەن قامتاماسىزداندىرىلدى.
 
اۋدارعان: قاناتبەك جۇماباي ۇلى
 

中央广播电视总台 央广网 版权所有

جاڭا يدەيا ارقىلى جاڭا جورىققا جەتەكشىلىك ەتتىرۋ ۇردىستەرى: جاڭا داۋىردەگى 10 جىلدىق ۇلى وزگەرىس بەلەستىك مانگە يە

جۇڭحۋا ۇلتىنىڭ ۇلى كوركەيۋىن جۇزەگە اسىرۋ اناعۇرلىم كەمەلدى تۇزىمدىك كەپىلمەن، اناعۇرلىم بەرىك زاتتىق نەگىزبەن، اناعۇرلىم ىرىقتى رۋحاني كۇشپەن قامتاماسىزداندىرىلدى