ۋكراينا ارمياسى حەرسون رايونىنىڭ وڭتۇستىگىندەگى دنەپر وزەنى بويىندا رەسەي ارمياسىن شەگىندىرۋگە بار كۇشىن سالدى. ۋكراينا زۇڭتۇڭ كەڭسەسىنىڭ مەڭگەرۋشىسى ەرمارك ۋكراينا ارميا جاعىنىڭ رەسەي ارمياسىنىڭ مەڭگەرۋىندەگى دنەپر وزەنىنىڭ شىعىس جاعالاۋىندا بەكىنىستىك ورىنعا يە بولعاندىعىن جاريالادى. بۇل ۋكراينا جاقتىڭ وسى وڭىردە ىلگەرىلەۋشىلىككە قول جەتكىزگەندىگىن تۇڭعىش رەت تۇراقتاندىرۋى، وسى جاعىداي ۋكراينا ارمياسىنىڭ قىرىمعا شابۋىل جاساۋىنا جاعىداي جاراتۋى مۇمكىن. تالداۋعا قاراعاندا، ۋكراينا ارمياسىنىڭ دنەپر وزەنى وڭىرىندە قايتارما شابۋىلعا ٴوتۋى رەسەي ارمياسىنىڭ اۋىر ساتسىزدىككە ۇشىراعاندىعىنان دەرەك بەرەدى.

 

فرانسيا اقپارات اگەنتتىگىنىڭ حابارىنا قاراعاندا، كيەۆ قالاسىندا باتىس ەلدەرىن قىس كەلەردەن بۇرىن ۋكراينانى قارۋ-جاراقپەن تولىق قامداۋعا ۇندەۋ تاستالعان تۇستا، ۋكراينانىڭ زۇڭتۇڭى زەلەنسكي رەسەي الدىڭعى شەپتەگى شابۋىلىن كۇشەيتۋدە دەدى. حاباردا بىلاي دەلىنگەن: كوپ ايدان بەرى، ەكى جاق سوعىس مايدانىندا ەشقانداي كەلەلى ىلگەرىلەۋشىلىككە قول جەتكىزگەن جوق، ٴبىراق زەلەنسكي مەن كرەمل سارايى قاقتىعىستىڭ توقىراۋلى كۇيگە تۇسكەندىگىن تەرىسكە شىعاردى. 

 

 

اۋدارعان: باتىل نۇرلان ۇلى