يزرايل ارمياسى گازانىڭ سولتۇستىگى مەن وڭتۇستىگىنە شابۋىل جاساپ كەمىندە 20 ادام قازا بولدى
来源:جۇڭگو قازاق راديو تورابى |责编:达吾力别克 | 发布日期: 2024-04-18 13:00
ءوزحابارىمىز. پالەستين تەلەۆيزياسىنىڭ جەرلىك ۋاقىت 4-ايدىڭ 17-كۇنگى حابارىنا قاراعاندا، يزرايل ارمياسى سول كۇنى گازانىڭ سولتۇستىگى مەن وڭتۇستىك بولەگىندەگى كوپ جەرگە تۇتقيىل شابۋىل جاساپ كەمىندە 20 ادام قازا بولعان. حاباردا بىلاي دەلىنگەن: يزرايل ارمياسى 4-ايدىڭ 17-كۇنى گازا قالاسىنىڭ كوپتەگەن رايوندارىن بومبىلاپ، كەمىندە 15 ادام ءولىپ، 9 ادام دەرەكسىز كەتتى. يزرايل ارمياسىنىڭ سوعىس ايروپلانى 4-ايدىڭ 17-كۇنى كەشتە گازانىڭ رافاح قالاسىنداعى ءبىر باسپانانى اۋەدەن شابۋىلداپ، از دەگەندە 5 ادام قازا بولدى.
پالەستين ءىسلام قارسىلىق قوزعالىسى حاماس ۇيىمىنىڭ اقپارات كەڭسەسى 4-ايدىڭ 17-كۇنى مالىمدەمە جاريالاپ بىلاي دەدى: يزرايل ارمياسىنىڭ پاليستەن گازا ءوڭىرىنىڭ ورتا بولەگىندە 4-ايدىڭ 10-كۇنى باستاعان اسكەري قيمىلىندا قازىر كەمىندە 75 ادام قازا بولىپ، 348 ادام جارالاندى.
پالەستيننىڭ گازاداعى دەنساۋلىق ساقتاۋ تاراۋلارىنىڭ 4-ايدىڭ 17-كۇنى جاريالاعان ساندى مالىمەتىنە قاراعاندا، يزرايل ارمياسىنىڭ وتكەن 24 ساعاتتا گازا وڭىرىنە جاساعان شابۋىلىندا 56 ادام قازا بولىپ، 89 ادام جارالانعان. بىلتىر 10-ايدا پالەستين مەن يزرايلدىڭ جاڭا كەزەكتى قاقتىعىسى تۋىلعاننان بەرى، يزرايلدىڭ گازا وڭىرىندەگى اسكەري ارەكەتىندە 33 مىڭ 800 ادام قازا بولىپ، 76 مىڭنان استام ادام جارالاندى.
اۋدارعان: كۇلان ىرىسباي قىزى