ينفورماتسيا اشكەرەلەۋ: mzjubao@cnr.cn

وزەكتى ماقالالار

جارىم جاسىندا قۇلاعى كەرەڭ بولسادا، چيڭحۋانىڭ دوكتورى اتاندى

来源:央广网     |责编:阿依娜|     发布日期: 2021-11-25 16:12

جارىم جاسىندا قۇلاعى كەرەڭ بولسادا، چيڭحۋانىڭ دوكتورى اتاندى

جارىم جاسىندا قۇلاقتان ايىرىلسادا، جىگەرىن جاسىتپاعان چيڭحۋا داشۋەسىنىڭ دوكتورى

جارىم جاسقا كەلگەندە قۇلاقتان ايىرىلسا دا، چيڭحۋا داشۋەسىنىڭ دوكتورلىعىن وقىپ جاتقان اسپيرانت.... بۇل كۇندەرى 29 جاسقا كەلگەندە دەنساۋلىققا قاتىستى قيىن تۇيىندەردى شەشىپ، كوپتەگەن ادامدارعا باقىت جاراتۋدى ماقسات ەتتى، «ەگەر قولىمنان كەلسە باسقالاردى ازاپتان ارىلتاتىن ءىس ىستەر ەدىم، مەن ءۇشىن ءومىردىڭ ءمانى دە وسى بولماق.». «بەتپە-بەتپەت سىرلاسۋ» ارناۋلى باعدارلاماسىنا چيڭحۋا داشۋەسى بيو-ينفورماتسيا عىلىمنىڭ دوكتورلىق وقىپ جاتقان اسپيرانت جياڭ مىڭنان سۇقپات بەردى.

جارىم جاسىندا قۇلاعى كەرەڭ بولعان ول «ەمەۋرىنگە قاراپ سويلەۋگە» سۇيەنىپ چيڭحۋانىڭ دوكتورى بولدى

 

جارىم جاس كەزىندە جياڭ مىڭناننىڭ وكپەسى قابىنادى دا، قۇلاققا زيان جەتكىزەتىن ءدارى ءىشىپ، ەستۋ قابىلەتىنەن ايىرىلادى. ارىپتەن باستاپ تۇرمىستىق ءسوز-سويلەمدەرگە دەيىن ۇيرەنۋ بارىسىندا، ول ايناعا قاراپ تۇرىپ ەمەۋرىنگە قاراي سويلەپ، اكە-شەشەسىنىڭ سويلەگەندەگى كەڭىردەك قوزعالىسىنا قاراپ دىبىستاۋدى ۇيرەنىپ، ەمەۋرىن ءسوزى ارقىلى «ۇعىنىپ» جانە «سويلەي» الاتىن بولدى.

 

بالا كۇنىنەن باستاپ، جياڭ مىڭنان ەشقانداي ەرەكشە تاربيەلەۋ مەكتەبىندە وقىماعان، تەك ۇكىمەت قارماعىنداعى مەكتەپتەن ءبىلىم العان. وقۋدا وزات بولعاندىعى سەبەپتى، اۋىلىنداعى شاعىن قالاشىق بويىنشا بىردەن-ءبىر ءتۇيىندى داشۋەگە قابىلدانىپ، سوڭىنان چيڭحۋا داشۋەسىندە دوكتورلىق ءبىلىم الۋ ورايىنا يە بولعان وقۋشى ەدى.

جياڭ مىڭنان چيڭحۋادا وقىپ جاتقان كەزىندە، جاساندى قۇلاق پەردە تەحنيكاسى كەمەلىنە كەلگەن كەزى بولاتىن. ءبىراق وپەرەتسيا جاساۋدىڭ حاۋىپ-قاتەرىنەن قورقىپ، جياڭ مىڭنان وسى تەحنيكا ارقىلى ەستۋ قابىلەتىنە يە بولا الاتىنا سەنىم ارتا الماي، توسىرقاپ جۇرەدى. ءدال وسى كەزدە شيپاگەردىڭ ءبىر اۋىز ءسوزى جياڭ مىڭناننىڭ بەلىن بەكىتكەن بولاتىن. «ەرتەڭگى ومىرىڭدە قانشالىق مۇمكىندىگىڭ، قانشالىق جاسىرىن قۋاتىڭ بارىن قازىپ كورگىڭ كەلمەي مە؟» دەگەن.

«وسى ءسوز، مەنىڭ جان دۇنيەمدى بۇلقىندىرعانداي بولدى»،-دەيدى جياڭ مىڭنان. «بۇرىن دىبىستى مۇلدە ەستىمەيتىن جاعدايدا، مەن جىگەرىمدى مۇقالتپاي بۇگىنگى كۇنگە جەتتىم. ەندى ويلاپ تۇرسام، ەگەر جاساندى قۇلاق پەردەسى وپەرەتسياسىن جاساتىپ دىبىس ەستي السام، مەنىڭ وقۋىم مەن كەيىنگى كۇنىمدە قانداي وزگەرىستەر تۋىلادى، سونى بىلگىم كەلدى».

 

2018-جىلى 7-ايدىڭ ورتا شەنىندە تۋىس-تۋعانىمەن اقىلداسا كەلە، جياڭ مىڭنان وڭ جاق قۇلاعىنا جاساندى پەردە ورناتۋ وپەرەتسياسىن جاساتادى، سودان باستاپ قۇلاعى ەسيتىن بولدى.

 

 

 

26 جاسقا كەلگەندە تۇڭعىش ەستىگەن دىبىسىم قۇستىڭ سايراعانى بولدى. «قانداي كەرەمەت، قانداي باقىت!»

 

2018-جىلى 8-ايدا، 26 جاستاعى جياڭ مىڭنان چيڭحۋا داشۋەسىنىڭ تابالدىرىعىن اتتاپ، بۇكىلدەي جاڭا، داۋىس بار ومىرگە كەلدى. مەكتەپ قۇشاعىندا ومىرىندە تۇڭعىش ەستىگەن دىبىسى «كوكەك، كوكەك» دەگەن كوكەكتىڭ داۋىسى ەدى.

 

«مەن قۇستىڭ داۋىسىن ەستي الاتىن بولدىم، قانداي عاجاپ دبىىس، ەمىنە ەستىپ ۇزاق تۇرىپپىن، ەستىگەن سايىن ەستىگىم كەلەدى، قانداي باقىت! ونىڭ ۇستىنە سول كۇنى ءبىر جايدارى كۇن ەدى، كۇننىڭ شۇلەن شۇعىلاسى قۇيىلىپ تۇردى، مەن قۇستىڭ دىبىسى قۇلاق قۇرىشىمدى قاندىرىپ، مەكتەپتىڭ كوركەم كورىنىسىنە تويماي قارايمىن، سونداي-ءبىر تاماشا تاڭ ەدى شىركىن!»

 

جياڭ مىڭنان ايتادى: ەگەر دىبىستى ءبىر رەڭگە تەڭەر بولساق، بۇرىن مەن دۇنيە بۇلىڭعىر سۇرعىلت بولىپ كورىنەتىن ەدى، دىبىس ەستىگەننەن بەرى دۇنيەنىڭ الۋان ءتۇسىن كوردىم.

 

دەنساۋلىق اقاۋىنىڭ تىرشىلىككە كەدەرگىلىك جاساماۋ تانىمىن جالپىلاستىرۋ

 

ول دەنساۋلىق اقاۋسىزدىق ماسەلەسىن شەشۋدى ماقسات ەتتى

 

چيڭحۋا داشۋەسىنە كەلۋدەن بۇرىن جياڭ مىڭنان ءوزىنىڭ دەنساۋلىق اقاۋى بارلىعىنا مويىنسال بولعان ەمەس، سەبەبى بۇرىن كوپتەگەن ادامداردىڭ نازارىندا «مەيلى ەستي الماسادا، باسقا ساباقتاستارىمەن ۇقساس كورىنەتىن».

 

بۇگىنگى تاڭدا، ول ەلىمىزدەگى نەشە مىڭداعان دەنساۋلىعىندا اقاۋ بار ادامدار جونىندە ءتۇسىنىپ، باسقالار جونىندە باس قاتىرا باستاعان. «ەگەر دەنساۋلىق اقاۋى تىرشىلىگىڭە كەدەرگىلىك جاسامايتىن بولسا، مۇگەدەك بولساڭ دا اقاۋسىز ادامداي تۇرمىس كەشىرە الاسىڭ، مەنشە ناعىز كوركەم دۇنيە دەگەن مىنە وسى»،-دەيدى.

 

2020-جىلى جياڭ مىڭنان چيڭحۋا داشۋەسىنىڭ كەدەرگىسىز ءومىردى دامىتۋدى زەرتتەۋ قوعامىنىڭ بەسىنشى كەزەكتى قوعام باستىعى بولادى. قوعامنىڭ قيمىلى، كەدەرگىسىزدىك تالقى مىنبەرىنە قاتىناسۋ، كەدەرگىسىزدىك تانىمىن سەزىنۋ قيمىلدارىن ۇيىمداستىرادى... جياڭ مىڭنان ءتۇرلى تاسىلدەر ارقىلى، دەنساۋلىق كۇشىنىڭ كەدەرگىسىزدىك تانىمىن الەۋمەتكە جالپىلاستىرا ءبىلدى.

جياڭ مىڭنان: «كەدەرگىسىزدىك دەنساۋلىعىندا اقاۋ بار ادامدارعا عانا ءتان دۇنيە ەمەس، ول جالپىلىق سيپات الادى». كومەككە مۇقتاج ادامدارعا ادەيى بارىپ قانداي كومەك قاجەت دەپ سۇراماۋ كەرەك، مۇنداي ءسوز ونىڭ كوڭىلىنە جۇك تۇسىرەدى. ولار كورە الماعان جەردەگى كەدەرگىنى الىپ تاستاساڭىز، ولارعا شىنايى كومەكتەسكەن بولاسىز.

 

 

 

جوسپار بويىنشا، جياڭ مىڭنان ەندىگى جىلى دوكتورلىق، ماگىسترلىك وقۋىن تامامداپ، وقىعان بيو-ينفورماتسيا ماماندىعى بويىنشا يممۋنيتەتكە قاتىستى اسپاپتاردى ۇيرەنۋ، مولدەل جاساۋ ساباعىن زەرتتەيدى. تولىق كۋرىستە ءدارى عىلىمىنا ەمتيحان بەرگەننەن باستاپ، جياڭ مىڭناننىڭ نىساناسى باستان-اياق ايقىن بولدى، ول بولسا دەنساۋلىق اقاۋىنداعى ماسەلەلەردى شەشۋ بولاتىن.

 

ەگەر قولىمنان كەلسە باسقالاردى ازاپتان ارىلتاتىن ءىس ىستەر ەدىم، مەن ءۇشىن ءومىردىڭ ءمانى دە وسى بولماق. ەگەر ءاربىر ادام قۇلشىنىس جاساي بىلەتىن بولسا، بۇل دۇنيە ءتىپتى دە نۇرلانا تۇسەر ەدى!

 

اۋدارعان: جازيرا بولاتباي قىزى

来源:央视新闻

 

 

编辑、制作:阿依娜

: , 。 视频 小程序 赞 ,轻点两下取消赞 在看 ,轻点两下取消在看

中央广播电视总台 央广网 版权所有

جارىم جاسىندا قۇلاعى كەرەڭ بولسادا، چيڭحۋانىڭ دوكتورى اتاندى

«ەگەر قولىمنان كەلسە باسقالاردى ازاپتان ارىلتاتىن ءىس ىستەر ەدىم، مەن ءۇشىن ءومىردىڭ ءمانى دە وسى بولماق.». «بەتپە-بەتپەت سىرلاسۋ» ارناۋلى باعدارلاماسىنا چيڭحۋا داشۋەسى بيو-ينفورماتسيا عىلىمنىڭ دوكتورلىق وقىپ جاتقان اسپيرانت جياڭ مىڭنان سۇقپات بەردى.