ينفورماتسيا اشكەرەلەۋ: mzjubao@cnr.cn

وزەكتى ماقالالار

ءبىر ستاكان جەمىس شىرىنى 1000 يۋان با

来源:央广网     |责编:阿依娜|     发布日期: 2021-11-25 16:14

ءبىر ستاكان جەمىس شىرىنى 1000 يۋان با

 

 ءبىر ىستاكان جەمىس شىرىنى 1000 يۋان، ونى ساتىپ الۋ ءۇشىن 3 ساعات توسۋ كەرەك؟ سۋسىندى ىشكەندەر بىلاي دەيدى...

 

ءبىر ىستاكان جەمىس شىرىنىنىڭ باعاسى 1000 يۋان، ونى 3 ساعات توسقاندا عانا ساتىپ الۋعا بولادى؟ وسى حابار تاراعان سوڭ عالامتوردا توراپتاستاردىڭ قىزۋ تالقىسىن قوزعادى. توراپتاستار بۇنى «سۋسىن ونىمدەرى سالاسىنداعى ءايماشى» دەپ اتادى. 

تاياۋدا ءبىر توراپتاس كەسكىن بەينە ماتەريالىن ءتۇسىرىپ، شىنجىن قالاسىنداعى ءمالىم سۋسىن دۇكەنىنىڭ ءبىر ىستاكان ءزايتۇن شىرىنىن 1000 يۋانعا ساتاتىنىن ايىتتى. كەسكىن ماتەريالىندا جىگىت ءبىر سۋسىن دۇكەنىنەن سۋسىن ساتىپ الماق بولعان، ساتۋشىدان باعا كەستەسىندەگى ءبىر سۋسىننىڭ ءبىر ىستاكانى 1000 يۋان ەكەنىن قايتالاپ سۇراعان، ەسەسىنە دۇكەن قىزمەتكەرى اسپاي-ساسپاي الگى جىگىت كورسەتكەن سۋسىننىڭ ءبىر ىستاكانىنىڭ باعاسى شىنىمەن 1000 يۋان ەكەنىن، ونى 3 ساعات توسقان سوڭ الۋعا بولاتىنىن ايتادى. 

 

جىگىت سۋسىننىڭ نەلىكتەن سونشاما قىمباتقا ساتىلاتىنىن سۇراعاندا، دۇكەن قىزمەتكەرى وسى تۇردەگى سۋسىن شيكىزاتى ءبىرشاما قىمبات بولىپ، سۋسىننىڭ باعاسىنىڭ قىمبات بولۋىنا سەبەپكەر ەكەنىن ايىتقان. 

 

ۇعىسۋعا قاراعاندا، توراپتاستاردىڭ عالامتور جەلىسىندە قىزۋ تالقىسىن قوزعاعان سۋسىن شىنجىنداعى ءبىر سۋسىن دۇكەنىندەگى جينيۇي ساننيە ءزايتۇن شىرىنى ەكەن. 

 

ءبىر دۇكەن قىزمەتكەرىنىڭ ايتۋىنشا، شيكىزات چاۋشان جاقتىڭ ءزايتۇنى، ونىڭ ءبىر جىڭىنىڭ(جارىم كيلوگرام) باعاسى 800 يۋان. سۋسىن دايىنداۋ بارىسىندا ءبىر جىڭ شىعاتىن جينيۇي ساننيە ءزايتۇنى تاڭدالادى، وعان تاسىمال وزىندىك قۇنى مەن ادام كۇشىنىڭ وزىندىك قۇنىن قوسقاندا باعاسى قىمبات ەمەس. 

 

 «سۋسىن ىشكىسى كەلەتىندەر الدىن-الا ۋادەلەسۋى كەرەك»، قىزمەتكەردىڭ ايتۋىنشا، شيكىزات جەتكەن سوڭ، سۋسىن ازىرلەۋگە ءبىراز ۋاقىت قاجەت. زايتۇننەن شىرىن الۋدىڭ سالىستىرماسى تومەن بولاتىندىقتان، سۋسىن دايىنداۋ ۋاقىتى ۇزاققا سوزىلادى. 

 

قىزمەتكەردىڭ ايتۋىنشا، وسى تۇردەگى ءونىمدى ساتىپ الاتىندار ساناۋلى عانا، دۇكەندە ايىنا تەك 3 قۇمىراسى عانا ساتىلادى. «وزگە تۇردەگى سۋسىندار ءبىرشاما كوپ ساتىلادى» دەيدى قىزمەتكەر. 

 

ءتىلشىنىڭ عالامتور جەلىسىنەن تەكسەرۋىنشە، وسى سۋسىن دۇكەنىندەگى توۆارلاردىڭ باعاسى ۇقسامايدى، ەڭ قىمبات باعاداعىسى ءبىر ىستاكانى 1000 يۋاندىق جينيۇي ساننيە ءزايتۇن شىرىنى، بۇدان تىس 300 يۋاندىق ءزايتۇن شىرىنى، 108 يۋاندىق مانگوستان(山竹) شىرىنى، دۋريان(榴莲) شىرىنى، ەڭ ارزانى 28 يۋاندىق شاي قاتارلىلار بار. 

 

شىنجىن قالاسىنىڭ تۇرعىنى فاڭ مىرزانىڭ ايتۋىنشا، وسى سۋسىن دۇكەنى 2019-جىلى اشىلعان العاشقى دۇكەن، وسىلايشا 3 جىلدان بەرى شىنجىندا جالپى 23 دۇكەن اشقان. «1000 يۋاندىق ءزايتۇن شىرىنىنىڭ ءدامى ءبىرشاما ءتاتتى، مولشەرمەن 400 ميلليليتردەن ارتىق.» فاڭ مىرزانىڭ ايتۋىنشا، زايتۇن شىرىنىنىڭ ءدامى جاقسى، باعاسى دا قىمبات ەمەس. 

ءبىر ستاكانى 1000 يۋاندىق ءزايتۇن شىرىنى تۋرالى كوپ ساندى توراپتاستار كەدەيلىك قيالىمىزعى بۇعاۋلادى دەپ وكىنىش ءبىلدىردى. 

 

ەندى ءبىر ءبولىم توراپتاستار بۇل اسا تابىستى تيجارات ۇگىتى، ءبىر ىستاكانى 1000 يۋاندىق سۋسىن عالامتور جەلىسىندە وسىلايشا 2 رەت قىزۋ تالقىعا ۇلاسىپ، جۇرت نازارىن اۋداردى دەپ ەسەپتەدى. 

 

كەيبىر توراپتاستاردىڭ تۇجىرىمىنشا، بالكىم بۇل ساۋداگەرلەردىڭ اككى ايلاسى بولۋى مۇمكىن، ولار وسىلاي ىستەۋ ارقىلى جۇرت نازارىن اۋدارۋدى كوزدەيدى. دۇكەن ىشىندە ناقتى ساتىلاتىن سۋسىنداردىڭ دەنى 20 يۋان كولەمىندەگى قاراپايىم سۋسىندار عانا. 

 

ۇعىسۋعا قاراعاندا، ءبىر ىستاكانى 1000 يۋاندىق سۋسىننىڭ شيكىزاتى بولعان «جينيۇي ساننيە ءزايتۇنى» شانتوۋ قالاسى قينزاۋ قالاشىعىندا وسەدى، بۇل ءزايتۇننىڭ ىشىندەگى ەرەكشە باعالى سيرەك كەزدەسەتىن سورتى، ادەتتەگى ءزايتۇننان ءدامدى، رەڭى مەن سىرتقى فورماسى جانە جەمىسىنىڭ سالماعىنا قاراي ەرەكشە جانە 1-سورتتى دەپ بولىنەدى، باعاسى دا ۇقسامايدى. 

 

ءتىلشى وسى ءونىم جونىندە عالامتور جەلىسىندە تەكسەرۋ جۇرگىزگەن ەدى، ءبىر جىڭىنىڭ باعاسى جوعارى بولعاندا 690 يۋانعا ساتىلادى ەكەن. ساتىلىم مولشەرى 5-ورىندى ۇستايتىن وسى تۇردەگى ءزايتۇننىڭ ءبىر جىڭىنىڭ باعاسى 373 يۋان بولعان. 

اۋدارعان: قۋات جۇماش ۇلى

来源:中国经济网

 

 

编辑、制作:阿依娜

: , 。 视频 小程序 赞 ,轻点两下取消赞 在看 ,轻点两下取消在看

中央广播电视总台 央广网 版权所有

ءبىر ستاكان جەمىس شىرىنى 1000 يۋان با

ءبىر ىستاكان جەمىس شىرىنى 1000 يۋان، ونى ساتىپ الۋ ءۇشىن 3 ساعات توسۋ كەرەك؟ سۋسىندى ىشكەندەر بىلاي دەيدى...