كوپ ءتۇرلى ءتىل مەڭگەرگەن، قالاعانىمەن سويلەيدى، بيلگەندە تايپالىپ كەتەدى، دومبىرانىڭ قۇلاعىندا وينايدى، كوردىڭىز بە، شينجياڭ ساقشىلارىنىڭ تالانتىنا تاڭداي قاقپاي تۇرا المايسىز

جۋىقتا ءۇرىمجى تەمىر جول قوعام حاۋىپسىزدىگى مەكەمەسىنىڭ دوۋيىن ءنومىرى جاريالاعان ءبىر بەينە بايان جۇرت نازارىن اۋداردى. بەينە باياندا كورسەتىلگەن تەمىر جول ساقشىسى اعىلشىن ءتىلى مەن ۇيعۇر تىلىنە جەتىك بولۋمەن بىرگە، جەرگىلىكتى ءتىلدىڭ ءار ءتۇرىن سۋداي ساپىرادى ەكەن. وسىنى كورىپ-اق، «باسىڭا ءىس تۇسكەندە ساقشىنى ىزدە» دەگەن ءسوزدىڭ بەكەر ايتىلماعانىن بىردەن سەزەسىز. 

الگى تەمىر جول ساقشىسىنىڭ ايتۋىنا قاراعاندا، ول اعىلشىن تىلىنە ءبىرشاما جۇيرىك بولىپ، بۇرىن شيندۇڭفاڭ تاربيەلەۋ مەكتەبىنىڭ اۋىزەكى ءتىل مۇعالىمى بولعان ەكەن. مۇنداي ساقشىنى تاڭداۋلى ساقشى دەمەسكە بولار ما؟

الايدا، ءسىز شينجياڭ ساقشىلارى تەك كوپ ءتۇرلى ءتىل بىلۋمەن عانا شەكتەلەدى دەسەڭىز، وندا قاتەلەسەسىز. 

ءبىر-اق اۋىز سوزدەن سەكەم الىپ، ماسەلەنى بايقادى

تاياۋدا ءۇرىمجى تەمىر جول قوعام حاۋىپسىزدىگى مەكەمەسى ءۇرىمجى قوعام حاۋىپسىزدىگى باسقارماسى ءۇرىمجى بەكەتى ساقشى بولىمشەسىنىڭ ساقشىسى نيۋ ساۋيۋان جۇرتقا تانىمال ادامعا اينالعانى بار. ويتكەنى، ونىڭ ەسىمى ەلدەن ەرەك بولۋمەن قاتار، ءوزى دە توتەنشە سەزگىر دە كورەگەن ەدى.

10-ايدىڭ 26-كۇنى تۇستەن كەيىن، ول پويەز بەكەتىنىڭ قوعام حاۋىپسىزدىگى كۋالىك جاساۋ تەرەزەسىندە قىزمەت وتەپ وتىرعاندا، ءبىر قارت جولاۋشى كەلىپ ۋاقىتتىق ازاماتتىق كۋالىك جاساتپاق بولادى. الگى قارت ۋاقىتتىق ازاماتتىق كۋالىگىن بىتىرۋگە كەلمەيتىنىن بىلگەندە: «وندا مەن بەلەتتى اپارىپ قايتارىپ تاستايىن»،ـ دەپ قالادى. ءدال وسى ءبىر اۋىز سوزدەن سەكەم العان نيۋ ساۋيۋان دەرەۋ قارتپەن ىلەسە ءتۇسىپ، 1-قاباتتا مىندەت وتەپ جاتقان ورىنباسار گرۋپپا باستىعى لي حاۋشياڭعا ءوز كۇمانىن ايتادى. لي حاۋشياڭ دەرەۋ ساقشىلاردى ۇيىمداستىرىپ، 1-قاباتتاعى حاۋىپسىزدىك تەكسەرۋ رايونىندا الگى قارتقا مۇقيات تەكسەرۋ جۇرگىزەدى.

زاڭ تورىنان سىتىلار سۇمىراي جوق دەگەن راس عوي، ءاسىلى بۇل قارت (لياڭ فاميليالى) 20 جىلدىڭ الدىندا سۇيىسپەنشىلىك ماسەلەسىمەن ءوز قىستاعىنداعى ءبىر ەر اداممەن ءوڭ شايىسىپ قالادى دا، اشۋدىڭ جەتەگىمەن الگى ادامعا ۋ بەرىپ ولتىرەدى. ءىس تۋىلعان سوڭ، جەرگىلىكتى قوعام حاۋىپسىزدىگى ورگاندارىنىڭ قۋعىنىنان باس ساۋعالاۋ ءۇشىن، حىناندا تۇراتىن لياڭ فاميليالى ءيت ارقاسى قيانداعى شينجياڭنىڭ ءمالىم ءبىر جەرىنە قاشىپ كەلىپ اتى-ءجونىن جاسىرىپ، جالبىزبالاپ كۇن كەشەدى. جايشىلىقتا ۇساق-تۇيەك جۇمىستار ىستەۋ ارقىلى ازناۋلاق ناپاقا تاۋىپ، ەپتەپ-سەپتەپ كۇنەلتەدى ەكەن. قازىر قاشىپ جۇرگەن قىلمىس كۇدىكتىسى لياڭ فاميليالى حىنان ولكەسىنىڭ دەلو تۋىلعان جەرىندەگى قوعام حاۋىپسىزدىك ورگانىنا وتكىزىپ بەرىلدى. 

دومبىرا + الدامشىلىققا قارسى تۇرۋ بىلىمدەرى، ءسىزدى ءبىر وزگەشەرەك اقىندار ايتىسى مايدانىنا الىپ بارايىن 

جۋىقتا موري اۋداندىق قوعام حاۋىپسىزدىگى مەكەمەسىندەگى ءبىر ساقشى جىگىت ايتقان ولەڭ ادامنىڭ قۇلاق قۇرىشىن قاندىرىپ، تاڭداي قاقتىرادى. بۇقارانىڭ ءومىرى مەن مال-مۇلكىنىڭ اماندىعىن قورعاپ، بۇقارانىڭ الدامشىلىققا قارسى تۇرۋ ساناسىن كۇشەيتۋ ءۇشىن، بۇل ازامات شىنىندا توتەنشە تاماشا ءادىس ويلاپ تاپقان ەكەن.

شاعانتوعاي ساقشىسى مالشىنىڭ قوراسىن جوندەۋگە قولعابىس ەتتى 

ساقشىدان «سىلاقشىعا» وزگەرىپ، جۇمىستى تىڭعىلىقتى تىندىردى

جۋىقتا، تارباعاتاي ايماعى شاعانتوعاي اۋداندىق قوعام حاۋىپسىزدىگى مەكەمەسى ازىق-تۇلىك، ءدارى-دارمەك ورتاسى قىلمىسىن بارلاۋ ۇلكەن اترەتىنىڭ ساقشىسى بارلىق تاۋلى رايونىندا كۇندەلىكتى ارالاپ تەكسەرۋ قىزمەتىن ورىستەتۋ بارىسىندا، ءبىر مالشىنىڭ تاس تاسىپ جاتقاندىعىن بايقايدى. ساقشى مالشىمەن كەڭەسە كەلە تاستان جيعان قوراسى قۇلاپ كەتكەندىكتەن، تاس تاسىپ اكەلىپ جوندەگەلى جاتقاندىعىن ۇعادى. مالشىنىڭ جالعىزىلىك ەكەندىگىن كورگەن ساقشى دەرەۋ وعان قولعابىس ەتىپ، قوراسىن جيناسىپ جىبەرەدى.

 شاعانتوعاي ساقشىسى مالشىنىڭ قوراسىن جوندەۋگە قولعابىس ەتتى 

2 ساعات بىرلىكتە ەڭبەكتەنگەن سوڭ، مالشىنىڭ قوي قوراسى بۇتىندەلىپ بولدى. ساقشىنىڭ ەڭبەككەرلىگىنە ءدان ريزا بولعان مالشى باس بارماعىن كوتەرىپ: ساقشى جولداس، سىلاقشىنىڭ جۇمىسىن دا ايتارلىقتاي تىندىردىڭىز عوي،ـ دەپ القادى ءسۇيىنىشىن جاسىرا الماي. 

ءبارىن ايت تا، ءبىرىن ايت، بيگە جەتەرى جوق

جۋىقتا كورلا قالاسىنداعى كومەكشى ساقشى اكرام قاسىمنىڭ جۇمىس ارەدىگىندەگى دەمالىستا بيلەپ جۇرگەن كەسكىنى توراپتا كەڭىنەن تارالعان-دى. اكرامنىڭ ايتۋىنشا جۇبايى امانداسا كەلەتىندىگىن ەستىگەن سوڭ، قۋانىشىن باسا الماي قالعان ەكەن.

ولار ماشينا رەمونتشىسى دا بولا الادى سۋرەتتىڭ كەلۋ قاينارى: قۇمۇل شەكارا باسقارۋ تارماق اترەتى

ماشينا رەمونتشىسىنىڭ رولىن اتقارىپ، بۇقارانىڭ قيىنشىلعىن شەشتى

تاياۋدا شينجياڭ شەكارادان كىرىپ-شىعۋ شەكارا قورعانىس تەكسەرۋ باس پۋنكتى قۇمۇل شەكارا باسقارۋ تارماق اترەتى حۇڭليۋشيا شەكارا ساقشى بولىمشەسىنىڭ ورىنباسار باستىعى سارقىت ساقشىلاردى باستاپ وتباسىلارىن ارالاۋعا كەتىپ بارا جاتقان جولدا، سونادايدا ءبىر اۆتوكولىكتىڭ شىراعىن توقتاۋسىز جارقىلداتىپ تۇرعاندىعىن كورەدى.

ۇعىسا كەلسە، كولىكتىڭ يەسى چىن جىنشين ۇرىمجىدە ساۋدامەن اينالىساتىن ازامات بولىپ، وسى رەتكى ساپارىندا باۋلي كەن رايونىنا بارىپ تەكسەرۋ جۇرگىزبەك بولعان ەكەن. وقىس اياق استىنان عوي، ول ءدال وسى ارادان ءوتىپ بارا جاتقاندا، كولىكتىڭ وڭ جاق ارتقى دوڭگەلەگى جولدا جاتقان الدە نەنى باسىپ كەتەدى دە، ويلاماعان جەردەن دوگەلەك جارىلىپ قالادى. ول قۇرال-سايمان سالعان ساندىعىن الا جۇرمەگەن ەكەن، ونىڭ ۇستىنە بۇل ارادا قولفون سيگنالى دا جوق بولىپ، جات ەل، جات جەردە نە ىستەرىن بىلمەي ابدەن ساسادى.

جاعدايدان حابار تاپقان سوڭ، ساقشىلاردىڭ بىرەۋى دەرەۋ ءوز كولىكتەرىندەگى جارىق شاعىلىستىرعىش كونۋس فورمالى كۇبىنى بۇزىلعان كولىكتىڭ الدى-ارتىنداعى 150 مەتر ارالىققا اپارىپ قويادى دا، الدى-ارتىنداعى كولىكتەردىڭ بۇل ارادان اينالىپ جۇرۋىنە ەسكەرتۋ جاسايدى. ال، ەندى ءبىر ساقشى قۇرال-سايمان سالىنعان ساندىقتى اشىپ، دەرەۋ ماشينا رەمونتشىسىنىڭ رولىن سومداپ، بۇزىلعان كولىكتى جوندەۋگە كىرىسەدى. كوپ وتپەي جارىلعان دوڭگەلەك اۋىستىرىلىپ ۇلگىرگەن ەدى.

مىنە، ولار جاڭا داۋىردەگى ەڭ سۇيىكتى ادامدارىمىز، ولار حالىق ساقشىلارىنىڭ ادالدىعى مەن جاۋاپكەرشىلىگىن ءوز ءىس-ارەكەتتەرى ارقىلى ايگىلەۋدە.

اۋدارعان: نۇرگۇل قۇمارقان قىزى

来源：新疆日报

编辑、制作：阿依娜