ينفورماتسيا اشكەرەلەۋ: mzjubao@cnr.cn

وزەكتى ماقالالار

بافيتپەن «داستارقانداس» بولۋعا ءالىڭىز جەتەمە؟

来源:央广网     |责编:达吾力别克|     发布日期: 2022-06-23 09:55

 

بافيتپەن «داستارقانداس» بولۋعا ءالىڭىز جەتەمە؟

2018-جىلى 5-ايدىڭ 5-كۇنى ا ق ش – تىڭ نەبراسكا شتاتىنىڭ وماحا قالاسىندا بەكشير حاساۆي سەرىكتىگى القالار كەڭەسىنىڭ ءتوراعاسى وللەن  بافيت (سولدان 2-ادام) جارناگەرلەر ءماجىلىسى اشىلۋدان بۇرىن اقپارات قۇرالدارىنىڭ تىلشىلىگىن قابىلداۋدا. شينحۋا اگەنتتىگىنىڭ ءتىلشىسى ۋاڭ يىن فوتوسى.

 

جۋىقتا ءمالىم ءبىر الارمان 19 ميلليون امەريكا دوللارىن جۇمساپ ا ق ش – تىڭ ايگىلى قارجىگەرى وللەن  بافيتپەن تۇسكى استا بىرگە بولۋ ورايىنا يە بولىپ، «بافيتپەن تۇسكى استا بىرگە بولۋ ورايىن» باسەكەلەستىرە ساتۋدا رەكورد جاراتتى. سونىمەن بىرگە، بۇل «بافيتپەن تۇسكى استا بىرگە بولۋ ورايىن» باسەكەلەستىرە ساتۋ قيمىلىنىڭ ەڭ سوڭعى رەت وتكىزىلۋى ەكەن.

 

فرانسيا اقپارات اگەنتتىگىنىڭ 6-ايدىڭ 18-كۇنگى حابارىنا نەگىزدەلگەندە، بۇل رەتكى باسەكەلەستىرىپ ساتۋ قيمىلى 6-ايدىڭ 12-كۇنى ەبست توراپ سايتىندا باستالىپ، باسەكەلەستىرىپ ساتۋدىڭ باستاپقى باعاسى 25 مىڭ امەريكا دوللارىنان ەڭ سوڭىندا 6-ايدىڭ 17-كۇنى 19 ميلليون امەريكا دوللارىنا توقتاپ كەلىسكەن. مۇندا 19 ميلليون امەريكا دوللارىندىق جوعارى باعا قويعان الارمان ەڭ كوپ بولعاندا قاسىنا 7 ادام شاقىرىپ نيۋ – يورك قالاسىنداعى سميت وللەنسكي سيىر قابىرعاسى تاماعامجايىندا ايگىلى شونجار، قارجىگەر  بافيتپەن تۇسكى استا بىرگە بولادى. بۇدان بۇرىنعى ەڭ جوعارى رەكورد 2019-جىلى جاراتىلىپ، 4 ميلليون 600 مىڭ امەريكا دوللارىنا كەلىسكەن.

 

ا ق ش فەدراتسياسى اقپارات اگەنتتىگىنىڭ حابارىنا نەگىزدەلگەندە،  بافيت وزىمەن تۇسكى استا بىرگە بولۋ ورايىن باسەكەلەستىرە ساتۋ قيمىلىنىڭ بيىل ەڭ سوڭعى رەت وتكىزىلۋى ەكەندىگىن ايتقان.

 

اتالمىش باسەكەلەستىرىپ ساتۋ قيمىلىن  بافيتتىڭ قايتىس بولعان زايىبى سۋسان 2000-جىلى باستاعان ەكەن. جىلىنا ءبىر رەت وتكىزىلەتىن بۇل قيمىل 2020-جىلى جانە 2021-جىلى جاڭا تيپتى ايدارشا ۆيرۋس وكپە قابىنۋ ىندەتىنىڭ تارالۋى سەبەپتى كۇشىنەن قالعان. ايتا كەتۋگە ءتيىستى ءبىر جايت، بۇل باسەكەلەستىرىپ ساتۋ قيمىلى – ءبىر ءتۇرلى يگىلىك سيپاتتى قيمىل بولىپ، بۇدان تۇسكەن قارجى سان – فرانسيسكو قالاسىنداعى گراد قور قوعامىنا كومەك رەتىندە بەرىلەتىن بولىپ، قازىرگە دەيىن بۇل قايىر – ساحابات قۇرىلىمىنا 53 ميلليون امەريكا دوللارى كومەككە بەرىلگەن. اتالمىش قۇرىلىم بۇل قارجىنى پاناسىز جەتىم-جەسىرلەرگە، كەدەي-كەپشىكتەرگە كومەك رەتىندە اتايدى ەكەن. ونىڭ ۇستىنە  بافيتتىڭ قايتىس بولعان زايىبى سۋسان كەزىندە وسى قۇرىلىمدا ەرىكتى بولىپ قىزمەت ىستەگەن.

 

سوندىقتان دا «بافيتپەن تۇسكى استا بىرگە بولۋ» ورايىن باسەكەلەستىرىپ ساتۋ قيمىلى، استە، باي-ماناپتاردىڭ كول-كوسىر بايلىعىن ايگىلەۋ ەمەس، قايتا، يگىلىك سيپاتتى قيمىل ەكەندىگىن ءبىلىپ قويىڭىز.

 

بافيت بيىل 8-ايدا 92 جاسقا كەلەدى. فرانسيا اقپارات اگەنتتىگىنىڭ فۋپبيس تورابىنىڭ ساندىق مالىمەتىنەن سيتات كەلتىرگەن حابارىندا بيىل 3-ايدا  بافيتتىڭ بايلىعى 117 ميلليارد امەريكا دوللارىنا جەتكەندىگى ايتىلعان.

 

اۋدارعان: جارقىن تۇسەن ۇلى

 

中央广播电视总台 央广网 版权所有

بافيتپەن «داستارقانداس» بولۋعا ءالىڭىز جەتەمە؟

2018-جىلى 5-ايدىڭ 5-كۇنى ا ق ش — تىڭ نەبراسكا شتاتىنىڭ وماحا قالاسىندا بەكشير حاساۆي سەرىكتىگى القالار كەڭەسىنىڭ ءتوراعاسى وللەن بافيت (سولدان 2-ادام) جارناگەرلەر ءماجىلىسى اشىلۋدان بۇرىن اقپارات قۇرالدارىنىڭ تىلشىلىگىن قابىلداۋدا. شينحۋا اگەنتتىگىنىڭ ءتىلشىسى ۋاڭ يىن فوتوسى.