ينفورماتسيا اشكەرەلەۋ: mzjubao@cnr.cn

وزەكتى ماقالالار

ءومىرىڭىزدى وزگەرتەتىن 10 عيبىرات

来源:央广网     |责编:达吾力别克|     发布日期: 2022-06-23 09:56

 

ءومىرىڭىزدى وزگەرتەتىن 10 عيبىرات

1

ۋاقىتتى ويلانۋعا جۇمساۋ—ۋاقىت ۇنەمدەۋدىڭ ەڭ جاقسى امالى

ۋاقىت—ءومىر دەپ ايتامىز، الايدا ادامدار ۋاقىتىنىڭ كوبىن«بۇزىپ-جارۋعا» جۇمسايدى، العا قاراي جۇگىرە بەرگەندى عانا بىلەدى،-دە، «ويلانۋ» دەيتىن باسقىشتى ۇمىتىپ كەتەدى، بۇل ءبىر ءتۇرلى كوزگە كورىنبەيتىن شىعىن. قۇنىپەرەن بولىپ شاپقىلاي بەرگەنشە، ارەدىك دامىلداپ جوسپار جاساساڭ، جۇمىس ونىمدىلىگى جوعارىلاپ، ۋاقىتىڭ ۇنەمدەلەدى. 

 

2

ءوزىڭدى وزگەرتۋ ازاپ بولعانمەن، وزگەرمەسەڭ ازاپ تارتاسىڭ

كوپ جاعدايدا، بولماشى وزگەرىستىڭ ءوزى ۇلكەن پايدا اكەلىپ جاتادى. توڭمويىندىقتى تاستاپ، ءوزىڭدى وزگەرتۋگە كىرىسسەڭ، ويلانۋ ءتاسىلىڭدى وزگەرتسەڭ، كوز اياڭدى كەڭەيتسەڭ، كوپ ماسەلە وزدىگىنەن شەشىم تاباتىن بولادى. 

 

3

ساتسىزدىكتى وراي دەپ ءبىلۋ كەرەك

ۇزدىك ادامدار ساتسىزدىكتى وراي دەپ بىلۋگە داعدىلانعان. تابىسقا جەتۋ جولىندا كوپتەگەن بۇراڭدىقتار كەزىگەدى، ءبىراق استە سۋىنىپ قالماۋ كەرەك. ساتسىزدىكتەن تاجىريبە قورتۋ، سول ساتسىزدىكپەن سالىستىرعاندا الدە قايدا قۇندى بولادى. كوپ جاعدايدا، داعدارىستىڭ ءوزى وراي اكەلەدى، جالعاستى شىداي تۇسسەڭ، ءۇمىت ۇشقىنىن بايقاپ قالۋىڭ عاجاپ ەمەس. 

 

4

جۇمىس پەن دەمالىس جۇيەلى بولسا، ومىردەگى %80 قيىن ماسەلە شەشىم تابادى

دەنساۋلىق--تىرەك، جاقسى دەنساۋلىق بولعاندا عانا، تۇرمىس اناعۇرلىم جاقسى باعىتقا قاراي داميدى. 10 مينۋت بولسادا ارەكەت جاساۋ، 6 دا 8 ساعات قانىپ ۇيىقتاۋدىڭ وزىدە دەنساۋلىققا وتە پايدالى بولادى. قازىردان باستاپ، ءار كۇنى دەنە شىنىقتىر، جۇمىس پەن دەمالىس جۇيەلى بولسىن، ءتۇن قاتىپ جۇمىس ىستەۋدى دوعار، ۋاقىت ۇزارا كەلە بۇنىڭ ءلاززاتىن كورە باستايسىڭ. 

 

5

 قاجەتسىزگە جارماسىپ الماي، تارتىپكە ءتۇسىپ وتىرۋ كەرەك

مىناداي ءبىر شارشاۋ بولادى، ول بولسا قاي-قايداعىنى ويلاۋ؛ مىناداي ءبىر مەزى بولۋ بولادى، ول بولسا كيىم-كەشەك پەن نارسە-كەرەكتىڭ بەيبەرەكەت شاشىلىپ جاتۋى؛ مىناداي ءبىر قارىم-قاتىناس بولادى، نە ۇزۋگە كەلمەيدى نە جۇيەگە تۇسپەيدى. قاجەتسىز قارىم-قاتىناستى ازايتساق، قاجەتسىز دۇنيەلەردىڭ كوزىن جوعالتىپ وتىرساق، تۇرمىس تاپ-تۇيناقتاي رەتتى ءارى كوڭىلدى بولا تۇسەدى، بۇلاي ىستەۋ بالكىم ويلاماعان شاتتىق سيلاۋى مۇمكىن. 

 

6

دەركەزىندە ارتقا قايىرىلىپ وتىرساڭ، ءار رەتكى كەشىرمەلەرىڭ اسىل قازىناعا ايلانادى

بۇل دۇنيەدە سونشا كوپ ءونىمدى شارالار بولا تۇرا، قالايشا ساعان ەس قاتپايدى؟ بالكىم ماسەلەنىڭ قايدان شىققانىن بىلمەيتىن بولساڭ كەرەك، ۇدىرە العا تارتا بەرۋدى عانا ءبىلىپ، قايىرىلا قاراۋدى ۇمىتقان شىعارسىڭ. ارتقا قايىرىلا قاراپ وتىرۋ تاجىريبە ساباقتاردى دەركەزىندە ەسكەرتىپ وتىرۋمەن بىرگە، شيىرعا ءتۇسىپ كەتۋدەن ساقتايدى. 

 

7

تىم سەزىمتال بولما، ساعان ەشكىم كوز تىگىپ وتىرعان جوق

تۇرمىستا ەكى ءتۇرلى ادام بولادى، بىرەۋى باسقالاردىڭ كوزقاراسىنا ايىرىقشا ءمان بەرەدى، ەندى بىرەۋى باسقالار نە دەپ جاتسادا، ءوز ىرعاعىنان جازبايدى. باسقالاردىڭ كوزقاراسىنا ارتىقشا ءمان بەرسەڭ، جۇرىسىڭنەن جاڭىلىپ، ابدىراپ قالاسىڭ. ءوز اۋماعىڭدا جاسا، ءوز ىرعاعىڭدى مەڭگەرە ءبىل، سوندا عانا ەركىن جاساي الاسىڭ. 

 

8

ماسەلەگە جولىققاندا، اۋەلى ماسەلەنى ونان سوڭ كوڭىل كۇيدى ءبىر جايلى ەتۋ كەرەك

اۋىرەشىلىككە تاپ بولعاندا، كوڭىل كۇيدى تەجەي الماي قالامىز. الايدا بۇنداي كەزدەردە ماسەلەنى قايىرىپ قويىپ، اشۋ-ىزاعا ىرىق بەرە بەرەتىن بولساق، قاجىر-قايرات پەن جىگەرىمىز سولعىنداي بەرەدى. اشۋ-ىزا ماسەلەدەن تۋىندايدى، كوڭىل كۇيدى ساباسىنا ءتۇسىرۋدىڭ كىلتى ماسەلەنى شەشۋدە. ماسەلە شەشىم تاپسا بولعانى، ناشار كوڭىل كۇيدىڭ تامىرىنا بالتا شابىلادى. 

 

9

ىستەۋگە ءتيىستى ءىسىڭدى كوڭىلىڭ قالاماسادا ىستەۋىڭ كەرەك

قيىن ءىستى بىلە تۇرىپ ىستەۋ تولىسۋدىڭ بەلگىسى. جان تىنىشتىعىن عانا كۇيتتەسەڭ، ءوز ءورىسىڭدى ءوزىڭ تارايتقان بولاسىڭ. قۋىرشاق قۇرتتان ادەمى كوبەلەككە ايلانۋدىڭ ءبىرىنشى باسقىشى جان تىنىش ورتانى قيىپ، ىستەۋگە ءتيىستى ءىسىڭدى كوڭىلىڭ قالاماسادا ىستەپ قالۋ. 

 

10

«ەرتەڭ ىستەيمىن» دەۋ مەن «ماڭگى ىستەمەيمىن» دەۋ ۇقساس نارسە

دەنە شىنىقتىرۋ كارتوچكاسىن ءبىتىرىپ الىپ، كارتوچكانىڭ ۋاقىتى وتكەنگە دەيىن بىردە ءبىر رەت بارىپ قويمايمىز؛ كىتاپ ساتىپ الىپ، ەرتەڭنەن باستاپ وقىماسام بولمايدى دەيمىز،-دە، جىل وتكەنشە بەتىن اشپايمىز. ءبىز«ەرتەڭ ىستەرمىن» دەگەندى سىلتاۋعا ايلاندىرىپ العانبىز، الايدا بۇل ءسوزدىڭ«ماڭگى ىستەگىم كەلمەيدى»دەگەن ماعىنا بەرەتىنىن اڭعارمايمىز. سوندىقتان، ىستەگىڭ كەلسە دەرەۋ قيمىلدا، ءبىرىنشى قادامدى باسقانىڭ تابىستىڭ تەڭ جارتىسىنا قول جەتكىزگەنىڭ بولادى. 

 

اۋدارعان: جەڭىس جىكباس ۇلى

 

 

中央广播电视总台 央广网 版权所有

ءومىرىڭىزدى وزگەرتەتىن 10 عيبىرات

ۋاقىتتى ويلانۋعا جۇمساۋ—ۋاقىت ۇنەمدەۋدىڭ ەڭ جاقسى امالى