ج ك پ ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى جيڭ حايپىڭعا «ەرەكشە دارەجەلى عارىش ەڭبەك وردەنىن» بەرۋ، جۋ ياڭجۋ مەن گۇيحايچاۋعا «قاھارمان عارىشكەر» داڭقتى اتاعىن بەرۋ ءارى «ءۇشىنشى دارەجەلى عارىش ەڭبەك وردەنىن» بەرۋ قاۋلىسىن جاريالادى

ءوز حابارىمىز. ج ك پ ورتالىق كوميتەتى، مەملەكەتتىك كەڭەس، ورتالىق اسكەر كوميتەتى 4-ايدىڭ 18-كۇنى جيڭ حايپىڭعا «ەرەكشە دارەجەلى عارىش ەڭبەك وردەنىن»؛ جۋ ياڭجۋ مەن گۇي حايچاۋعا «قاھارمان عارىشكەر» اتاعىن بەر جانە «3-دارەجەلى عارىش ەڭبەك وردەنىن بەرۋ» قاۋلىسىن جاريالادى، قاۋلىنىڭ تولىق مازمۇنى تومەندەگىدەي:

2023-جىلى 5-ايدىڭ 30-كۇنى شىنجوۋ 16-ءنومىرلى عارىشقا ادام الىپ ۇشاتىن الەم كەمەسى ءساتتى ۇشىرىلدى، عارىشكەر جيڭ حايپىڭ، جۋ ياڭجۋ، گۇي حايچاۋ الەم كەمەسى تيانحى ورتالىق كابيناسىنا ءساتتى ورنالاسىپ، وربيتادا 5 اي تۇرىپ، ىلگەرىندى-كەيىندى ءبىر رەت كابينادان شىعۋ قيمىلىن جۇرگىزىپ، ءبىر رەت عارىشتا ساباق ءوتتى، ءبىر قىدىرۋ كەڭىستىك عىلمي تاجىريبەلەرى مەن قولدانىلمالى كوتەرىمدىلىك وربيتا ناقتى سىناق تەكسەرۋ ورىستەتىپ، كەڭىستىك پۋنكتىندەگى «ءۇش بولمە، ءۇش كەمە» قۇرىلماسىنداعى تەكشە باسقارۋ، كۇتىمدەۋ جۇمىستارىن ورىنداپ، 2023-جىلى 10-ايدىڭ 31-كۇنى امان-ەسەن قايتىپ كەلدى. بۇل ينجەنەريا «شىنجوۋ 16-ءنومىرل عارىشقا ادام الىپ ۇشۋ مىندەتى الەم كەڭىستىگى پۋنكيتى جالپى بەتتىك قۇرىلۋى، عارىشقا ادام الىپ ۇشۋ ينجەنەرياسى قولدانۋ جانە دامۋ جاڭا باسقىشىنا قادام قويۋداعى تۇڭعىش رەتكى عارىشقا ادام الىپ ۇشۋ مىندەتى بولىپ تابىلادى، تۇڭعىش رەت الەم كەمە شوفەرى، عارىشقا ۇشۋ ينجەنەرى، جۇك كوتەرىمدىلىك مامان قاتارلى ءۇش ءتۇرلى تيپتەگى الەم ۇشقىشى بىرگە مىندەت اتقاردى. بۇل جۇڭگونىڭ عارىش ىستەرى جوعارى ورەلى عىلىم-تەحنيكاسىندا ءوز كۇشىنە سۇيەنە الۋەتتەنۋىندە تىڭ قادام تاستاپ، عارىش ىستەرىندە ەگەي ەل قۇرۋدى تەزدەتۋدە تىڭ ىلگەرلەۋگە قول جەتكىزگەندىگىنەن دەرەك بەرەدى، ەلىمىزدىڭ جالپىلىق مەملەكەت قۋاتىن جوعارىلاتۋ جانە جۇڭحۋا ۇلتىنىڭ ۇيىسقىشتىعىن كۇشەيتۋ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاسا كۇرەس جۇرگىزىپ، جۇڭگو ۇلگىسىندەگى وسىزامانداندىرۋ جاڭا داستانىن قۇلشىنا جازۋ جونىنەن كەلەلى ماڭىز الادى.

شىنجوۋ 16-ءنومىرلى عارىشقا ادام الىپ ۇشۋ مىندەتىنىڭ تولىق تابىستى بولۋى قالىڭ عىلىم-تەحنيكا قىزمەتكەرلەرىنىڭ، عارىشكەرلەردىڭ، كادرلار مەن جۇمىسشى-قىزمەتكەرلەردىڭ، ازاتتىق ارميا كوماندير-جاۋىنگەرلەرىنىڭ اقىل-پاراساتى مەن قاجىرلى ەڭبەگىنىڭ ارقاسى. جيڭ حايپىڭ، جۋ ياڭجۋ، گۇي حايچاۋ جولداستار سولاردىڭ كورنەكتى ۋاكىلدەرى، ولار وتان ءۇمىتىن اقتاۋعا بەل بايلاپ، مىندەتكە ادال بولىپ، جاپا-ماشاقاتتان قورىقپاي، ىنتىماقتاسا سەلبەسىپ، دۇنيە جۇزىنە قۇدىرەتتى جۇڭگو رۋحىن، جۇڭگو كۇشىن ايگىلەدى. جيڭ حايپىڭ جولداس عارىشقا ادام الىپ ۇشۋ مىندەتىن 4 رەت اتقارىپ، 3 رەت بۇيرىق بەرىپ، عارىشقا ادام الىپ ۇشۋ مىندەتىن ەڭ كوپ ورىنداعان جۇڭگولىق عارىشكەرگە اينالدى. جۋ ياڭجۋ جولداس قايسار دا باتىل بولىپ، باتىلدىقپەن سايىس جاريالاپ، دەن قويا جۇمىس جۇرگىزىپ، ەلىمىزدەگى عارىشقا ادام الىپ ۇشۋ مىندەتىن اتقارعان، كابينادان شىعۋ قيمىلىن ورىستەتكەن تۇڭعىش عارىشقا ۇشۋ ينجەنەرى بولدى. گۇي حايچاۋ جولداس جاپالى جاتتىعۋ جاساپ، قات-قابات سىناقتاردى باستان كەشىرىپ، شىنجوۋ 16-ءنومىرلى الەم كەمەسىنىڭ ۇشۋ گرۋپپاسىنا داڭقپەن تاڭدالىپ، ەلىمىزدىڭ عارىشقا ادام الىپ ۇشۋ مىندەتىن اتقاراتىن تۇڭعىش جۇك كوتەرىمدىلىك مامانىنا اينالدى. ولاردىڭ مەملەكەتىمىزدىڭ عارىشقا ادام الىپ ۇشۋ ىستەرىنە ۇلەس قوسقاندىعىن ماداقتاۋ ءۇشىن، ج ك پ ورتالىق كوميتەتى، مەملەكەتتىك كەڭەس، ورتالىق اسكەر كوميتەتى جيڭ حايپىڭ جولداسقا «ەرەكشە دارەجەلى عارىش ەڭبەك وردەنىن»؛ جۋ ياڭجۋ مەن گۇي حايچاۋعا «قاھارمان عارىشكەر» اتاعىن بەر جانە «3-دارەجەلى عارىش ەڭبەك وردەنىن» بەرۋدى بەلگىلەدى.

جيڭ حايپىڭ، جۋ ياڭجۋ، گۇي حايچاۋ جولداستار اۋەلگى ماقساتتى ۇمىتپاي، بورىشتى ەستە بەرىك ساقتاپ، وسكەلەڭ ىستەرگە ءوزىن ارناعان ءداۋىر اتويشىلارى، عارىشقا ىزدەنىس جاساۋدىڭ، عارىش ارمانىن جۇزەگە اسىرۋدىڭ، عارىش ىستەرىندە ەگەي ەل قۇرۋدىڭ ۇلگىسى. پارتيا ورتالىق كوميتەتى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20-قۇرىلتايىنىڭ رۋحىن جالپى بەتتىك دايەكتەندىرىپ، ماداقتالعان عارىشكەرلەردى ۇلگى ەتىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، «ەكى بومبى، ءبىر سەرىك» رۋحىن جانە عارىشقا ادام الىپ ۇشۋ رۋحىن بارىنشا اسقاقتاتىپ، سەنىمدى بەكەمدەپ، ءوزىن الۋەتتەندىرىپ، ءبىر نيەت، ءبىر تىلەكپەن قايراتتانا ۇمتىلىپ، ەرلىكپەن العا باسىپ، جۇڭگو ۇلگىسىندەگى وسىزامانداندىرۋ ارقىلى قۇدىرەتتى ەل قۇرۋدى، ۇلتتى كوركەيتۋ ۇلى ءىسىن جالپى بەتتىك ىلگەرىلەتۋ جولىندا ىنتىماقتاسا كۇرەس جۇرگىزۋگە ۇندەيدى.