شي جينپيڭ مەن چاۋشياننىڭ ەڭ جوعارى باسشىسى جين جىڭىن جۇڭگو مەن چاۋشياننىڭ ديپلوماتيالىق قاتىناس ورناتقاندىعىنىڭ 75 جىلدىعى جونىندە ءوزارا قۇتتىقتاۋ تەلەگرامماسىن جولدادى

ءوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن چاۋشيان ەڭبەك پارتياسىنىڭ باس شۋجيى، مەملەكەت ىستەر كوميتەتىنىڭ باسشىسى جين جىڭىن 10-ايدىڭ 6-كۇنى ءوزارا قۇتتىقتاۋ تەلەگرامماسىن جولداپ، ەكى ەل ديپلوماتيالىق قاتىناس ورناتقاندىعىنىڭ 75 جىلدىعىن قىزۋ قۇتتىقتادى.

شي جينپيڭ بىلاي دەپ اتاپ كورسەتتى: 75 جىلدىڭ الدىندا جۇڭگو مەن چاۋشيان رەسمي ديپلوماتيالىق قاتىناس ورناتىپ، ەكى ەل قاتىناسىنىڭ جاڭا تاريحي تاراۋىن اشتى، بۇل ءداۋىر بولگىش ماڭىزدى مانگە يە. 75 جىلدان بەرى، ەكى ەل حالىق اكىمياتىن بەكەمدەۋ، مەملەكەتتىڭ يەلىك ۇقىعىن قورعاۋ كۇرەسىندە ءبىرىن-ءبىرى قولداپ، اۋىس-كۇيىستى، سەلبەستىكتى كۇشەيتۋ، سوتسياليستىك قۇرىلىستى ىلگەرىلەتۋ جولىندا قول ۇستاسا العا باسىپ، ءوڭىردىڭ بەيبىتشىلىگى مەن ورنىقتىلىعىن جەبەۋ، حالىقارالىق تەڭدىك پەن ادىلدىكتى قورعاۋ ىستەرىندە تىعىز سەلبەستى. جۇڭگو مەن چاۋشياننىڭ ءداستۇرلى دوستىعى ءداۋىر وزگەرىسى مەن حالىقارالىق اۋمالى-توكپەلى جاعدايدىڭ سىنىنان ءوتىپ، ەكى ەلدىڭ جانە ەكى ەل حالقىنىڭ ورتاق باعالى بايلىعىنا اينالدى.

شي جينپيڭ بىلاي دەپ باسا دارىپتەدى: مەن جۇڭگو-چاۋشيان قاتىناسىنىڭ دامۋىنا ايرىقشا ءمان بەرەمىن، تاياۋ جىلداردان بەرى باس شۋجي جين جىڭىنمەن تالاي رەت كەزدەستىم ءارى حات-تەلەگرامما جولداۋ ارقىلى قويۋ قاتىناستى ساقتاپ، جۇڭگو-چاۋشيان قاتىناسىنىڭ ىشكەرىلەي دامۋىنا بىرگە جەتەكشىلىك ەتتىك جانە ونى ىلگەرىلەتتىك. جاڭا ءداۋىر، جاڭا جاعدايدا، جۇڭگو جاق چاۋشيان جاقپەن بىرگە ەكى ەلدىڭ ديپلوماتيالىق قاتىناس ورناتقاندىعىنىڭ 75 جىلدىعىن وراي ەتىپ، ستراتەگيالىق قارىم-قاتىناستى، سايكەسۋدى كۇشەيتىپ، دوستىق اۋىس-كۇيىستى، سەلبەستىكتى تەرەڭدەتىپ، جۇڭگو مەن چاۋشياننىڭ ءداستۇرلى دوستىعىنىڭ جاڭا تاراۋىن ۇزدىكسىز جازىپ، ەكى ەلدىڭ سوتسياليزم ىستەرىنىڭ ورنىقتى، باياندى دامۋىن بىرگە ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايدى.

جين جىڭىن بىلاي دەدى: 75 جىلدىڭ الدىندا چاۋشيان دەموكراتيالىق حالىق رەسپۋبليكاسى جۇڭحۋا حالىق رەسپۋبليكاسىمەن رەسمي ديپلوماتيالىق قاتىناس ورناتتى، چاۋشيان مەن جۇڭگونىڭ دوستىق قاتىناسى جاڭا تاريحي دامۋ كەزەڭىنە ءوتتى. 75 جىلدان بەرى، ەكى پارتيا، ەكى ەل ءوز ىستەرىنىڭ دۇرىستىعى جونىندە بەرىك سەنىم ۇستانىپ، ءتۇرلى سىناقتار مەن سىن-سايىستاردى جەڭىپ، سوتسياليزم جولىندا ەرلىكپەن العا باستى. ۇزاق تاريحقا جانە تاڭداۋلى داستۇرگە يە چاۋشيان مەن جۇڭگونىڭ دوستىعىنا بۇرىنعىداي مۇراگەرلىك ەتۋ جانە ونى دامىتۋ ەكى ەلدىڭ ءتۇبىرلى مۇددەسىنە ۇيلەسەدى.

چاۋشيان پارتياسى مەن ۇكىمەتى جاڭا ءداۋىردىڭ تالابىنا ساي، چاۋشيان مەن جۇڭگونىڭ دوستىق سەلبەستىك قاتىناسىن بەكەمدەۋ جانە دامىتۋ ءۇشىن ۇزدىكسىز قۇلشىنادى. جۇڭگو حالقىنىڭ باس شۋجي شي جينپيڭدى ۇيتقى ەتكەن جۇڭگو كوممۋنيستىك پارتياسىنىڭ باسشىلىعىندا، سوتسياليستىك وسىزاماندانعان مەملەكەتتى جالپى بەتتىك قۇرۋ ساپارىندا ۇزدىكسىز تىڭ تابىستارعا قول جەتكىزۋىن تىلەيمىن.