ءوز حابارىمىز. باس شۋجي شي جينپيڭنىڭ مەملەكەتتى جالپى بەتتىك زاڭمەن باسقارۋ قىزمەتى جونىندەگى ماڭىزدى نۇسقاۋى قالىڭ كادرلار مەن بۇقارا اراسىندا كۇشتى اڭىس قوزعادى. كوپشىلىك بىلاي دەستى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتەندىرىپ، شي جينپيڭ زاڭمەن باسقارۋ يدەياسىن ىشكەرىلەي امالياتتا ايگىلەپ، تۋرا جولدان كوز جازباي جاڭالىق جاراتىپ، ورنىقتىلىق بارىسىندا العا ىلگەرىلەپ، مەملەكەتتى جالپى بەتتىك زاڭمەن باسقارۋ قىزمەتىن ويداعىداي ىستەپ، زاڭمەن باسقارىلاتىن جۇڭگو قۇرۋدا كۇش بىرىكتىرە جاڭا جاعداي جاراتامىز.

مەملەكەتتى جالپى بەتتىك زاڭمەن باسقارۋ مەملەكەتتى قۇدىرەتتەندىرۋ قۇرىلىسى، ۇلتتى كوركەيتۋ ۇلى ءىسى جونىنەن توتەنشە كەلەلى ماڭىز الادى. كوپشىلىك بىلاي دەستى: باس شۋجي شي جينپيڭنىڭ ماڭىزدى نۇسقاۋىندا مەملەكەتتى جالپى بەتتىك زاڭمەن باسقارۋدىڭ ستراتەگيالىق، جالپى جاعدايلىق، باعىتتىق ماسەلەلەرى اناعۇرلىم ايقىندالىپ، سوتسياليستىك زاڭمەن باسقارۋ قۇرىلىسىنىڭ زاڭدىلىعى جونىندەگى تانىم تەرەڭدەتىلىپ، جاڭا جورىقتا مەملەكەتتى جالپى بەتتىك زاڭمەن باسقارۋدى ىلگەرىلەتۋگە ايقىن العا باسۋ بەتالىسى كورسەتىلدى. ورتالىق ساياسي-زاڭ كوميتەتى 6-مەكەمەسىنىڭ باستىعى جوۋ تاۋ بىلاي دەدى: باس شۋجي شي جينپيڭنىڭ ماڭىزدى نۇسقاۋىندا پارتيا 18-قۇرىلتايىنان بەرگى زاڭمەن باسقارىلاتىن جۇڭگو قۇرۋدا قول جەتكەن تاريحي تابىستار تولىق تۇراقتاندىرىلىپ، كەزەكتەگى جانە بۇدان بىلايعى ءبىر مەزگىلدەگى مەملەكەتتى جالپى بەتتىك زاڭمەن باسقارۋ ءتۇيىندى مىندەتتەرى ايقىندالدى.ءبىز مۇقيات ۇيرەنىپ، ءتۇسىنىپ، عىلمي جولمەن زاڭ شىعارۋدى، زاڭدى قاتاڭ اتقارۋدى، ءادىليادا ءادىل بولۋدى، تۇتاس حالىقتىڭ زاڭعا بويسۇنۋىن جالپى بەتتىك ىلگەرىلەتىپ، مەملەكەتتىڭ ءار جاقتاعى قىزمەتتەرىن زاڭمەن باسقارۋدى جالپى بەتتىك ىلگەرىلەتىپ، زاڭمەن باسقارىلاتىن جۇڭگو قۇرۋدا ۇزدىكسىز جاڭا جاعداي جاراتۋعا بەلسەندى ۇلەس قوسۋعا كۇش سالامىز.

ەڭ جوعارى حالىق سوتى مەكەمەسى زەرتتەۋ كەڭسەسى مەڭگەرۋشىسىنىڭ ورىنباسارى سى يانلي بىلاي دەدى: شي جينپيڭ زاڭمەن باسقارۋ يدەياسىنىڭ عىلمي جەتەكشىلىگىندە، زاڭمەن باسقارىلاتىن جۇڭگو قۇرۋدا جۇيەلى، جالپى جاعدايلىق، تىڭ تابىستارعا قول جەتتى. ءبىز باستان-اياق «ەگەر مەن ءوزىم ارىزدانۋشى بولسام» دەگەن تانىم جانە ىقىلاس ارقىلى حالىق بۇقاراسىنا ءاربىر ءادىليالىق دەلودان تەڭدىك پەن ادىلدىكتى سەزىندىرۋگە كۇش سالامىز.

ەڭ جوعارى حالىق پروكۋراتۋراسى زاڭ-ساياسات زەرتتەۋ كەڭسەسىنىڭ مەڭگەرۋشىسى ياڭ جيانبو بىلاي دەدى: مەملەكەت بويىنشا پروكۋراتۋرا ورگاندارى زاڭدىق باقىلاۋ مىندەتىن زاڭ بويىنشا ادالدىقپەن اتقارىپ، شي جينپيڭ زاڭمەن باسقارۋ يدەياسىنىڭ پروكۋراتۋرا امالياتىن ۇزدىكسىز ىلگەرىلەتىپ، ءاربىر دەلونى جوعارى ساپامەن، ءونىمدى تۇردە ويداعىداي ىستەپ، مەملەكەتتى جالپى بەتتىك زاڭمەن باسقارۋدىڭ ورنىقتى، باياندى بولۋىن اناعۇرلىم ويداعىداي ىلگەرىلەتۋگە كۇش سالۋ كەرەك.

ءادىليا مينيسترلىگى حالىقتىڭ ات سالىسۋىن جانە زاڭمەن باسقارۋدى ىلگەرىلەتۋ مەكەمەسىنىڭ باستىعى دۋ ياليڭ بىلاي دەدى: جاڭا داۋىردەگى «فىڭچياۋ تاجىريبەسىنە» تاباندى بولىپ جانە دامىتىپ، دەموكراتيالى زاڭمەن باسقارۋ ۇلگى قىستاقتارىنىڭ، الەۋمەتتىك رايونداردىڭ ۇلگىلىك، جەتەكشىلىك رولىن ساۋلەلەندىرىپ، پارتيا ۇيىمىنىڭ ءوزىن-ءوزى باسقارۋى، زاڭمەن باسقارۋى، مورالمەن باسقارۋى ءوزارا ۇشتاسقان قالا، اۋىل نەگىزگى ساتى باسقارۋ جۇيەسىن كۇش سالا اقاۋسىزداندىرىپ، زاڭمەن باسقارۋ مەن رەفورما، دامۋ، ورنىقتىلىق ءوزارا سايكەسۋگە، قوعامدىق تەڭدىك پەن ادىلدىكتى قامتاماسىز ەتۋگە جانە جەبەۋگە اناعۇرلىم نازار اۋدارىپ، زاڭمەن باسقارۋدىڭ قوعامدىق نەگىزىن ۇزدىكسىز بەكەمدەپ، نەگىزگى ساتىنى زاڭمەن باسقارۋ دەڭگەيىن جوعارىلاتۋعا كۇش سالۋ كەرەك.

قالىڭ كادرلار مەن بۇقارا بىلاي دەستى: پارتيا 20-كەزەكتى ورتالىق كوميتەتى ءتورتىنشى جالپى ماجىلىسىندەگى ستراتەگيالىق ورنالاستىرۋلاردى دايەكتى تياناقتاندىرۋدى توڭىرەكتەپ، تۋرا جولدان كوزجازباي جاڭالىق جاراتىپ، ورنىقتىلىق بارىسىندا العا باسىپ، مەملەكەتتى جالپى بەتتىك زاڭمەن باسقارۋ قىزمەتىن ويداعىداي ىستەپ، زاڭمەن باسقارۋ ارقىلى ءتۇزىم باسىمدىعىن بەكەمدەپ جانە ايگىلەپ، جوعارى ساپالى دامۋدى زاڭمەن باسقارۋ جاعىنان قامتاماسىز ەتۋگە كۇش سالامىز. چۇڭچيڭ قالالىق پروكۋراتۋرا مەكەمەسى ازامات جاسىنا تولماعانداردى قورعاۋ قىزمەت توبىنىڭ ۋاكىلى، تاياۋدا «ءداۋىر ونەگەسى» اتاعىن العان، چۇڭچيڭ قالالىق حالىق پروكۋراتۋرا مەكەمەسى ازامات جاسىنا تولماعاندار پروكۋراتۋرا ءبولىمى مەڭگەرۋشىسىنىڭ ورىنباسارى گۇڭ شان بىلاي دەدى: ءبىزدىڭ قوسىنىمىز شي جينپيڭ زاڭمەن باسقارۋ يدەياسىن ۇزدىكسىز ىشكەرىلەي ۇيرەنىپ، امالياتتا ايگىلەپ، ازامات جاسىنا تولماعان بالالاردى زاڭ ارقىلى قورعاۋعا، مەيىرىم ارقىلى قوعامدىق قولامتالى ىستەردى تۇسىندىرۋگە تاباندى بولىپ، زاڭ مەن مەيىرىمنىڭ بىرلىگى بارىسىندا ازامات جاسىنا تولماعانداردىڭ قىلمىس وتكىزۋىنەن ساقتانۋدى جانە باسقارۋدى ىلگەرىلەتىپ، ءار قايسى جاقتارمەن قول ۇستاسا، بالالاردىڭ اقاۋسىز ەسەيىپ-ەرجەتۋىنە زاڭمەن باسقارۋ كىرشىكسىز ورتاسىن جاراتۋعا كۇش سالامىز.

فۋجيان ولكەسى جاڭجوۋ قالالىق قوعام حاۋىپسىزدىگى مەكەمەسى ساياسي ءبولىمىنىڭ مەڭگەرۋشىسى چىن ۋيزى بىلاي دەدى: جاڭجوۋداعى بۇقارا اراسىندا «الىستاعى تۋىستان جاقىنداعى كورشى ارتىق»، «جاقىن كورشىدەن جاڭجوۋ 110 ارتىق» دەگەن ءسوز بار. «جاڭجوۋ 110» قۇرىلعاننان بەرى باستان-اياق اۋەلگى ماقساتتان كوز جازباي، حالىق ءۇشىن ادالدىقپەن قىزمەت ىستەدى. ءبىز باس شۋجيدىڭ تاپسىرماسىن ەستە بەرىك ساقتاپ، اناعۇرلىم جوعارى ولشەم، اناعۇرلىم قاتاڭ تالاپ، اناعۇرلىم ناقتى ستيل ارقىلى زاڭدى قاتاڭ، جۇيەلى، ءادىل، وركەنيەتتى اتقارۋدى ۇزدىكسىز ىلگەرىلەتىپ، حالىق بۇقاراسىنا ءاربىر دەلونى ءبىر جاقتى ەتۋ، ءاربىر ءىستى ءبىر جاقتى ەتۋ بارىسىندا تەڭدىك پەن ادىلدىكتى سەزىندىرۋگە كۇش سالامىز.

زاڭ — مەملەكەتتى باسقارۋدىڭ ماڭىزدى قۇرالى. زاڭمەن باسقارۋدى نەعۇرلىم دارىپتەگەن سايىن، زاڭ شىعارۋ ساپاسىن سولعۇرلىم جوعارىلاتۋ كەرەك. حۇڭچياۋ كوشە باسقارماسى — مەملەكەتتىك حالىق قۇرىلتايى تۇراقتى كوميتەتى زاڭ قىزمەتى كوميتەتىنىڭ بۇكىل ەل كولەمىندە قۇرعان تۇڭعىش توپتاعى نەگىزگى ساتى زاڭ شىعارۋ بايلانىس تۇيىندەرىنىڭ ءبىرى. حۇڭچياۋ كوشە باسقارماسى پارتيا قىزمەتى كوميتەتىنىڭ شۋجيى گو كاي بىلاي دەدى: ءبىز باس شۋجيدىڭ ماڭىزدى نۇسقاۋىنىڭ رۋحىن ىشكەرىلەي دايەكتى تياناقتاندىرىپ، قىزمەت مەحانيزمىن ۇزدىكسىز ساپالاندىرىپ، حالىق تىلەگىنە اناعۇرلىم ويداعىداي قۇلاق اسىپ جانە ۇيىستىرىپ، بۇقارانىڭ «جاقسى امالدارىن» «زاڭ شىعارۋدىڭ توتە جولىنا» ءتۇسىرىپ، «شاعىن، تەز، يكەمدى»، «شاعىن كىرىسەر تۇس» ارقىلى بۇقارانىڭ مۇڭ-مۇقتاجىن، ارمان-تىلەگىن زاڭ شىعارۋ ارناسىمەن شەشىم ەتىپ، عىلمي جولمەن زاڭ شىعارۋدى، دەموكراتيالىق جولمەن زاڭ شىعارۋدى، زاڭ بويىنشا زاڭ شىعارۋدى ىلگەرىلەتۋگە ءبىرىنشى شەپتەن اناعۇرلىم كوپ ءۇن قوسامىز.

سىچۋان ولكەسى چىڭدۋ قالاسى پيدۋ رايوندىق پارتكوم ساياسي-زاڭ كوميتەتى شۋجيىنىڭ ورىنباسارى جاڭ شياڭپيڭ بىلاي دەدى: باس شۋجيدىڭ ماڭىزدى نۇسقاۋىنىڭ تالابىنا ساي، زاڭمەن باسقارۋ ارقىلى حالىقتىڭ الاڭسىز تىرشىلىك ەتۋىن قامتاماسىز ەتۋ كەرەك، نەگىزگى ساتى باسقارۋدىڭ ءبىرىنشى شەبىندەگى قىزمەتكەر رەتىندە، مەن نەگىزگى ساتى زاڭمەن باسقارۋ قۇرىلىسىندا، ءسوز جوق، بۇقارا اراسىنا تامىر تارتىپ، حالىق تۇرمىسىنا تيىمدىلىك جاساۋ كەرەكتىگىن تەرەڭ سەزىندىم. ءبىز جاڭا داۋىردەگى «فىڭچياۋ تاجىريبەسىنە» تاباندى بولىپ جانە دامىتىپ، اناعۇرلىم كەمەلدى نەگىزگى ساتى زاڭمەن باسقارۋ تەكشەسى، اناعۇرلىم جوعارى ءونىمدى ىقپالداستىق مەحانيزمى ارقىلى نەگىزگى ساتىنى باسقارۋعا جانە قوعام اماندىعى قىزمەتىن اناعۇرلىم تىڭعىلىقتى ىستەۋگە كۇش سالامىز.