شيحۋ قالاسىنداعى 50 ەمدەۋ قىزمەتكەرى قان جاسايتىن وزەكتى كلەتكاسىن كوللەكتيۆ تىزىمدەتىپ جىلۋعا اتادى
شيحۋ قالالىق توعىسپالى مەديا ورتالعىنان: قالقابەك ماحسۇتحان ۇلى حابارلايدى . 10 ـ ايدىڭ 20 ـ كۇنى، شيحۋ قالاسى، جۇڭحۋا جىلىك مايى قامباسىنا ەنگىزىلەتىن، ەرىكتىلەردىڭ قان جاسايتىن قۇرعاق كلەتكاسىن جيناۋ سالتىن وتكىزدى، 50 شيپاگەر شيحۋدىڭ تۇڭعىش توپتاعى قان جاسايتىن وزەكتى كلەتكاسىن جىلۋعا اتاپ، وزدەرىنىڭ مەيىر ـ شاپاعاتى ارقىلى قان اۋرۋىنا شالدىققاندارعا ءۇمىت باعىشتادى.
شيحۋ قالالىق قىزىل كرەست قوعامى قان جاسايتىن وزەكتى كلەتكانى تارتۋ ەتۋ دارىپتەمەسىن جاريالادى، قالالىق حالىق شيپاحاناسىنداعى 50 ەمدەۋ قىزمەتكەرى بەلسەنە ٴۇن قوسىپ، قان جاسايتىن وزەكتى كلەتكانى تارتۋ ەتۋدى تىزىمدەۋ كەستەسىنە قولدارىن قويىپ، قان ۇلگىسىن جينادى.
شيحۋ قالالىق حالىق شيپاحاناسىنىڭ سەستراسى لي يۇيحاڭ بىلاي دەدى: مەن ەمدەۋ قىزمەتكەرىمىن، دەنەمدەگى قان جاسايتىن قۇرعاق كلەتكانى تارتۋ ەتىپ، بۇقاراعا كومەك كورسەتىپ، ٴوز ۇلەسىمدى قوسامىن.
ۇعىسۋعا قاراعاندا، قان جاسايتىن قۇرعاق كلەتكانى كوشىرۋ تەحنيكاسى كەزەكتە اق قان اۋرۋى، ليمفا وسپەسى جانە جىلىك مايى وسپەسى سياقتى قان وسپەسىن ەمدەۋدىڭ ٴبىرشاما ٴونىمدى جانە ويداعىداي ٴادىسى بولىپ، جاسى 18 دە 45 جاس ارالىعىندا، دەنساۋلىعى جاقسى، قان بەرۋ شارتىنا ۇيلەسەتىن، تەك 8 - 10 ميلليليتر قان ۇلگىسىن الىپ تەكسەرۋگە تۋرا كەلسە، قان جاسايتىن قۇرعاق كلەتكانىڭ جىلۋ اتاۋشىسى بولۋىنا بولادى.
شيحۋ قالالىق حالىق شيپاحاناسىنىڭ سەستراسى بان سۋو يان بىلاي دەدى: اق قان اۋرۋىن ەمدەۋدىڭ كوپتەگەن ادىستەرى بار، ەلىمىز مەدەتسيناسى قازىر جىلىك مايىن كوشىرۋ ارقىلى قان جاسايتىن قۇرعاق كلەتكانى كوشىرەدى، ەمدەۋ قىزمەتكەرى بولعان مەن اق قان اۋرۋىنا شالدىققانداردى قۇتقارۋ ۇشىن قان بەرۋدەن باس تارتۋىما بولمايدى دەپ ويلايمىن.
قان العاننان كەيىن دەنساۋلىعىڭىزعا ىقپال جاساي ما ؟
بان سۋو يان بىلاي دەدى: ىقپالى جوق، ويتكەنى ٴبىزدىڭ قان جۇيەمىزدە زات الماسۋ بولاتىندىقتان، كلەتكا قارتايىپ، ٴولىپ جاتادى، ونان سوڭ تاعى جاڭا كلەتكا پايدا بولادى، سوندىقتان نەگىزىنەن ەشقانداي ىقپالى بولمايدى. كوپشىلىكتىڭ الاڭسىز قان بەۋىنە بولادى.
شيحۋ قالالىق قىزىل كرەست قوعامىنىڭ ۇنەمىلىك ىستەرگە جاۋاپتى ورىنباسار باستىعى سۇي جۇنياۋ بىلاي دەدى: وسى ارادا ٴبىز تۇتاس قوعامنىڭ ٴار سالاسىنداعىلاردىڭ مەيىر ـ شاپاعات باعىشتاۋىن، قان جاسايتىن قۇرعاق كلەتكاسىن جىلۋعا اتايتىن ەرىكتىلەر قوسىنىنا بەلسەنە قاتىناسىپ، ٴتىپتى دە كوپ ناۋقاستارعا دەر كەزىندە كومەك كورسەتىپ، مەيىر ـ شاپاعات باعىشتاۋىن ۇمىت ەتەمىز.
