ٴوز حابارىمىز. حالىقارالىق استىق شىعىنىن ازايتۋ ٴماجىلىسى 9- ايدىڭ 11- كۇنى شاندۇڭ ولكەسىنىڭ جينان قالاسىندا جابىلدى. ماجىلىستە اۋىل شارۋاشىلىق ٴوندىرىسى، ٴونىم الۋ، مانەرلەۋ، اينالىم سياقتى سالالاردا استىق شىعىنىن ازايتۋعا قاتىستى 10 ٴتۇرلى ورتاق تانىمعا كەلدى. 

    اۋىل شارۋاشىلىعى، اۋىل-قىستاق مينيسترلىگى حالىقارالىق سەلبەستىك مەكەمەسىنىڭ باستىعى سۇي پىڭفەي بىلاي دەدى: ماجىلىستە «حالىقارالىق استىق شىعىنىن ازايتۋ جينالىسىنىڭ جينان دارىپتەمەسى» ءساتتى جاريالانىپ، استىق شىعىنىن ازايتۋدىڭ ءٴتۇيىندى سالاسى مەن سەلبەستىك باعىتى ورتاعا قويىلدى. دالمە-ٴدال ٴونىم الۋدى كۇش سالا ىلگەرىلەتىپ، قامبادا ساقتاۋ قۇرىلعى قۇرىلىسى مەن تيەۋ-ٴتۇسىرۋ، تاسىمالداۋ ٴتاسىلىن كەمەلدەندىرىپ، ۇيلەسىمدى مانەرلەۋدى دارىپتەپ، ۇنەمدى، اقىلدىق تۇتىنۋعا جەتەكشىلىك ەتۋ كەرەك. ۇكىمەت جەتەكشىلىك ەتىپ، شارۋا وتباسىلارى، بازار تۇلعالارى، تۇتىنۋشىلار سياقتى تۇتاس قوعام، بىرگە ات سالىسىپ، جالپى بۋىن سايكەسەتىن، جان-جاقتى بىرگە تياناقتاندىراتىن جاعداي قالىپتاستىرۋ كەرەك. 

    سوڭعى جىلداردان بەرى، ەلىمىز ىلگەرىندى-كەيىندى «استىق حاۋىپسىزدىگى ينجەنەرياسى»، «زەردەلى استىق قامباسى» قۇرىلىسى سياقتى ارناۋلى قيمىلداردى ورىستەتتى. بيىل مەملەكەتتىك استىق جانە زات زاپاسى مەكەمەسى «استىق وندىرگەننەن كەيىن استىقتى ۇنەمدەپ،استىق شىعىنىن ازايتۋ جونىندەگى اتقارۋ پىكىرىن» باسىپ تاراتىپ، وندىرىستەن كەيىنگى استىق شىعىنىن ازايتۋ سالاسىنداعى ٴتۇيىندى مىندەتتەردى ايقىندادى. مەملەكەتتىك استىق جانە زات زاپاس ساقتاۋ مەكەمەسى حاۋىپسىز قامبادا ساقتاۋ جانە عىلىم-تەحنيكا مەكەمەسىنىڭ ورىنباسار باستىعى جاڭ چىڭجى بىلاي دەدى: جابدىقتاردىڭ يقۋاتىن جوعارىلاتۋ، عىلىم-تەحنيكادا قامال الۋ جانە ۇيلەسىمدى مانەرلەۋ سياقتى تاسىلدەر ارقىلى مانەرلەپ، استىقتى ۇنەمدەپ،استىق شىعىنىن ازايتۋدى جەبەۋ كەرەك. عىلمي، وركەنيەتتى تۇتىنۋ ٴتاسىلىن كۇش سالا دارىپتەپ، ساياساتتىق پىكىرلەسۋ، تەحنيكانى جالپىلاستىرۋ، نىساننان ۇلگى كورسەتۋ سياقتى جاقتاردا ناقتى حالىقارالىق سەلبەستىك ورىستەتۋ كەرەك. 

    اۋىل شارۋاشىلىعى، اۋىل-قىستاق مينيسترلىگى حالىقارالىق سەلبەستىك مەكەمەسىنىڭ باستىعى سۇي پىڭفەي بىلاي دەدى: بۇدان كەيىن حالىقارالىق استىق شىعىىنىن ازايتۋ جينالىسى مەرزىم بويىنشا وتكىزىلىپ، مەحانيزمدەنگەن ٴماجىلسكە اينالۋى مۇمكىن. 

    اۋدارعان: سەرىك راقىم ۇلى