لي جانشۋ كوميتەت باستىقتارىنىڭ 103-رەتكى ٴماجىلىسىن باسقارىپ اشىپ، قاتىستى جوبالار مەن كەڭەس جوبالاردى قاراۋ جاعدايى جونىندەگى مالىمەتتى تىڭدادى
ٴوز حابارىمىز. 13-كەزەكتى مەملەكەتتىك حالىق قۇرىلتايى تۇراقتى كوميتەتى كوميتەت باستىقتارىنىڭ 103-رەتكى ٴماجىلىسى 10-ايدىڭ 21-كۇنى تۇستەن بۇرىن بەيجيڭ حالىق سارايىندا وتكىزىلدى. كوميتەت باستىعى لي جانشۋ ءٴماجىلىستى باسقاردى.
مەملەكەتتىك حالىق قۇرىلتايى نەگىزگى زاڭ جانە زاڭ كوميتەتىنىڭ مەڭگەرۋشى مۇشەسى لي في ماجىلىستكە وتباسى تاربيەسىن جەبەۋ زاڭى جوباسىنا وزگەرىس ەنگىزۋ پىكىرى جونىندەگى بايانداما، قۇرلىق شەكاراسى زاڭ جوباسىنا وزگەرىس ەنگىزۋ پىكىرى جونىندەگى بايانداما، قازىنالىق باقىلاۋ زاڭىنا وزگەرىس ەنگىزۋ قاۋلى جوباسىنا وزگەرىس ەنگىزۋ پىكىرى جونىندەگى بايانداما، مەملەكەتتىك كەڭەسكە ساۋدا ورتاسىندا جاڭالىق جاراتۋدى تۇيىندە سىناق ەتكەن قالالاردا ولشەم زاڭىنىڭ قاتىستى بەلگىلەمەلەرىن ۋاقىتشا رەتتەپ قولدانۋعا ۇقىق بەرۋ جونىندەگى قاۋلى جوباسىن قاراۋ ناتيجەسى جونىندەگى بايانداما، قورعانىستىق جۇمىلدىرۋ ٴتۇزىلىس رەفورماسىن تەرەڭدەتۋ مەزگىلىندە قاتىستى زاڭدىق بەلگىلەمەلەردى ۋاقىتشا رەتتەپ قولدانۋ جونىندەگى قاۋلى جوباسىن قاراۋ ناتيجەسى جونىندەگى بايانداما قاتارلىلاردى جاسادى. نەگىزگى زاڭ جانە زاڭ كوميتەتى تۇراقتى كوميتەت ٴماجىلىسىنىڭ قاراۋ پىكىرىنە ساي، قاتىستى جوبالاردىڭ وزگەرىس ەنگىزىلگەن نۇسقاسىن العا قويدى.
مەملەكەتتىك حالىق قۇرىلتايى سىرتقى ىستەر كوميتەتىنىڭ مەڭگەرۋشى مۇشەسى جاڭ يەسۇي ماجىلىسكە «جۇڭحۋا حالىق رەسپۋبليكاسى مەن چيلي رەسپۋبليكاسىنىڭ قىلمىستىلاردى وتكىزىپ بەرۋ-وتكىزىپ الۋ شارتىن»، «سوقىرلارعا، كورۋ قۋاتى كەدەرگىگە ۇشىراعاندارعا نەمەسە باسپا تۋىندىلاردى وقۋدا قيىنشىلىعى بارلارعا قولايلىلىق جاراتۋ ماراكاش شارتىن» قاراۋ احۋالى جانە بەكىتىلگەن قاۋلى جوبانىڭ العاشقى نۇسقاسىن ازىرلەۋ جونىندە مالىمەت بەردى.
مەملەكەتتىك حالىق قۇرىلتايى تۇراقتى كوميتەتىنىڭ باس حاتشىسى ياڭ جىن-ۋ ماجىلىسكە مەملەكەتتىك حالىق قۇرىلتايىنىڭ باقىلاۋ-تەكسەرۋ جانە ٴادىليا كوميتەتى، قازىنا-ەكونوميكا كوميتەتى، سىرتقى ىستەر كوميتەتى، ورتانى جانە بايلىقتى قورعاۋ كوميتەتى، قوعامدىق قۇرىلىس كوميتەتى قاتارلى 5 ارناۋلى كوميتەت ۋاكىلدەرىنىڭ كەڭەس جوبالارىن قاراۋ ناتيجەسى جونىندەگى باياندامانى قاراۋ احۋالى، ٴىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداما جانە مىندەتكە تاعايىنداۋ، مىندەتتەن قالدىرۋ جوباسىن قاراۋ احۋالى جونىندە مالىمەت جاسادى.
مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باس حاتشىسى شين چۇنيىڭ ماجىلىسكە كادرلاردى مىندەتكە تاعايىنداۋ، مىندەتىنەن قالدىرۋ ىستەرى جونىندە مالىمەت بەردى.
كوميتەت باستىقتارى ٴماجىلىسى جوعارىداعى جوبالاردىڭ وزگەرىس ەنگىزىلگەن نۇسقاسى، قاۋلى جوباسى قاتارلىلاردى تۇراقتى كوميتەت ٴماجىلىسىنىڭ قاراۋىنا تاپسىرۋدى ۇيعاردى.
اۋدارعان: گۇلنۇر قابىلقاق قىزى
